#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 52:
تمنيت الأيام ترجع اللور 🎼 وترجع نت واحد براني 🎶🎵 دبا الزمان عليك يدور تتمناني وماتلقاني 🎶غانقولها بكل ثقة وغرور بحالي ماكايناش فالدنيا🎵🎵 حياتي كاع مابقا فيها سرور🎶 نتمنى الأيام تنسيني الكية🎶🎶..
أغنية كتمثل وضعية هاد الثلاثة (ضحى-فخر الدين-شمس)..
بالصدفة سمعات ضحى الأغنية نزلات دمعة من عيونها البريئة.. صعيب تنسى.. ولكن قرارها لا رجعة فيه بغات تبدا حياتها من أول وجديد..
🌹أصبحنا وأصبح الملك لله🌹
فاقت ضحى بكل نشاط خدات دوشها المعتاد لبسات حوايجها واتاجهات لأقرب صديقة ليها..
"الطبيبة النفسية"..ماشي بزاف باش ضحى دخلات فحالة إكتئاب حاد بسبب الصدمات لي تلقاتهم من بعد موت باباها و سفر فخر الدين المفاجئ هاد الأسباب كانت كافية باش تشوف طبيبة نفسية.. "غيثة"..من طبيبة نفسية إلى صديقة وفية.. حاولات تخرج ضحى من حالتها لي مكانتش تبشر بالخير وتخليها تولي إنسانة أخرى متفائلة وكلها أمل لكن زواج فخر الدين كان كافي يرجعها كيف كانت..
دخلات ضحى لعيادة صديقتها غيثة..
ضحى: صباح الخير دكتورة..
غيثة: أنا في الخدمة هه صباح النور حبي.. مال عينيك منفوخين (قربات ليها كثر متسائلة على حالتها)..
ضحى: بيا الحب أختي عييت من كلشي..
غيثة: شنو وقع ليك.. عاد كنتي صحة سلام..
ضحى(نفاجرات بالبكا ماقدراتش تكبح دموعها ومشاعرها المحطمة): تزوج أختي تزوج وخلاني هئ هئ..
غيثة( مستاءة من حالة صاحبتها لي من نهار تعرفات عليها وهي فالهم ماكان بيديها غي تعنقها وتواسيها): ماتبكيش أحبيبة كاع مايستاهل الرجال مايستاهلوش دموعنا..
ضحى(وقفات على البكا وشافت فيها): ماتقوليليش حبيبة..
غيثة(مستغربة): وعلاش..
ضحى: البنت لي تقوليك حبيبة ماتيقيش فيها..
غيثة: وخا أزين..
(وهما ينفاجرو بالضحك)..
غيثة: ديما خاصني نضحك على تفاهتك يا هاد الحمقة..
ضحى: ولابد..
طرن طرن طرن..
شافت غيثة تلفونها.. عينيها وساعوا وبانت ابتسامة عريضة على وجها سرعان ماجاوبات..
غيثة: ألو سقروش توحشتك..
(ضحى غي مستغربة لهاد المخلوقة)..
غيثة: واش بصح جيتي للمغرب مامتيقاش.. أوكي أوكي نشوفك تما.. طيط طيط..
غيثة: أخيرا خويا جا..
ضحى (باستغراب): خوك!!
******
كانت أمل خارجة من دارهم وهي ماحاملاش تمشي لفيلا ولكن ماعندها مادير إلا مامشاتش تخدم شكون غايعاون مها على الزمان.. بالصدفة جات عنيها على إسماعيل رجل المهمات الصعبة كيف كايسميوه فالدريبة.. غير شافتو والبنت نسات راسها شكانت باغا دير.. من نهار تحول إسماعيل يسكن فالدرب وحبها طايح عليه.. لكن المعفر تعفر بالشوية وهو مامحاشيهش ليها.. البنات ديال الدرب كيتسطاو عليه وهي كانت وحدة منهم لكن السي السيد مزال قلبو مابغا يرطاب ويحن فيهم.. مشات قاصداه نيشان ختنا ماعندهاش مع اللف والدوران..
أمل: صباح الخير إسماعيل..
إسماعيل: أهلا ختي أسية..
(أمل طلعليها الدم من كلمة ختي ومن كلمة أسية)..
أمل: قدورة هادي ماشي أسية..
إسماعيل: كفاش..
أمل: معاك أمل..
إسماعيل: متشرفين والله مشاتلي سميتك..
أمل: هذا دليل على أنك إنسان اجتماعي يحب التعارف مع الفتيات..
إسماعيل: ضروري هادشي لي بغات الوقت..
أمل: راه نت لي بغيتي..
إسماعيل: جيني من اللخر أش خصك..
أمل: خصني نت..
أسماعيل(طلع فيها حاجبو وتا حد ماعاجبو)..
أمل: مهم تهلا أزين.. (مشات كتعوج وخلاتو حاير فأمرو)..
******
فاقت شمس على صوت بكا بنتها..
شمس: صافي أماما ماتبكيش صافي الزين ديالي..
(دخل فهد للبيت)..
فهد: حبيباتي صباح الخير.. مال الأميرة ديالي كتبكي..
شمس: فيها الجوع هه..
#يتبع..
أنت تقرأ
أحبني مراهق A TEENAGER LOVED ME
Любовные романыبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
