أحبني مراهق A TEENAGER LOVED ME

|69|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 69:

غيثة(سكتات كتشوف فعينيه لي كيبينو الضعف)واش.. هي ضحى..
لا مايمكنش..
هي نفسها البنت لي بغيتيها من قلبك وتعذبتي على قبلها هاد السنين كاملة.. البنت لي رفضاتك بطريقة خايبة أخويا من أول لقاء ليكم..(شافت لبعيد معجبة) أش هاد الصدفة !!
******
دخلات لبيتها وزدحات الباب بالجهد.. نزلات على ركابيها كتبكي بصوت مجهد.."دائما كيوقعليها نفس المشكل ..ماعندها زهر فالحب..لي كتبغيه مكيبغيهاش ولي كيبغيها كترفضو".. كانوا هاادو هماا الأفكار لي كيدورو فراسها.. نااضت كتمشى باتجاه المراية شافت فيها لثواني كذكر داك النهار..
#فلاش_باك#

كانت حفلة عيد ميلاد صديقتها..
ولاد وبنات كلهم محيحين.. الأجواء صاخبة الكل كيشطح..
مستمتعين..

تقدمات ضحى بابتسامة مصطنعة لعند صديقتها.. لابسة كسيوة طويلة فالأسود.. ظهرها عريان ..وشعرها راداه لور..او وجها طبيعي بلا حتى قطرة ديال المايكاب.. كانت محط أنظار الكل.. نظرات إعجاب بجمالها من طرف الولاد.. وغيرة وحسد من طرف البنااات..

صديقتها(وسعات ابتسامتها) :شكرا بزاف أ ختي علاش عذبتي راسك.. وخا المشاكل قدرتي تجي تحضري معايا.. (عنقاتها)..
ضحى: ولو كنبقاو صحابات..
شمس: أنا غانمشي للطواليط..
أمنية: غانجي معاك نقاد مكياجي..
ضحى: صافي أنا غانتسناكوم..
..جات عندها فرقة ديال البنات مكونة من 3..شافو فيها باستهزاء وضحكوا بسخرية..
البنت1: أوه الزين ماعلابالوش جاي للحفلة فعز مشاكلو..
البنت2: أشمن مشاكل هادي..
البنت1: علاش نتي مافخباركش مها خانت باها والأخت كتعالج عند الطبيب دالحماق ههه..
بقاو كيضحكو عليها وهي ساكتة ماباغاش دير مشاكل.. ولا تبكي وتبين ضعفها قدامهم..
شمس: بس ..
داروا شافوا فيهاا..
أمنية: كاين مانقضيو.. نتوما بايلي خص دين مكم شي قتلة ..
البنت2: الا قدرتي قربي ليا وشوفي..
أمنية: شناهوااا ..(شافت فشمس) هادي بايلي مكتعرفنيش.. (رجعات شافت فالبنت) اوا أجي نوري لملتك شكون أنا..
(قربات ليها جراتها من شعرها وبدات عليها بالتصرفيق.. البنات كيفكوا.. والدراري كيضحكوا.. ماطلقات منها تا خلاتها مشروطة ومقموشة من كل قنت)..
البنت2: غادي ندعيك ونخليك تعفني فالحباسات..
أمنية: لي فجهدك ديريه أزين..
..قربات شمس من ضحى..
شمس: واش نتي بخير.. بغيتينا نمشيو..
ضحى: لا لا غي خلينا أنا غانخرج لبرا نشم شوية دالهوا..
شمس: نجي معاك..
ضحى(رفضات): خليك غانجي دغيا..

خرجات لبرا.. بعيدة على الصداع دالحفلة..بلاما ترد الباب للعينين لي كيراقبوها..
ابتاسم جنب وخرج من الطموبيل ..دوز يديه على شعرو.. دور عينيه فالأرجاء مابالو حتى واحد.. مشا ديريكت ناحيتها.. هزات عينيها المدمعين ..وقلبات وجها ماحاملاهش..
ضحى: نت عاود..
صقر: وليت كنعشق أي بلاصة نتي فيها..
ضحى: بلا هاد الهضرة الخاوية ماناقصاكش..
صقر: غريب أمرك..
ضحى: علااش!؟
صقر: عوض ماتشكرني حيت نقذتك.. كتعاملي معايا بهاد الطريقة..
ضحى(بدات كتبكي):شكرا حيت فكرتيني..
صقر(قرب منها): أنا ماقصدتش ولكن....
ضحى(شافت فعينيه لي لامعين ببريق حزن): ماقصدتيش تفكرني بلي كنت غانتاحر.. اه عارفة.. لي ماعارفاش هو علاش تابعني صافي درتي فيا خير اوا الله يجعل البركة..واش فينما ندور نلقاك لاصق فجلايلي..
صقر: علاش مقصحة راسك ومابغيتيش تفهميني..
ضحى(بحدة): أااش؟..همم!! أش غانفهم ..
صقر:انا كنبغيك.. وهادي مدة كن. ..
ضحى(قاطعاتو معصبة):حبس..مابغيتش نسمع هاد التخربيق.. قلتليك شحال هادي ماتنتاظر مني والو أنا مكنبغيكش.. ومكايهمونيش المشاعر ديالك ناحيتي..
صقر: ولكن أنا..............................
#نهاية_الفلاش باك#
ضربات المراية بيديها حتى تشخشخات..
ضحى(غوتات): صافي براكة عليا هئ هئ هو ماكيبغينيش.. مايمكنش يكون مزال كيبغيني...
*******
أما عند مروى وإنجي كانو شدو الطيارة للمغرب..مروى لي كانت مراقبة ختها كفاش مرتاحة وعاجبها الحال ماعرفتش علاش ناوية وفنفس الوقت كتفكر فقلبها لي تخربقو دقاتو.. دقة باسم فهد.. ودقة باسم فيصل.. مسحات على وجها كتحاول ظبط راسها..
#يتبع..