#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 56:
صقر(طلعها وهبطها ونتوما عارفين علاش لالا ماعارفينش هه مفاجأة): شكرا أ أنسة مهم نخليكم عندي مانقضي نطلاقاو فالغدا أجي معايا أمعاذ..
ضحى: ياه على متكبر وحاس براسو..
غيثة: اوايوا جمعي فمك راكي كتهضري على خويا..
ضحى: الله يطليك بيه..
غيثة: شفتك دغيا جمعتي مع معاذ شكنتي كتعاوديلو..
ضحى: ماشي سوقك..
غيثة: تفو عليك تبعيني للكوزينة..
*******
معاذ: أشنو غانديرو أسيدي فموضوع الوجه الإعلاني..
صقر: هاديك البنت لي كنتي جماع معاها..
معاذ(بارتباك):احم..
صقر: هي أنسب وحدة تكون وجه اعلاني لشركتي..
معاذ: ولكن هي ماشي عارضة وماطلباتش تكون بين المشاركات..
صقر: مكايهمنيش نت تكلف المهم هي لي بغيت سوا بالخاطر أو بالزز..
********
خرج معاذ من المكتب وتنفس بالجهد وبارتياح..
معاذ: أخيرا تهنيت من موضوع الوجه الاعلاني (دغيا جمع الضحكة) ولكن كفاش غادي نقنع ديك البنت بهاد الفكرة ببف..
********
تجمعوا فطبلة وحدة كأنهم عائلة وحدة غيثة ضحى و صقر أو معاذ..
ضحى: أشنو هذا نسيت سميتو بالدريجة فكريني بيبيشة ياك..
(هنا صقر عقد حجبانو ماعاجبوش تصرفات هاد البرهوشة.. أما معاذ كان غايطلق الضحكة بزز باش تحكم فراسو أما غيثة حمارت من الإحراج)..
غيثة: ببوش أزمر ولا عرفتي قوليلو أغلال وهنينا..
ضحى(بتاسمات وشافت فصقر): امم الببوش عرفتي شنو تفكرت ديك المقولة ديال "كون كان تخراج العينين كيخلع كون الببوشة خلعات السبع"..
صقر: أشنو كتقصدي..
ضحى: لا والو ههه..
غيثة(بغات تلطف الجو): اوا كدازت السفرية أخويا..
صقر: مزيان الحمد لله..
(بقات ضحى مقاتلة مع ديك الببوشة تا طارت فوجه صقر)..
صقر(بعصبية): أش هادشي درتي..
(قفزات ضحى وهي كترعد مشات كتجري عندو وبدات كتمسحليه وجهو): سمحلي سمحلي كاع ماقصدت والله كنت باغا غي نجبدها هي لي مابغاتش..
صقر: صافي غير بعدي لهيه..
(مشا صقر للحمام وضحى من وراه كطلب السماحة)..
وبقات غيثة راس فراس مع معاذ..
معاذ: أنسة غيثة لاباس عليك..
غيثة(بتوتر): امم لاباس ونت شحال ماشفتك..
معاذ: الحمد لله منين شفتك..
غيثة: شنو قلتي..
معاذ: سمحيلي غانمشي إلا سمحتي..
غيثة: وخا بسلامة..
أما عند صقر ..دخل لبيتو وهي غي لاصقة فيه باغا تعاونو..
ضحى: خليني نعاونك عفاك..
(مابغاش يغوت عليها كيفما كان الحال مادارتهاش بالعاني شوية حتا بدا كيحمار ويصفار)..
صقر:نتي شكاديري..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
