أحبني مراهق A TEENAGER LOVED ME

|95|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
           الأجزاء الأخيرة من الفصل الثاني
الجزء 95:

طاح الظلام والسما بنجومها تزينات 🌚..

دخلات لالة أمينة لغرفة شمس.. لقاتها مقابلة مع السرجم الكبير لي كاين فبيتها مغمضة عينيها.. وشاردة بتفكيرها.. مخلية قطرات شعرها المبلل كتسابق توصل للأرض..

جات أمينة بالزربة سدات السرجم .. حلات شمس عينيها بالزربة وجمعات شعرها..

أمينة: عطيني أبنتي نشفليك شعرك غادي يضربك البرد..

ابتاسمات شمس وخلاتها تنشف ليها شعرها..

تكلمات بهدوء..
~من ديما كنتي كتخافي عليا من نسمات الهوا !! كنتي كتبانيلي كتزيدي فيه بزااف..
خوفك عليا كان كيحسسني بلي أنا بنت ضعيفة.. ماكنتش فاهمة ديك الوقت.. (سكتات شوية) ولكن فاش جات آية..(تنهدات) آية بنتي الصغيرة.. عاد فهمت الأمومة قداش صعيبة.. (نزلو دموعها وهي كتفكر غير فآية وشنو واقعليها دبا.. واش واكلة.. ناعسة ولا كتبكي.. عنداك تكون مريضة!! )..
ماما بغيت بنتي.. ماقدرتش على بعدها..

أمينة(عنقاتها كتواسيها): صبري أبنتي دبا يفاجيها الله.. بنتك غاترجعليك..غير زيدي صبري وخلي يقينك بالله قوي..

   "الصبر مفتاح 🔑 الفرج"

الأمومة تجربة فريدة من نوعها.. مليئة بالمواقف والتجارب وكذلك الذكريات.. كل أم كتعيش هاد التجربة بطريقتها الخاصة.. كتعيش مع أول طفل ليها بزااف د الأحداث لي ممكن يحسسوها بمشاعر زوينة.. كتمنحو الحب والحنان..كيما ممكن تحس من جيهتو بالخوف والقلق..
حياة الأم كتغير تماما بعد ولادة أول طفل..  هنا فين كتحس بالمسؤولية اتجاه طفلها..
وهكذا كانت شمس لي دخلات مرحلة جديدة.. مرحلة الأمومة لي ماحسات بمعناها إلا مع بنتها آيـة..
"الله يسمحلينا من الوالدين"..

*****
أمنية: دخلت عندها..بعد ماتشجعت وضغطت على راسي.. حاولت ندوي معاها..
مروى: وشنو وقع !!
أمنية: جرات عليا ومابغاتش تسمعني..
مروى: اوا راه عندها الحق أصاحبتي.. وزيد عليها واحلة فهم بنتها..
أمنية: أنا متأكدة مغاتسمحليش..
مروى: دبا تسمحليك غير زيدي حاولي..

#يتبع..