💕أحبني_مراهق💕
للكاتبة #رباب نجمة#
الجزء 31:
"أصبحنا و أصبح الملك لله"..
شمس: صباح الخير عليكم..
الكل: صباح النور..
أمينة: أجي أحبيبتي تفطري فخر الدين من دبا شوية غايجي باش تخرجوا..
شمس: عندي ليكم شي هضرة..
سي المختار: أش كاين أبنتي..
شمس: أنا مغانتزوجش بفخر الدين..
سي المختار: بنتي حنا دوينا وعطينا الكلمة.. من الأحسن ماتعاوديش تجبدي هاد السيرة مرة خرا..
شمس: أنا مغانتزوجش بيه هي مغانتزوجش بيه..
أمينة: الله يهديك أبنتي..
المختار: طلعي لبيتك..
شمس: أنا حاملة..
الكل:😱😲😲😲..
سي المختار:( سرفقها)..مامربياش..
شمس: إلا كنتو باغيين الشوهة زوجوني ليه أنا كنبغي واحد أخر وليه غانكون متفاهمين..
"مشات وخلاتهوم وهي كتغلي بالأعصاب"..
شمس: ألو فهد..
فهد: أش درتي..
شمس: صافي قلتهاليهم..
فهد:مزيان هي خصني نوجد راسي لشي قتلة دالعصا هه..
شمس: دبا غانطيح من عينهوم.. أنا خايفة..
فهد: ماحدي معاك ماتخافي من والو..
شمس: علاش كدير معايا هكا..
فهد: ماشي مهم..
يلاه دبا جا دوري..
*******في المكتب..
سي المختار: أش هاد الفضيحة لي دارت بنتك.. شغانقولو للناس..
أمينة: هادشي لي هامك..البنت مكتبغيهش مايمكنش نبززو عليها شي حاجة..
سي المختار: هي ماعارفاش مصلاحتها.. خص ضروري نشوفو شي حل..
دق دق دق..
أمينة: دخل..
أمل: شي واحد كيسول عليك أسيدي..
سي المختار: وخا أنا جاي..
"نزل سي الختار ولقا فهد داير رجل على رجل كيشرب قهوتو "..
فهد: أهلا بسي المختار..
سي المختار: سلام أولدي شكون نت..
فهد: فهد المالكي..
سي المختار(ماخفاتش عليه هاد الكنية) : مرحبا بيك أولدي فاش نقدر نعاونك..
فهد: شمس...بغيتها فالحلال..
سي المختار(وقف):كيفاش..
فهد: أنا باغيها وهي باغاني فين المشكل علاش مقصح راسك..
سي المختار: ولكن......
(داز واحد الحوار بسيط بين المختار وفهد لي هاد الأخير خرج داير ابتسامة نصر)..
*******
شمس: هادشي لي وقع..
مـاجـدة: هههههههه والله حتا بزاف..
شمس: دبا علاش كضحكي..
مـاجـدة: دبا ختي غايجيها بيبي صغير هههه..
شمس: لواه بيبيا..
مـاجـدة: وفنظرك المختار غيوافق..
شمس: ماعرفتش ولكن ماعندوش حل أخر..
مـاجـدة: اممم..
شمس: هاهو كيصوني..
ألو.. وخا أنا جايا..
مـاجـدة: أشنو بغا..
شمس: ماعرفتش هاحنا غانشوفو يلاه باي..
مـاجـدة: ماتنسايش تعلميني بالجديد..
شمس: وخا..
"مشات شمس للدار طلعات عند عمها للمكتب"..
المختار: عجبك هادشي لي درتي..
شوهتيني مع الناس.. اوا الالة فرحي هانتي غاتزوجي بهداك لي بغيتيه يلاه نوضي وجدي راسك حيت اليوم غادي تكتبي الكتاب وياويلك ونعرفك درتي شي مشكل ماتلومي غي راسك..
"خرجات من عندو وهي كتفكر"..
شمس: اويلي على الكتاب هربت من مشكل باش نطيح فمشكل كبر منو.. غانتزوج بواحد صغير عليا لا مستحيل..
"جات عندها ضحى"..
ضحى: اش هاد التخربيق مافهمت والو منين جبتي هاد القضية دالحمل والحب..
شمس: ياك مغانتزوجش بحبيب القلب اوا فرحي اش بغيتي مزال.."زادت وخلاتها"..
ضحى: هادي مالها..
طرن طرن طرن..
فهد: حبيبة..
شمس: لواه الزعتر.. قالك اليوم الكتاب شهاد التخربيق وكيفاش قنعتيه..
فهد: ساهلة درنا صفقة مربحة للشركة.. وصفقة مربحة ليا..
شمس: اوا كيفاش غانديرو دبا.. مايمكنش نكتبو الكتاب..
فهد: وعلاش مايمكنش ها..
شمس: واش كذبتي الكذبة وتيقتيها..
فهد: بحال داكشي هه.. يلاه أحبيبة نشوفك فالعشية..
شمس: فهد فهد ألوو.. قطع.. مشكيلة هادي..
#يتبع
أنت تقرأ
أحبني مراهق A TEENAGER LOVED ME
Romansaبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
