#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الأجزاء الأخيرة من الفصل الثاني
الجزء 79:
ضحى: مكتوب عليا نبكي..مكتوب عليا نغوت ونشكي..كلشي فحياتي عوج.. ببف..
(جمعات شعرها الأشقر كعكة مهملة واتاجهات للشرفة كتستنشق الهوا ماعلابالهاش بشنو طاري لتحت.. كتفكر غي فداك الشخص لي قلب حياتها.. وهي اصلا مقلوبة..)
ضحى: زعما يكون كيبغيني.. (ابتاسمات) ممكن يكون الشخص المناسب..(بعدات نظرها وتكلمات)
تسناني أسي صقر غدا عندك زيارة من نوع خاص..
********
تنهد بالجهد مراقب قطرات الشتا لي نازلة بشكل غزير هاد الليلة(الله يرحمنا)..تلفت لطيلي لي صونا حداه.. هزو بهدوء وجاوب وعينيه على الشتا لي نازلة..
مراد: ألو..
أمنية: مراد واش نت فالدار..
مراد: آه..
أمنية: تسناني..
مراد(صغر عينيه بملامح مستغربة): وشنو السبب ؟
أمنية(غوتات بلا وعي منها) :كفاش شنو السبب!! بغيت نشوفك.. واش خصني ناخد موعد!!
مراد(شاف فساعتو اليدوية ماعاجبو حال): فهاد الوقت؟..
أمنية: تسناني(قطعات)..
(تبدل كلشي فهاد العاماين لي دازت.. حتا من شخصية مراد.. لي ولات كتزعجها تصرفات أمنية الحمقة)..
حط طيلي على لاطابل.. وحل صدايف اللوليين ديال القامجة.. ونظرو مازال مركز فالشتا..كيتفكر ابتسامتها اللطيفة وشعرها البني الجميل.. حتا من عينيها السوداويتين.. لطافتها وبراءتها لخصات طباعها الجميلة..
تلفت بالزربة ملي سمع صوت الدقان.. مشا حل ليها بضيق.. فحين هي تلاحت عليه كتبوسو من حناكو موحشاه.. لاحظات تعابيرو لي كتوحي بالضيق...
أمنية: مَالك.. علاش ماكنتيش كتجاوب هاد الأيام.. شنو كنتي كدير بعيد عليا..
مراد(جاوب ببرود) : شنو تشربي..
أمنية: السم يهنيني منك..
مراد(رفع حاجبو ماعاجبوش أسلوبها الوقح): وخا..
مشا للكوزينة وجابليها كاس دالعصير..
مراد: شدي يبرد عليك..
(أمنية ماشي من النوع لي يسرط القمعة ويسكت)..
أمنية(وقفات مقربة من وجهو): نت شنو هاد التصرفات دالخرا..
مراد(زير على فكها): صلحي فمك..
أسلوبك معايا مابقاش عاجبني..
مابقيتش قادر نستحملك كثر..
#يتبع..
أنت تقرأ
أحبني مراهق A TEENAGER LOVED ME
Roman d'amourبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
