أحبني مراهق A TEENAGER LOVED ME

|81|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
           الأجزاء الأخيرة من الفصل الثاني
الجزء 81:

أصبحنا و أصبح الملك لله..

عند__فخر الدين وياسمين

كالسة في الصالة كتشرب قهوتها الصباحية..حتا كتسمع الخبيط فالباب.. اتاجهات بالزربة وبهلع..يلاه كيف حلات حتا طارت عليها إنجي شانقة عليها..

إنجي(بعصبية): اليوم نوري لحمارة دمك شكانسوا.. شنو زعما كتلعبي معايا..
ياسمين: طلقي مني يا هاد الحمقة.. طلقي اعع..
إنجي: والله اليوم تانغززك ونوريك تفلاي على لالاك..
ياسمين: لهلا يحييك.. طلقي ولاغانجبدليك وجهك بظفاري..

تكلم صوت خشن من موراهم.. كانو خلاو الباب مفتوحة.. وكيدابزو ..

فخر الدين: شنو واقع...

شافوا فيه ويد كل وحدة مزالا فشعر الثانية..
فخر الدين(كيحقق فملامحها): نتي ماشي بنت خال فهد.. أشنو جابك لداري.. وزايداها مهجمة على مراتي..

طلقات ياسمين منها وتراجعات اللور خايفة من لي غاتنطق بيه إنجي..

إنجي: مراتك !! هههه...

اوا اسي فخر الدين لي جابني هي هاد اللفعة دمراتك.. نت راك مسكن لفعة فدارك..
(قبل ماتكمل كلامها طارت عليها ياسمين بقبضة قوية على فكها..مانعاها تدوي)..
ياسمين(بهمس): واياك تكملي ولا غادي نخليك تندمي..

فخر الدين(بالغوات مخاطب ياسمين): حبسي..
نتي كفاش لفعة!! أش كتقصدي بكلامك..

إنجي(بتحدي): أش بالك نقول لراجلك لعزيز على فعايلك.. والخطة لي كترسمي لحبيبتو القديمة اممم..

فخر الدين:  يلاه نطقي نسمع..
إنجي: لالة ياسمين كانت ناوية تقتل حبيبتك وتحرمك منها.. وهادي أحسن حاجة كانت غاتوقع كون كملات معايا فالخطة.. ولكن هاد اللفعة تراجعات فأخر لحظة..(بملامح غاضبة) وخربات كلشي..
فخر الدين(بهدوء): الا كملتي.. خرجي عليا من داري..
إنجي(بعدم فهم): كفاش مافهمتش..واش ماتقتيش بيا..
فخر الدين(قرب منها وتكلم ببرود): وشكون نتي باش نتيق بيك.. ونكذب مراتي.. كاع نقولو هادشي بصح.. ومن بعد أشنو كتوقعي مني ندير نبوسليك راسك مثلا ...امم ولا يمكن نجري على مراتي..باش نتي تبقاي فراحتك..
حسليك تخرجي عليا ولا غاتشوفي مني لي مايعجبكش..(بالغوات) تحركي من قدامي..

خرجات بالزربة ماراضياش.. ومافاهماش علاش تصرف هكاك.. ياك هذا لي مستاعد يقتل أي واحد حاول يقرب لشمس عاد الا حاول يقتلها..

قرب منها بملامح جديدة سيطرات على ملامح البرودة.. شد فذراعها بعصبية مزير عليها.. وتكلم بغضب..
فخر الدين: شنو هاد الحماق لي كنتي غاديري.. واش لهاد الدرجة كنتي أنانية..
ياسمين(مشتتا نظرها على عينيه لي غاياكلوها): لا ماتقوليش تقتي بيها.. هاديك راها حمقة غي كتخربق.. مافهمتش مالها معايا..
فخر الدين(بالغوات): يااااسميييين.. واش بنتليييك ولد صغير مكايفهمش..
ياسمين(رفعات فيه عينيها ونطقات بصوت مرتفع): أه أنااانية ..أنانية حيت بغيتك ليا بوحدي.. ديالي.. أدمنت على وجودك فحياتي.. نت لي حييتي قلبي من جديد.. مستاعدة ندير أي حاجة(شدات فيديه) غير باش تبقا معايا.. غير باش نحس بيك.. (نزلات دمعة من عينيها) حيت كنبغيك..

قرب منها مثأثر بهضرتها.. ضمها ليه بقوة بلاما ينطق بحتا كلمة.. ماعارفش شنو يقول ويمكن ماعارفش باش كيحس من جيهتها..
#يتبع..