أحبني مراهق A TEENAGER LOVED ME

|102|

#الـفـصـل الثـالث#
💕أحبني_مراهق💕
#أنثى_تعشق_الإختلاف#
للكاتبة #رباب نجمة# 🌟
          
الجزء 102:

على مائدة الإفطار جالسة وظهرها منتصب كتاكل برقي وبأدب حاملة فيديها ليسرية الموس ويديها ليمنية الفورشيط وحيدة على هاد المائدة الطويلة..
حتى كتحس بماماها جاية من الكوزينة وهازا فيديها طبق من الكعك، على شفايفها ابتسامة مشرقة.. لابسة فستان واصل لركبتيها بلون الورد، وطالقة شعرها البني المموج على كتافها.. كيلامس عنقها الرقيق.. "شمس" امرأة جميلة ماخدا الزمن من عمرها والو.. فعلا كبرات بنتها لكن هي كاع ماكبرات مزالة محافظة على صغرها وجمالها..
تقدمات دافعة كرسيها برجليها للور.. ناطقة..
شمس: ها الكعك لي كايعجبك وجد.. دوقي وقوليلي كيف جاك..
(قطعات منو قطعة صغيرة ومداتها لبنتها..لي فور ماداقتها ترسمات على وجها ابتسامة رضى..وتكلمات بهدوء بصوتها الرقيق والشبيه بالهمس حروف رنانة وبلغة فرنسية سليمة)..

آيـة: ماخداماش اليوم !!
شمس(بهدوء مماثل): قدمت استقالتي..
آيـة(بتعجب): وعلاش ؟ واش وقع شي مشكل ؟؟.. ياك كانت عاجباك خدمتك كونك مصممة أزياء فشركة معروفة وسمعتها نبيلة..
شمس(جاوبات على قد السؤال مابغاتش تنطق بالباقي): ماوقع حتى مشكل..(تنهدات ورجعات نطقات) عجبك الكيك ؟

آية رمقاتها بنظرات شك وهزات راسها بالإيجاب، هزات صاكها ومشات ناحية الباب كتلبس معطفها الثقيل.. بلون داكن مماثل للجو الكئيب البارد..

تمشات آية بثقة وبكبرياء في الشارع الرئيسي.. مشية متوازنة كأنها عارضة أزياء.. أصلا هادي خدمتها عارضة !!
غير مبالية لنظرات الرجال ليها.. ولا النساء لي كيشوفو فيها بغيرة..

~فمكان_آخر•

أنثى جميلة و بخدود ممتلئة، حاملة آلة التصوير..واقفة قدام نافذة طويلة زجاجية وكتصور فالمناظر لي كتبان من برى.. حتى كتحس بالكرسي لي تدفع وصدر صوت مزعج..
جلسات مقابلة مع آيـة ونطقات..

لينا(بمرح): فين غاتكون وجهتنا اليوم؟
آيـة(بتعب): بصراحة ماعندي خاطر اليوم غير مابغيتش نضيعليك وقتك..
لينا(بقلق): علاش أشنو بيك ؟
آية: لا والو غير عيا عادي وصافي..
لينا(ابتاسمات ونطقات بمرح): ياكما سهرتي مع حبيبك !! ههه

رمشات آية معلية حاجبها الأيمن كتشوف فيها بنظرات حادة..
آية: ماتعطيش لراسك الحق تسوليني بحال هاد الأسئلة.. لي جامعني بيك غير الخدمة..
لينا(تحولات ملامحها لعبوس):حشومة عليك أصحبتي..عشرة سنين ومزال ماكتعتابريني صديقتك..قرينا بجوج وخدمنا بجوج ومزالة علاقتنا رسمية(نطقات بسخط وبابتسامة ساخرة ملوحة بيديها بضيق فالهواء) لا أصدقاء لا علاقات غرامية..(رجعات بظهرها على الكرسي) بزاف على التعقاد..
آية: مية مرة قلتليك أنا ماشي معقدة.. C'est une façon de vie (هادي طريقة للعيش).. ماعندو علاقة بالتعقاد.. ولكن التجارب القديمة كتخليك ديري الحذر ديالك من جميع الناس..
لينا(بعناد): امم على العموم عارفة راسي عزيزة عليك..

#يتبع..