#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الأجزاء الأخيرة من الفصل الثاني
الجزء 99:
ضوء الغرفة مطفي.. وستار النافذة كيديه الريح ويجيبو بسبب النافذة المفتوحة..
كان ناعس على السرير بعد ماخدا دوش خفيف..
تسمع صوت كعب عالي داخل الغرفة.. صاحبة الكعب العالي كتقرب شوية بشوية من السرير حتى جلسات بجنب الشخص النائم.. ضوء القمر ضرب فوجها باش يظهرو ملامح أنثى قاسية.. "مـاجـِدة"..بدات كدوز يديها برفق على وجهو.. وأظافرها الحمراء الطويلة قريبة تخدش بشرتو الناعمة.. بدى كيحل عينيه بصعوبة ومشقة.. حتى كيتفاجأ بيها قدامو بابتسامة شريرة..
رضى(بهمس): مـاجـِدة!!
مـاجـِدة: اييه بشحمها ولحمها.. كيف جاتك المفاجأة..
قبل ماينطق بكلمة كانت شكات فعنقو ابرة 💉 مسمومة خلاتو شهق من حر الوخزة..
رضى: نتي شنو درتي!! واش حماقيتي أشنو درتي واش باغا تقتليني..
مـاجـِدة(وسعات ابتسامتها ونطقات رافعة حاجبها): لا عاد ناوية نقتلك هه الشوكة لي دقيتلك عبارة عن سم بطيء وبعد ساعة غادي تلقى راسك فعداد الموتى و الدور ديالك فهاد الدنيا صافي غايسالي ههه..
رضى(بالغوات): لا مايمكنش...لا ماديريهاش أمـاجـدة لاااا..
مـاجـِدة لي كنعرف مستحيل تآدي شي حد..عفاك رحميني..
مـاجـِدة: امم عندي ليك عرض..غادي نقذ حياتك مقابل حياة بنت ختي.. قولي فين كاينة هي دبا وأنا غادي نهنيك من السم لي كيجري فعروقك..
رضى(سكت متردد)..
مـاجـِدة(شافت فالساعة): الوقت كيدوز بالزربة واش مزال ماباغي تدوي.. ولا ساخي بحياتك !! دوي خلاص فين هي آية ؟
رضى: صافي غادي نقوليك فين كاينة ولكن حتا تعطيني الدوا..
ابتاسمات بسخرية وتكلمات..
مـاجـِدة: لا واش كنباليك نية تا لهاد الدرجة.. غاضحك عليا..(دوات بالجهد) غاتقوليا فين كاينة آية ولا لا..
رضى: كاينة ف **** عند واحد الطالبة سميتها أوكتافيا..
مـاجـِدة: اوا دبا دويتي..
تمشات ناحية الباب باغا تخرج تا سمعات غواتو..
مـاجـِدة(دارت كتشوف فيه بشفقة على حالتو): اه هه نسيت.. (حطات قرعة صغيرة فوق كرسي بعيد من السرير وخلاتو معذب باش يوصليه وخرجات كضحك عليه)..
مشات بسيارتها نيشان للمكان فين قاليها وطلعات للشقة دقات بشوية.. غير حلات الباب وهي تشنق عليها وغوتات بالجهد..
مـاجـِدة: فين هي آية ؟
أوكتافيا(بخوف): شكون نتي..
مـاجـِدة: أنا لي كنسول هنا..فين هي آية؟؟
أوكتافيا: نتي علاياش كتهضري وشكون هاد آية ياكما هاربة من شي سبيطار..
مـاجـِدة: السبيطار هو لي غانسيفطك ليه..
أوكتافيا: طلقي مني ولا غانتاصل بالبوليس..
مـاجـِدة(بعدات منها مربعة يديها وابتاسمات باستفزاز): اوا عيطي عليهم نشوفو شكون غايهزو فينا..
أوكتافيا(بتوتر): خرجي بلا مشاكل..
مـاجـِدة: عطيني البنت ولا غادي تندمي..
أوكتافيا: كتحلمي..
(دفعاتها بالجهد وهربات للبيت سدات بالساروت)..
مـاجـِدة: حلي الباب ولا اقسم بالله حتا نقتلك..
أوكتافيا: لي فجهدك ديريه..
(رجعات مـاجـِدة باللور ودفعات الباب حتا تهرس.. خلات اوكتافيا غي حالة فمها فقوتها)..
مـاجِـدة: عطينيي البنت.. وماتعقديش الأمور..
أوكتافيا(غير كتبكي ومعنقة آية)..
مـاجـِدة(كتقرب منها): عطيني..
أوكتافيا: مانقدرش أنا وليت كنعتابرها بنتي..
مـاجـِدة: ولكن هي ماشي بنتك.. هي عندها ماماها.. غادي تحماق عليها واش نتي تبغي لي يبعدك على ولادك.. عطيني البنت..
(خداتها من عندها وخلات أوكتافيا كتبكي عليها كيف ماكان الحال هي ربات عليها الكبدة)..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
