#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الأجزاء الأخيرة من الفصل الثاني
الجزء 73:
هيثم: مبرووك عليك اصاحبي تستاهل كل خير وحدة بحال هدى قليل فين تلقاها..
إيمان: مبروك اولدي الله يكمل بالخير..
مصعب(ابتاسم فوق خاطرو): الله يبارك فيك اخالتي..
إيمان: زربتي شوية فالعرس..
هيثم: كنقول ديما مادخليش..
إيمان(خنزرات فيه)..
مصعب: عائلة هدى مصرين نديروه هاد السبت.. هادا شهر وهما كيوجدو..
إيمان: امم اوا من الخير..
هيثم: كل خير إن شاء الله..
أما عند مريم..
كانت كتوجد و تخطط باش تفرتك هاد العرس وماتخليهش يكمل.. نزلات للتحت فين كانو مجموعين.. شافت فيه بنظرة هادئة وباردة كأنها مامسوقاش..
تسآل فخاطرو ولكن دبا فات الحال..
مريم: نتوما مجموعين هنا.. علاش ماعيطتوش ليا..
هيثم: تا دبا هاحنا مزالين..
إيمان(فنفسها): الله يعطيك مصيبة تفكني منك..
إيمان(بابتسامة حاملة معنى): ماغاتباركيش لمصعب..
مريم: علاش..
إيمان: غادي يتزوج..
"قلبها تقبض من كلامها.. وخا عارفة كلشي ولكن باش تسمعها من عند شي حد جاتها قاصحة تمنات لو هي لي يتزوج بيها.. تمنات لو كان ديالها ولكن القدر لعب ضدها وهي خصها توجد راسها مزيان وتحارب على قبل سعادتها)..
مريم(بابتسامة جذابة): مبروك عليك خويا مصعب إن شاء الله تكونو فرحانين مع بعضياتكم..
(عمركم تهناو أنا بغيت ربي يطيرها ويخليها كيف الدجاجة بلا راس)..
مصعب(قالت خويا واش سمعت مزيان ؟؟): شكرا..
********
#يوم____السبت 💔
أحداث كثيرة متناقضة، كل حدث مغاير على الاخر ..اهداف متعددة مختالفة..أبطال وأشرار.. يا ترى شكون الرابح ؟؟.. واش لي بغا من قلبو وحب.. ولا لي قلب حياة ناس وبالقلوب لعب..
كانت شمس بوحدها فالڤيلا عايشة حياتها كأي زوجة.. بنتها ناعسة وهي كتوجد العشا فالكوزينة.. سمعات الدقان وتوجهات للباب تحل بحكم يوم السبت الخدامات واخدين عطلة..
غير حلات وهو يدفعا قاجها..
شمس(نطقات بصعوبة): نت!! كح كح طلق مني واش حماقيتي..
رضى(طلق منها فحين هي كترد النفس): نتي لي حمقتيني وخرجتي عليا..
شمس: بعد مني ولا مغايعجبكش الحال..
رضى(ربع يدو): بصح وشنو غاديري.. همم بلاتي نفكر.. معلوم غادي تحطي عليا الباطل.. ودخليني الحبس كيف درتي قبل ااا..
شمس(خرجات صدرها ناكرة كلامو): أنا ماحطيت الباطل على حد.. نت لي وقفتي فطريقي سوو نت الخسران ودبا خرج من داري..
رضى(دفعها مزير على يديها او وجهو قريب من وجها كيغلي بالاعصاب): علااش أشمس علاش درتي فيا هكا أشنو درتليك ياك أنا بغيتك من قلبي.. تمنيتك فكل ليلة.. دعيت الله فكل وقت تكوني ليا وحلالي عمرني قربت منك ولا فت حدودي.. شنو ذنبي امم؟؟
شمس: ذنبك وقفتي فطريقي ودافعتي على داك العم المزور تاع باك.. ذنبك وقفتي ضدي.. الحدود لي رسمتي نت بيني وبينك.. مغانسمحليكش تفوتهم وإلا غاتندم.. العام لي دوزتي فالحبس قليل فحقك هه غايكون كرهك فيا.. إوا جري طوالك لي فجهدك ديرو..
رضى(مسح على وجهو بعصبية ودوا بصوت حزين): شنو فجهدي ماندير من غير نبعد ونعيش حياتي بعيد عليك.. تزوجتي(سمع صوت البكا جاي من الفوق) وولدتي..
تصدمت فيك بزاف...من اليوم نتي بالنسبة ليا وحدة غريبة عمرني عرفتها.. شمس البريئة لي كنعرف دفنتها نهار دخلاتني الحبس..
(طلق منها دافعها وخرج كيغزل)
#يتبع
رأيكم حبيباتي..💕🌊💎
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
