#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 59:
صقر: صافي تقدري تمشي..
ضحى(وقفات وعينيها فالأرض): وخا أنا غانمشي بحالي(رجعات شافت فيه) ولكن هضرتنا مسالاتش هنا..
صقر(بحدة): شنو كتقصدي!!
ضحى(بابتسامة): بسلامة (ضارت باغا تخرج حتا جرها صقر صدرها ملاسق مع صدرو وعينيها فعينيه فاصلهم غي الكبرياء ديالهم..سها فعينيها الزورق لي من ديما كانو كيعجبوه وكيسحروه أما هي كانت كتفكر فين شافتو)..
صقر: عينيك.. كيسحروني..
ضحى: كككفاش نت شكتخربق..
صقر: ماعرفتش شنو كيوقعلي مني كنكون حداك..(قرب باغي يبوسها)..
ضحى: طلااق طلق مني(تنترات منو) علاش كتدوي معايا بالألغاز.. مرة كتقولي كلام كيجرح ومرة باغي تبوسني.... شرحلي..
صقر(رجع قربليها): ماشي الوقت المناسب علاش زربانة..
ضحى: براكة من هاد البرود المصطنع ودوي نيشان إلا كان كيسحابليك غادي ضحك عليا بدوك جوج كليمات ونخليك دير فيا لي بغيتي فراك غالط فيا..
صقر: تهدني علاش كتغوتي..
ضحى(غوتات): أنا غانمشي بحالي دبا ولكن ثيق بيا غادي ندمك على هادشي..
صقر(بابتسامة): كنتسناك..
(خرجات وهي كتغلي بالأعصاب).. مشات نيشان للتحت بلاما يشوفوها لقات الشيفور كيتسناها..
الشيفور: تفضلي آانسة نوصلك..
ضحى: لا غانشد طاكسي..
الشيفور: السي صقر غايجري عليا الا ماوصلتكش..
ضحى: سير قول لداك سيك صقر يبعد مني ومن طريقي.. (مشات وخلاتو)
********
كانت غاطسة فنوم عميق كتحلم بالليلة لي غاتجمعها بحبيبها حتا صونالها تيلفون..
أمنية(مزال مغمضة عينيها): ألو..
الشخص: إلا بغيتي تشوفي حبيبك معامن كيخونك أجي لأوطيل****..
أمنية(تحلوليها العنين): كفااش.. ألو ألو.. قطع.. شكايخربق هذا.. والله يا مراد وتكون كتلعب عليا حتا نخليك تندم على النهار لي عرفتي أماني.. غي بلاتي..
(ناضت دخلات للحمام ولبسات حوايجها بالزربة ومشات كتجري كيوصلات دخلات مدرمة لداك الأوطيل تا وصلها "سيري لريسيبشن غاتعطيك لاكارط دالغرفة"..داكشي لي دارت..
طلعات وهي كترجف ماعرفاتش علاش خايفة هكا.. هي متأكدة بلي مراد مستحيل يخونها..
يلاه حلات البيت وهي تصدم..
******أما فالفيلا كانت كالسة شمس على اعصابها كتسنى ضحى حيت تعطلات بزاف حتا بانتليها داخلة وحالتها حالة..
شمس: ضحى فين كنتي تخلعت عليك كنصوني كنلقاه مطفي..
ضحى: ونتي مالك علاش عزيز عليك دخلي فأموري الخاصة نمشي نبقى نتعطل ولا لا نتي ماشي شغلك بقاي بعيدة عليا حيت وجودك كيقجني..
شمس(مصدومة): حبيبتي علاش كتقولي هكا واش قلقك شي واحد..
ضحى: حيدي من قدامي..
طلعات كتجري غير دخلات لبيتها وهي تنفاجر بالبكا..
"أصلا نتي السبب فكلشي كون ماكنتيش كان فخر الدين غايكون ديالي نتي السبب فهادشي لي كنعيشو"
نرجعو عند أمنية لي غير حلات الباب وهو يشعل الضو وبداو كيصفقو..
مراد(بابتسامة): عيد ميلاد سعيد حبيبتي..
أمنية: ولكن نت..
مراد: ماحشوماش عليك تشكي فحبيبك..
أمنية(ضرباتو): ضحكتي عليا..
فهد: عيد ميلاد سعيد أختي الفنة..
مريم: أجي عندي نعنقك أشارفة..
أمنية: سيري سيري بعدي مني المجحومة..
مريم: ياكي إوا سري..
أمنية:شكرا بزاف هه فرحتوني.. خليوني نشوف الهدايا..
مريم: سمحولي مضطرة نمشي.. هيثم صدعني كل شوية كيصوني..
أمنية: لا واش دغيا غاتمشي.. الحفلة عاد بدات..
مريم: صافي غانزيد معاكم شوية..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
