#الـفـصـل الثـالث#
💕أحبني_مراهق💕
#أنثى_تعشق_الإختلاف#
للكاتبة #رباب نجمة# 🌟
الجزء 124:
جالسين البنات في الغرفة بعد ماصلاو وإحساسهم كان رائع..
لينا: عمرني توقعت نصلي شي نهار كنت نشوف جدة كتصلي ولكن والديا عمرني شفت جبهتهم قاست الأرض.. حتى أنهم عمرهم تكلمولي على أمور الدين...
آية: حتى أنا بحالك... للأسف تربينا وسط عائلة بعيدة على دينها... كيفكرو غي فالأمور التافهة....
تكلمات لينا بعد مدة من الصمت..
لينا: ودبا شنو غادي ديري ؟
هبطات دمعة سخونة من عينيها الواسعة كتسقي رموشها الطوال.... كأن سؤالها حك على الضبرة.. شي مرات كتحسد لينا على مرحها ... بنت حيوية ونشيطة كتشوف الحياة بنظرة مختلفة... مكرهاتش حتا هي لو كانت بحالها...
غمضات عينيها متنهدة بعمق حاسة براسها مخنوقة.. فتحات عينيها ..
آية: كنظن بلي ماما عندها الحق أنا غلطت فاش بغيتو...
لينا: ولكن ماشي بيديك... نتي ماغلطتي فوالو..
آية: هذا هو المشكل.. خصني نبعد باش مانغلطش...
أصلا صقر عمرو مغايشوف فيا ولا يبغيني كيف كنبغيه...
قربات منها لينا أكثر جالسة برقة..
لينا: وباش عرفتي ههه خلي ليام هي لي تبينليك أحبيبة...
شافت فيها آية باستغراب عارفة بلي من مور هاد الضحكة كاينة شي حاجة.. حيت لينا مستحيل تهضر بهاد البرود...
آية: شنو بغيتي تقصدي...
لينا: الشوفات لي دار فيك نهار الأول لي جيتي واليوم كذلك... والنهار لي تخاصم فيه مع مراتو وزيد حتى شنو طرا بيناتكم لتحت... هادشي كامل عندو معنى واحد..
آية: ولي هو ؟
لينا: ماديريش راسك هبيلة ومكتفهميش مكتجيش معاك أصاحبتي... المعنى باين او واضح وضوح الشمس... ولي هو باااغيك وعينو فيك... واذا ماتطورش هادشي لي بيناتكم ماتكونش سميتي لينا...
آية(ذبلات عينيها): لالا مكنظنش... أصلا مجيتي للمغرب كانت غلطة كبيرة وغادي نصلحها...
لينا: ماتقوليليش غاترجعي لفرنسا...
آية: هادشي لي بالي...
*****
صباح جديد وبداية يوم جديد.....
جالسة أمام المرآة كتمشط شعرها وكتفكر فالبعيد.. تقدمات من الباب فاش سمعات الدقان..
فتحات الباب وتيبسات فبلاصتها فور ماجات عينيها على ضحى... هاد الأخيرة لي كترمقها بنظرات الحقد والغيرة... دخلات المدعوة ضحى للغرفة سادة الباب وكتقرب شوية بشوية من آية..
ضحى(بسخرية): مال الأميرة الصغيرة ماهبطاتش تفطر.. ياكما مقلقة ولا دايرة شي حاجة لي غاتخلينا نتقلقوا منها حنا كاملين !
زمات فمها وهي كتلتاقط هاد الكلمات الساخرة...
آية: نتي علاش كتدوي معايا بهاد الطريقة ؟
ضحى: ماعجباتكش هضري ألغزالة... (بحدة) ولكن راجلي عجبك ها !...
شافت فيها آية بملامح باردة ونطقات..
آية: خرجي من بيتي أحسليك وبراكة من هاد الهضرة الخاوية...
ضحى: من دون الرجال كاملين بانليك غي راجل ضحى... واش ماحشمتيش من راسك ؟
آية: مادرت حتى حاجة لي نحشم منها أو نندم عليها.. وعلاقتي معاه ماعندك فيها دخل.. ربي شاهد عليا أنو مافنيتي تا حاجة تضر بيك أو تسيء ليك... كيف ماكان الحال كتبقاي صديقة ماما ومن العائلة...
علات حجبانها ونطقات بغضب...
ضحى: بلاما تبينيلي بلي راكي خايفة عليا وكتهمك مصلاحتي... حيت نتي لفعة..
كمشات فمها بتلقائية وعلات حاجبها بغرور...
آية: أنا خايفة عليك من راسي وشنو ممكن ندير فيك... ودبا خرجي عليا برى مابغيتش نشوف وجهك...
ضحى ساطت بنفاذ صبر ونطقات..
ضحى: سمعيني مزيان...
راجلي فاش غايمل منك مرجوعو ليا أنا.... نتي غير وحدة غايدوز بيها الوقت ويرميها بحال لي سبقوك.. أما أنا كنبقى مراتو وحبيبتو فهمتي.. وإذا مارجعتيش منين جيتي كوني أكيدة غادي نكحل عليك حياتك..
شافت فيها آية بملامح باردة ونطقات....
آية: نتي مزال مكتعرفينيش شكنسوى.. حسليك ماتحاوليش تلعبي معايا...وخليني نحتارم السن لي بيناتنا ودبا خرجي عليا...
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
