#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 57:
صقر: نتي شكاديري.. ضحى: كفاش شكاندير كنعاونك مالك غاتبقا بهاد لافيسط(قبحات كمارتها وهي كتشوف فيها) كلها توسخات بسبابي.. صقر: ماعليهش غادي نحيدها بوحدي.. ضحى: لا مايمكنش غادي نعاونك (أكيد ضحى عندها عادي بحكم كبرات في أوروبا ).. أما صقر ماتصورهاش تكون بهاد الجرأة كانت كتبان حشومية.. خلاها عاوناتو وهو كيتأمل فتفاصيل وجها تبدلات بزاف زيانت ولكن كتبان بحال شي وردة ذابلة.. ضحى: هيهو أسبحان الله فين سهيتي.. صقر: احم صافي تقدري تمشي.. شكرا.. ضحى: بالعكس هذا واجب أنا السباب سمحليا.. صقر: صافي ماطرا باس.. (بقات كتشوف فيه وتذكر).. ضحى: صقر.. صقر: شنو.. ضحى: متأكدة شفتك فشي بلاصة.. صقر: ممكن فالمجلات ولا الجرائد أو يمكن فمواقع التواصل (نفخ صدرو بغرور) نتي دبا واقفة مع شخص مشهور كون كانت شي وحدة خرا كون مافلتاتش الفرصة باش تاخد معايا سيلفي.. ضحى: منيتك شفتك ثيقتي راسك هادي أنا ضحى ماشي وحدة خرا باش ناخد معاك سيلفي أصلا مكيهمونيش المشاهير أش غايطلعلي منهم.. صقر: امم مزيان تقدري تفضلي.. ضحى: أشنو كتجري عليا.. صقر: إلا ماعندكش مانع تشوفيني كنبدل صافي ممكن تبقاي.. ضحى: لا صافي هاني خارجة.. (خرجات وابتاسمات كأنها كتستقبل شعور جديد) ******* كان التليفون كيصوني بسمية فيصل و مروى ماقادراش تجاوب غير كتبكي حتى دخلات عليها إنجي.. إنجي: أشنو حبيب القلب مزال كيصوني.. مروى: هئ هئ حرام عليك هادشي لي كديري معايا.. إنجي: جمعي خناينك كفاش كتبكي على سرباي فقير ماشي من مستواك.. مروى: ونتي مالك ها باش فايتاه بالسلامة بالأنانية والعياقة ولا بالخطط الجهنمية لي كديري.. إنجي(طرشاتها): أخر مرة تقللي الحيا على ختك الكبيرة ولا مغايعجبك حال ونتي عارفة مزيان شنو ممكن نديرليك.. (خرجات وخلاتها).. مروى: لا لا مايمكنش خصني ندير شي حاجة اا نعيط لأمنية على الله تعاوني لا مستحيل نرجع لحياتي القديمة مايمكنش.. مستحيل..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
