أحبني مراهق A TEENAGER LOVED ME

|127|

#الـفـصـل الثـالث#
💕أحبني_مراهق💕
#أنثى_تعشق_الإختلاف#
للكاتبة #رباب نجمة# 🌟
          
الجزء 127:

هزات عينيها فيه بصدمة مامتيقاش شنو سمعات.. واش معقول يكون كيبادلها نفس الشعور..
بدات كتبكي دموع الفرح وهو كيمسحيليها دموعها..
صقر: دبا علاش كتبكي ؟
آية: مامصدقاش شنو قلتي واش بصح..
صقر(ابتسم بحب): معلوم بصح أنا كنحماق عليك أ بنتي وكنتسطا على هاد العوينات.. مانبغيش نشوفهم كيبكيو.. متافقين..
هزات راسها بالإيجاب ودموعها عاد مازادوا..
صقر(هز حاجبو الأيمن): أشنو قلنا..
آية(ببراءة): هما لي كينزلوا بحدهم والله..
ضحك ضحكتو الرجولية وهو كيشوف براءتها الطاغية.. ضمها لصدرو ونطق..
صقر: صافي أحبيبتي غير تهدني وماغيبقاوش ينزلوا..

بادلاتو العناق وهي كتستنشق عبير عطرو.. بالنسبة ليها هذا حلم ومامستاعداش تفيق منو..
رجعات بعدات وشافت فيه..
آية: كفاش وقع هادشي.. زعما كفاش وليتي كتبغيني.. ومراتك !! شنو مصير علاقتك معها..

صقر شد وجها بين كفوفو وجبهتو على جبهتها..
صقر: ضحى غير نسايها دبا كاين غير أنا ونتي.. بوحدنا.. كتهميني غير نتي أ آية ومانقدرش نعيش بلا بيك.. أنا بيدي ماعارفش كفاش تطورات علاقتنا ولا حتى كفاش بغيتك بين ليلة ونهار.. لي عارف بلي نتي وليتي ديالي وملكي وأنني نساك موحال..(تنهد بعمق) ضحى كتبقى مراتي وصعيب نحكم أو نتاخد شي خطوة في علاقتنا هكا غادي نكون كنظلمها.. العشرة لي بيناتنا مانقدرش نضربها فالزيرو...ومانقدرش نظلمها معايا غادي نخليلها الإختيار بغات تبقى مراتي وتحت جناحي مرحبا مغايخصها معيا حتى خير.. بغات تبعد وتشوف حياتها بعيد عليا.. غادي تكون دارت فيا خير هه..

ابتاسمات آية ابتسامتها الساحرة مخلياه ساهي فيها...
صقر: ونتي شنو قصتك.. كفاش بغيتيني رغم الظروف لي مكتشجعش علاقتنا..
بعدات عليه آية شوية وتكلمات بتوتر..
آية: بصراحة ءء أنا مم ماعرفت......
صقر(شد فيديها): حبيبتي مكاين لاش هاد التوتر فاش نكون معاك خودي راحتك وتكلمي بأريحية..
آية: احم وخا.. فالحقيقة خالتو ماجدة هي لي تكلماتلي عليك بزاااف.. كلامها بينلي قداش كنتي رجل شهم وشجاع.. جاني الفضول نتعرف عليك أو بالأحرى نعرف شخصيتك.. قالتلي بلي نت لي نقدتيني فاش تخطفت وبلي نت لي نتاقمتي مع بابا من دوك المجرمين..(شدات فيديه) نت وخالتو ماجدة ليكم فضل كبير فأنني دبا مع عائلتي أما يعلم الله شنو كان وقع... (رجعات ابتاسمات وعينيها فعينيه) على داكشي سميتك المنقذ ديالي... كل ليلة قبل مانعس كنت كنجبد صورتك ونبقى نشوف فيك مكنقدرش نمنع أحلامي تسافر بيا ليك.. ونتخيلك معيا.. مافهمتش شنو كان كيوقعلي خاصة أن سميتك كبرات معايا من صغري وخالتي ماجدة كانت مصرة أنها تعاودلي عليك...
صقر: هادشي كامل وأنا مافراسي مايتعاود هه..يعني ماجدة هي لي عمراتليك راسك بيا..
آية: اه ولكن كلشي بالإرادة ديالي طبعا...(قربات منو أكثر) كنبغيك بزاف أ صكر..
صقر: حتا أنا كنبغيك القطيطة ديالي...كنموت فيك..
آية(ذبلات عويناتها): أكيد ماما مغتقبلش بعلاقتنا..
صقر: مدام نتي باغية ومقتانعة فمكاينش لي غايوقف فطريق علاقتنا غير ماتفكريش فهاد الأمور أنا غانتكلف وخا..
آية: اه متافقين أ حبيبي..
صقر: عاودي شنو قلتي..
آية: حبيبي وحياتي كلها...
صقر: كنبغيك أ الأميرة ديالي..

#يتبع..