💕أحبني_ مراهق💕
للكاتبة#رباب نجمة#
الجزء 3:
في أحد الأحياء الشعبية لمدينة البهجة مراكش كانت كالسة مكمشة فالمانطة وكتقفقف بالبرد حتى دخلات مها كيف العجاجة بردانة وكتقفقف.. الام: ياك أبنت الحرام مجبداليا تما فين أودي العشا لي قلتلك ديري إيخ تفو كتعرفو غير تسرطو الله ينعلها طاسيلا.. البنت: واخلاص أمي راه ماقدرتش نخرج من المانطة.. الأم: وانا ألعديمة مابقيتش فيك كنرجع من تمارة دالخدمة باش نرجع لتمارة ديال الشقا.. البنت: وا الله يسامح أسعدية.. سعدية: وانوضي تقعدي عاونيني.. فين هو داك الحرامي مارجعش للدار البنت: لا رجع وهزليك 100درهم راه من صباح وحنا نطافصو عليها ولد الحرام ضربني لجنبي راه هو لي كيجبدني أمي فاش يرجع دوي معاه ولا والله تانديرو شي طاب وشي ماطاب راه مزال متايعرفنيش علاش قادة راه أمل هادي.. سعدية: الله يعطيك غبارة نتي وياه ولد الكلب رزاني ف 100درهم عاود كنولدهوم يانا.. أمل: حقا راه سولات فيك لالة أمينة قالتلي مسكينة لا خصاتنا شي حاجة نقولالها.. سعدية: الله يكثر من خيرها مانسالاش خيرها معايا.. أمل: مرا مزيانة الله يعمرليها الدار.. سعدية: (حزمات بينوارها وطفات التلفازة) يلاه تبعيني لكوزينة.. أمل: وامي راني متبعا الفيلم قطعتيه عليا (خنزرات فيها السعدية) وخا أمي.. أمل هي الخدامة ديال عائلة العمراني.. ~♥~في غرفة شمس ~♥~ شمس: إوا كيداز نهارك.. فخر الدين: الحمد لله كان ناقصني غير نشوفك.. شمس: حتى أنا توحشتك وبغيت نشوفك.. فخر الدين (بفرحة): نقدر نجي عندك غدا أش باليك.. شمس: وخا غادي نتسناك يلاه تصبح على خير.. فخر الدين: ونتي من أهل الخير.. شمس: فخر الدين.. فخر الدين: نعام أشمس.. شمس: والو تصبح على خير.. قطعات المكالمة وبقات ساهية كتفكر وناضت للدوش طرفات حالتها ورجعات بدلات حوايجها وتكات كتفكر.. ~♥~في غرفة ضحى ~♥~ ضحى فاتحة أبيل ڤيديو مع رشاد خطيبها.. ضحى: أشنو ديك التصويرة لي بوسطيتي شنو زعما ماعليك حكام باغي تحمقني.. رشاد: لا بغيت نلعبليك على الأعصاب ههه.. ضحى: بلاما تبدى تلعب معايا عارف لعبي خايب.. رشاد: ضحى الله يهديك غي خدامة معايا مافيها والو لا تصورت معاها.. ضحى: لا أسيدي ماتصورش معاها أنا بوحدي لي تصور معايا والله وماتمسحها دبا حتى نوريك.. رشاد: صافي وخا پپف.. ضحى: ماتنفخش عليا.. رشاد: الله يصبرني مهم غدا نشوفك راه توحشتك.. ضحى: حتا أنا أعمري.. رشاد: غدا نجي عندك وخا.. ضحى: وخا.. في هاد الأثناء كان كلشي ناعس إلا فخر الدين لي كيفكر فشمس ماقادرش يحيدها من بالو..
#يتبع..
إلى الغد إن شاء الله.. هادشي إلا بان التفاعل ..❤
أنت تقرأ
أحبني مراهق A TEENAGER LOVED ME
Roman d'amourبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
