#الـفـصـل الثـالث#
💕أحبني_مراهق💕
#أنثى_تعشق_الإختلاف#
للكاتبة #رباب نجمة# 🌟
الجزء 126:
دخل صقر للڤيلا بمشيتو الرجولية... كيقلب بعينيه عليها.. وشكون من غيرها الفتاة الفاتنة لي حتلت تفكيرو وتربعت على عرش قلبو... الفتاة لي ولا مجمل وقتو كيفكر غير فيها...
لقا ضحى جالسة كتشرب القهوة ودايرة رجل على رجل ومظهرها كيبان أحسن من قبل... أكيد تاهي باغا تشارك فحرب النساء وتربح فيها...
رجع ركز نظرو فالدروج باغي يطلع حتى وقفاتو بصوتها.. والظاهر أنها باغا تختابر صبرو...
ضحى: فين غادي ؟
صقر: طالع لبيتي عندك شي مانع ؟
ضحى حطات القهوة من يديها وبقات محافظة على جلستها وابتسامتها الساخرة...
ضحى: لا أبدا...غير مامولفش ترجع فهاد الوقت أشنو دغيا توحشتيها... اوا سمعني نقوليك غير ولف على غياب عشيقتك حيت مستحيل تبقى فهاد الڤيلا...
صقر: صلحي فمك حسليك أو وزني كلامك معايا ولا غادي ندمك أ ضحى على قلة الآداب لي ولات فيك..
ضحى: اهاه ماعجبكش الحال ندوي عليها بهاد الطريقة... اوا صافي مايكون غير خاطرك أحبيبي حتا أنا مغانبقاش نجبد سيرتها على لساني... غير ولف غيابها حيت مابقاليها والو وتغبر علينا من هاد الڤيلا وأنا بيدي غانكون حريصة باش تمشي وماتعاودش ترجع...
ابتسم ببرود...
صقر: ظاهرلي وليتي تحلمي ونتي فايقة أمراتي الغزالة...إوا مدام هكا حتا أنا سمعيني...
آية صافي درتها هنا (شار لعقلو) أو ولات ساكنة هنا (شار لقلبو) او من هنا مغاتمشي حيت هي صافي ولات ملكي... وإلا ماعجبكش الحال تقدري طلبي الطلاق حتا واحد ما مرغمك تبقاي معايا...
طلع لفوق وخلاها كتغلي بالأعصاب و الغيرة دارت فيها عمايل.. غوتات بالجهد حتى بانو عروقها...
ضحى: اااااع مستحيل هادشي يوقع... مستحيل نخليك تربحي بيه هو ملكي أنااااا....غادي نقتلك أ العاااهرة...خطافة الرجااال...بحالك بحال مك...دم واحد كيجري فعروقكم... دم الغدر... همكوم الوحيد تنكدو عليا حياتي...
طلع صقر الفوق وهو مصمم على قرارو صافي آية ولات ملكو شي حاجة كتخصوا ومستحيل يخليها تبعد عليه أو يقدر هو يبعد عليها ...
دق عليها ودخل بعد ماسمع إذنها....
تصمرات فبلاصتها وهي كتلمحو قدامها ببنيتو الضخمة... أو وسامتو الطاغية... واش هذا لي ماماها كانت كتقول عليه شارف...أكيد كانت كتهضر على شي راجل آخر...
قرب منها أكثر كيشوف فيها بنظرات عشق وهيام...كأنه عاشق شاف محبوبتو بعد فراق طويل... باغي يضمها ليه ويشبع شوقو ليها... حسات بيديه مسافرين فشعرها القصير حتى لأطرافو.... ظلت ثابتة كتشوف فيه بدهشة...
حط يدو على خصرها النحيف وجرها مقربها منو أكثر ماقادرش يصبر... أما هي مصدومة فيه هذا أشنو كيحاول يديه... لكن مابعداتش ومادارت حتا حركة غير متبعة مع كل حركة كيديرها... حنى راسو لعنقها طابع قبلة حارة كيعبر فيها على مدى حبو وعشقو ليها.. وسعات عينيها ولكن أيضا مادارت حتى ردة فعل.. هز راسو وعينيه فعينيها.. وجهو عند وجها وأنفاسهم بالكاد تخالطوا وبدون قصد نيفها قاس نيفو... نطق بصوت هامس...
صقر: آية...
نطقو لإسمها بهاد الطريقة خلا حركتها تشلل وجسمها يفشل أما قلبها قريب يتوقف غمضات عينيها مستمتعة بقربو ومستسلمة ليه تماما عمرها تخيلات قربو ليها لهاد الدرجة ممكن يدير فيها هادشي كامل.. وبدون سابق إنذار حط شفايفو السخونة على شفايفها الثلجية لي كترعد جامعها ففمو بقبلة سطحية...حلات عينيها على وسعهم ماعارفاش أشنو كيوقع... واش هادشي لي كدير صحيح....قلبها كيضرب بحال خايفة تندم...
هو راجل مزوج أ آية !.....فيقي راه غير كيضحك عليك !... هو كيبغي مراتو !.... علاش ماباغاش تصرفي ديري شي حاجة بعديه..شغلي ذماغك أ آية....فين مشا عقلك ؟ لهاد الدرجة قدر يضحك عليك....!
سكتات جميع الأفكار لي جاوها...ورفعات يديها بتردد وحطاتها على صدرو الفولاذي وطلعاتها بجرءة وببطئ حتى لعنقو... ماكانت ردة فعلو غير رجع حكمها من خصرها الرشيق...ويديه حولها لصدرها لي بارز من تحت داك الفستان الضيق لي لابسة.... كان صدرها كيطلع ويهبط بوتيرة متصاعدة متوترة بزاف... وخايفة كذلك...
قبلات ولمسات مابرداتش النار لي شاعلة فقلوبهم... نار الحب لي كيحسوا بيها وهما بعاد وحتا وهما قراب مابرداتش بالعكس عاد زادت شعلات..
جرها من يديها وخدودها مزنگين بفعل الحرارة لي شعلات فجسمها والخجل لي ركبو فيها... ونطق وهو كيلعب فخصلات شعرها أو وجهو أمام وجها مكايفصل بيناتهم حتا حاجة...
صقر: باش كتحسي من جيهتي أ آية ؟
شافت فيه بعيون مدمعة وخدود موردة...
آية(ببراءة): إحساسي فاق الحب ماعرفتش شنو نسميه!!
ابتسم بحب وعشقو ليها كيتزاد مع كل حركة كدير قرب منها وشفايفو ملامسين شفايفها الحمرين والمجروحين ونطق بهمس....
صقر: كنبغيك... كنعشقك أ آية... كيفاش قدرتي ديري فيا هادشي وتخليني ندوب فيك..
هزات عينيها فيه بصدمة مامتيقاش شنو سمعات...
#يتبع...
نتمنى يعجبوكم الأجزاء خليولي آراؤكم في القصة وشنو توقعاتكم للأجزاء الماجية..
#رباب نجمة 🌟
أنت تقرأ
أحبني مراهق A TEENAGER LOVED ME
Lãng mạnبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
