أحبني مراهق A TEENAGER LOVED ME

|53|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 53:
#الحوار-بالتركية#
ياسمين: نت عارف مزيان بلي هاد المسرحية للصالح ديالي بوحدي أما نت مغايطلعليك منها والو ومع ذلك غامرتي معيا..
فخر الدين(تكلم ببرود مهبط راسو متفادي يشوف فيها): عارف..
ياسمين(هزات راسو مقابلة معاه.. قرابين لبعضياتهم لدرجة كبيرة لبرهة سهات فلون عينيه أول مرة كتحقق فلونهم تناسات الأمر وتكلمات): تا لين غاتبقا هكا.. كتزيد تعقد الأمور على راسك..
فخر الدين(تعجب من هاد القرب أول مرة يكون قريب ليها..دور وجهو وهضر): الأمور أصلا معقدة أ ياسمين وعمرها غاتولي مقادة..
ياسمين(حطات يدها على كتفو): نت إنسان مزيان وقلبك كبير ماتستاهلش تعذب راسك الحياة مزالا قدامك حاول تنسى وبدا من جديد أنا متأكدة غاتلقا(سكتات لثانية من الزمن) بنت الناس لي غاتنسيك فالماضي(عارفة بالقصة)وفلي فات..
فخر الدين(دور راسو لجيتها بتساؤل): ونتي!!..
ياسمين(بابتسامة): ماتخافش عليا كيف تافقنا بعد عام غادي نطلقو وغادي نبدا حياتي من جديد (نزلات دمعة من عينيها وحطات يديها على يدو) عمرني غانسا ليك هاد الخير نت نقذتي حياتي او وقفتي فوجه بابا وناس الضيعة أما كون راني مزوجة بداك الشارف..
فخر الدين(مسح دموعها):ماتبكيش..أنا ديما غانكون فجنبك أياسمين..
#فلاش_باك#
ياسمين من أصول تركية فسن 22 سنة زوينة بزاف كتميز بثقتها فنفسها وذكاءها لي كيخليها تربح بزاف..البنت الوحيدة عند الآغا سلمان لي كلشي كيخاف منو ويديرلو ألف حساب مها ماتت فاش كانت صغيرة وكبرات مع باها لي علمها كلشي..
فاش كبرات كلشي بدا يدوي على بنت الآغا كفاش وصلات لهاد السن ومزال ماتزوجاتش..الأعراف كتقول البنت غي توصل 18 خصها تخرج من دار باها عروس..  اللغا والحديث كثر او ولات عالة على باها وحلف أول واحد يتقدمليها غايكون مكتابها ومن نصيبها من زهرها تقدمليها شيخ القبيلة وللأسف كان رجل كبير..  ياسمين ماقبلاتش وفكرات مزيان شنو غادير أكيد هي ماشي حمقة باش تنتاحر ولكن ممكن تهرب وتنقذ حياتها..
جمانة: واش حماقيتي إلا مشاو تاساقوليك الخبار غاتولي محكومة بالموت..
ياسمين: كنفضل نموت ومانتزوجش بداك الشارف..
جمانة: أنا غانمشي معاك..
ياسمين: جمانة نتي ماعندك فين تمشي بالحق غادي تعاونيني..
(جمعات ياسمين صاك صغير فيه حوايجها وشوية دالفلوس وركبات على العود لي جابتليها بنت عمها)..
وصل الليل وتقطعات الرجل..
جمانة: هئ هئ ردي البال لراسك أ ختي هاكي(مدات ليها ورقة مكمشة) هادي نمرة مصطفى فاش توصلي للمدينة عيطي عليه  وأنا غانجاوبك فيها وخا هئ..
ياسمين(مسحات ليها دموعها): صافي أجمانة ماتبكيش كلشي غايكون مزيان غي تهناي..
(انطالقات بحصانها وكانت عارفة مزيان الطريق لي غاتوصلها للطريق لي كتدي للمدينة بحكم بنت المنطقة.. داز بزاف دالوقت وياسمين مزال مضاربة باش تخرج للطريق ولكن ضو ديال القمرة مامساعدهاش.. شوية تا طاحت هي والعود..
ياسمين: أشنو وقعليك..(سمعات صوت ديال الخيل والرجال جايين بالجهد عرفاتهم رجال باها وبدات تزرب) لا لا مستحيل أشنو غاندير مانتابهاتش للطموبيل لي كانت جاية بالزربة
#يتبع..