أحبني مراهق A TEENAGER LOVED ME

|19|

💕أحبني_مراهق💕
للكاتبة #رباب نجمة#

الجزء 19:
أمنية: تفو عليك تعطلتي داير كي البنات..
مراد: الا ماسديتيش عليا خربتك غانهرسهاليك..
أمنية: هاهي ساكتة..
مراد: فين غاديا دبا..
أمنية: للدار باش نلبس ونتقاد بسبابك نسيت الميكاب ديالي أما كون تقاديت غي عندك..
مراد: وخا تعياي ماتزوقي فسيفتك عمرك ماتكوني بحال البنات..
أمنية: اوا لهلا يحييك انا حسن منهم بالف درجة..
مراد: صافي صافي..
أمنية:يلاه نزل هاحنا وصلنا..
"دخلو للدار وبقا مراد فالجردة وأمنية طلعات لبيتها لبسات وتقادات ونزلات عندو جابتها هي هاديك مع الليل"..
مراد : واو شهاد الجمال..
أمنية: بكل تواضع هه..
مراد: يلاه نمشيو..
"وصلو لبواط ومكاين غي الشطيح والرديح خداو المشروبات ديالهم" ..
أمنية: يلاه نشطحو أمراد عفاك..
مراد: صافي درتيها وسكرتي..
أمنية: لا ماشي بزاف عاقلة على راسي ههه..دبا خلينا نشطحو..
مراد: لا ثبثي شطحي غي فبلاصتك..
أمنية: والا بغيت نشطح معاك.. هانتا عيش اللحظة وماتفكر فوالو يلاه نوض..
"بداو كيشطحو ومراد دايرليها خاطرها حتا سيدة حوالو ليها العينين وسخن عليها الحال"..
أمنية: نقوليك واحد الحاجة..
مراد: قولي ياكما شي معيورة جديدة..
أمنية: لا أنا كنعايرك حيت مكنقدرش نقوليك لي فخاطري..
مراد: اها وشنو فخاطرك..
أمنية: صافي عييت يلاه نمشيو..
مراد: وخا يلاه..
"بقا كيجر فيها وهي ماقادراش تمشا راسها ثقيل ورجليها فشلانين حتا وقفات"..
مراد: مالك علاش وقفتي..
أمنية: هزني..
مراد: شنو نتي يمكن هربليك..
أمنية(بصوت محلون ذوباتو المسخوطة):عفااك..
مراد: پپف واخا..
"هزها تا وصلو للطموبيل وحطها فبلاصتها ومشا تاهو لبلاصتو وبدون سابق انذار شداتو من وجهو وقربات ليه بزاف تامابقا كيفصل بيناتهم والو"..
أمنية: ريحتك..
مراد: مالها..
أمنية: كذوبني..
مراد: نتي حماقيتي يمكن (حاول يبعدها عليه ولكن هي لاصقة)..
أمنية: نت لي حمقتيني أمراد..
"مراد بقا ساكت وكيشوف فهاد الهبيلة لي قدامو كلشي مجموع فيها الزين والبراءة والطفولية تمنى لو تبقا ديما هكا"..
أمنية: واش كتبغي شي وحدة؟..
"صدماتو بهاد السؤال ماقدرش يجاوبها حرك غي راسو بلا"..
"زادت قربات منو وباستو فحنكو بوسة طوييلة ورجعات كتشوف فعينيه قبل ماتنزل عينيها لشنايفو وتبوسهم بوسة خفيفة ورجعات شافت فيه كتشوف ردة فعلو كان هو غمض عينيه والحرارة طالعة معاه ماقدرش يدفعها ولا يبعدها بحال الا عجبو الحال..رجعات قربات وجرات شنوفتو الفوقية..صافي هنا ماصبرش و تلاح عليها كيبادلها القبلة المجنونة وهي كانت كتبتاسم وتنطق سميتو بهمس)..
#يتبع..