💕أحبني_مراهق💕
للكاتبة #رباب نجمة#
الجزء 29:
شمس: اوا فين وصلتي فرسوماتك..
فهد: من هار شفتك وأنا كنرسم غير فيك..
(شمس تزنكات بالحشمة)..
فهد: مالك حشمتي راه غير كنضحك..
شمس: ههه..
طرن طرن طرن..
فهد: هاد التليفون عندك مكيسكتش من لي زابيل..
شمس: كيتك هه..
شمس(فتحات الخط): ألو ماما.. وي... ولكن أنا دبا مامسالياش..وخا وخا.. صافي هاني جايا..
شمس: سمحلي خصني نمشي بغاتني ضروري..
فهد: ماشي مشكل.. واش تبغي نوصلك..
شمس: لا مكاين لاش بسلامة..
فهد: بسلامة..
"مشات شمس للدار تما فين طلاقات مع ضحى لي كانو عينيها حومر باينة فيها كتحبس الدموع باش ماينزلوش غير بزز..بقات كتشوف الدار مرونة والخدامات غاديين جايين كل وحدة وأشنو كدير.. مافهمات والو.. حتا جات ماماها كتزغرت وماقاداها فرحة"..
أمينة: سعدي ببنتي كبرات وتاهي غايجيو فيها الخطاب..
شمس:كيييفاش..
أمينة: مالكي واش مافرحتيش.. اليوم غادي تجي لالة حفصة تطلبك لولدها فخر الدين..
"شمس مصدومة..ماتوقعاتهاش"..
أمينة: يلاه أبنتي هاهي ضحى تطلع معاك تعاونك غاتلقاي كلشي فالبيت..يلاه أحبيبة ديالي..
"طلعات شمس لبيتها وتبعاتها ضحى لي كي دخلات نفاجرو بالبكا"..
ضحى: هئ هئ صافي كلشي مشا..وحبيبي مشا.. وغانشوفو مع بنت عمي هئ هئ..
شمس: أنا مستحيل نتخطب لداك التافه.. اش هاد الثقة كاملة ماسولني ماهضرني دغيا زرب عليا.. هئ هئ أنا مابغيتش نتخطب بهاد الطريقة لراجل مكنبغيهش وماعشناش المغامرات ومادارش المستحيل باش يفوز بيا..
ضحى: كأس العالم نتي.. هئ هئ وشنو الحل..
شمس: ماعرفتش ..اليوم ماشي الخطبة الرسمية ياك..
ضحى: اه غير غايجيو باش تتفاهمو.. "قربات منها وشدات فيديها"..عفاك أشمس ديري شي حاجة أنا مانقدرش نشوفك مع فخر الدين..
شمس(عنقاتها): ماتخافيش ماغاديش تكمل هاد الخطبة..
*****كملات التجهيزات ديال الخطبة ومابقا إلا القليل ويوصلو صحاب الحال..
شمس: هئ هئ أش غاندير دبا.. أنا عارفة وخا نرفض غايزوجوني بزز..
ضحى: شوفي هربي..
شمس: جاتك ساهلة..
ضحى:ولا عرفتي خلي هاد الليلة دوز كيما بغاو هما ومن بعد نشوفو أش غانديرو حنا..
شمس:وخا..
"دخلات عليهم أمينة وهما يجمعو دموعهم..
أمينة: تبارك الله جيتي غزالة الله يحفظك من العين.. يلاه أبنتي نزلي سلمي على الناس..
شمس: وخا أماما..
"نزلات شمس هي وضحى..
بدات كتسلم تا وصلات لمدام حفصة لي سلمات عليها سلام ناقص بحالي ماحاملاهاش.. وسلمات على فخر الدين بلابيز لي كان مبهوط فالجمال ديالها تما فين عضاتو فحنكو بلاما تعيق ونطقات بهمس"..
شمس: غادي تندم على هادشي غير بلاتي.. (بغات تحيد وهو يرجعها)
فخر الدين(بهمس): بلاتي عضيتيني غي فحنك واحد.. الحنك الثاني غايتقلق منك..
شمس: طلق مني..
أمجد: تبارك الله على بنتي زينة ومثبثة..
سي المختار: الله يبارك فيك أسي أمجد..
لالة حفصة: امم تبارك الله..
أمجد: اوا أسيادنا لي نطولوه نقصروه حنا جينا طالبين فيد بنتكم المصونة لالة شمس لولدنا فخر الدين على سنة الله ورسوله..
سي المختار: مرحبا وألف مرحبا مغانلقاوش ماحسن من ولدكم لبنتنا.. فخر الدين ولدنا وكنعرفوه مزيان.. الحصول ماعندي مانقول من غير طلبكم مقبول..
أمجد: يلاه ألعيالات سمعونا زغاريت..
"سلات ديك الخطبة غير بزز طلعات شمس بالزربة لبيتها بدلات حوايجها ودموعها فخدها كيفاش سخاو بيها وعطاوهاليه بحال شي سلعة ماسولوهاش كاع على رأيها.. لبسات كسوة صيفية قصيرة (الصورة) هزات طيلي وهبطات نيشان للطوموبيل ديالها ونطالقات"..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
