#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الأجزاء الأخيرة من الفصل الثاني
الجزء 86:
بعد_مرور_شهر ☀
في بعض الأحيان الاحساس بالذنب كيجي متأخر.. والقلوب كتكون خسرات صفاوتها.. كيما كتكون خسرات قلوب اخرى..
هكا كان احساس إنجي لي تنادم معاها الحال.. هي ماحساتش بالذنب على ود شمس ولا حتا فهد..فهد لي دارت جهدها كامل باش يبغيها.. صدق من قال "لا شكّ في أنك أغبى الناس إذا كنت تبحث عن الحب في قلب يكرهك"..هي حساتو على ود ختها "مروى" لي كانت ضحية تخطيطاتها ومؤامراتها الخبيثة.. حسات براسها كتحارب في سبيل لا شيء غير "الفراغ"..حرب خرجات فيها خاسرة.. حتى فاش قررات تعاود فعلتها لصديقتها وبخاتها مزيان وقطعات معاها الاتصال..ودبا بدل ماهي خايفة من مواجهتها لختها ولات خايفة لعيسى يعرف بافعالها وشخصيتها المجنونة..قلبها تقبط من ذكر اسمو فبالها وحسات بالعار.. الغيرة والحسد عماوها وكلمات صديقتها حسسوها بأنها فعلا حقيرة.. وخا اكدات ليها أنها مكانتش في وعيها وكانت لاعبة عليها الغيرة ولكن ماكانش هذا عذر..
ولكن عذرها أنها إنسانة غير متوازنة هي إنسانة "مريضة نفسية"..هادي هي الحقيقة لي كتهرب منها.. حقيقة أنها كتعاني من اضطراب في شخصيتها..
دوزات يديها على راسها بارتجاف.. هزات تيليفونها في محاولة منها أنها تتاصل بمروى لي ردات فور ماشافت اتصالها..
مروى: ختي!!
إنجي: لاباس عليك؟
مروى: الحمد لله..
إنجي: نقدرو نطلاقاو!
مروى: اه فينك نتي؟
إنجي: في داري..
مروى: وخا أنا دبا شوية نكون عندك..
وهي غاطسة في أفكارها لي ولات شاغلة بالها خلال شهر كامل.. مكدير والو من غير جالسة فدار كتراجع نفسها..
قفزات من مكانها على إثر الصونيت دالباب.. مشات حلات واستقبلات مروى فالصالة..
بعد صمت نطقات فجأة خلات مروى مصدومة..
إنجي: أنا نادمة.. (هبطات عينيها وبلعات ريقها) ندمانة على شنو درت فيك.. كنت أنانية معاك كان عند بالي خصني ندير اي حاجة في سبيل حبي..(ابتاسمات بسخرية) ولكن على أشمن حب كندوي.. أنا خسرت ختي على قبلو.. حب مريض من طرف واحد.. أنا فهمت أخطائي ولكن عذري هو مرضي لي نتي عارفة بيه(سكتات لبرهة) ومروى غي مراقباها حاسة بيها كتدوي من قلبها.. (شدات فيديها) مروى ختي الصغيرة القلب الكبير غادي تسمحيلي كيف كل مرة؟
مروى(هزات راسها بايجاب): معلوم راكي ختي الوحيدة لي كنبغيها كثر من اي حاجة فالدنيا حتا نتي سمحيلي.. (عنقاتها)..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
