وجهوا رجال المختار السلاح جيهة شمس وفهد ومروى .. شارلهم سي المختار باش ينزلوا السلاح ..تقدمات شمس جيهة عمها وهي كلها كتغلي بالأعصاب.. شمس: خسارة طلعتي مكتسواش.. فرقتيني على ختي وعذبتينا فحياتنا لا وماكفاكش هادشي بغيتي تقتلها.. كنكرهك المختار.. المختار: بنت خويا.. البرهوشة الصغيرة كبرات وتاهي تحليها الفم او ولات تعيطليا المختار صافي مابقيتش عمك.. شمس: عمي ههه على نت خليتي فيها شي عموم الله يأخذ فيك الحق.. طلق ختي حسليك ولا مايعجبك حال.. المختار: وشنو غاديري مثلا.. (مزال ماكمل هضرتو ن تا سمع صوت من بعيد والطموبيلات محاصرينهم ماعرف مايدير شار لواحد من رجالو باش يفك مـاجـدة.. من بعد جرها بالجهد وحط فوق راسها السلاح).. البوليس: حط السلاح وسلم راسك حسليك.. المختار: ودعي ختك الغزالة حيت مكنظنش تعاودو طلاقاو شي نهار ههه.. شمس: هئ هئ ختي..طلقها عفاك هئ هي مادارتليك والو.. المختار: هي خصها تحمل مسؤولية أخطاء مها.. حيت بسباب خيانتها ليا تولدات هاد البنت أنا كنكرهها هي ومها.. غادي نقتلها ونحرق قلب مها.. شمس: عمي لا هئ هئ عفاك.. ططططططرراااااقققققق.. (تسمع صوت القرطاس والصدمة هي سيدة الموقف كلشي مصدوم كلشي كيشوف المنظر لي قدامو..) شمس(بصدمة): رشاد.. رشاد: أنا هنيتكم من هاد الحيوان نتمنى تسمحولي..(شاف فمـاجـدة وعينيه حومر ومدمعين) سمحيلي..كنتمنى ليك حياة سعيدة.. (جاو البوليس داو رشاد والرجال .. ولومبيلونص تا هي دات المختار لي كانت روحو ودعات الحياة وطلعات عند الله).. ****** بعد مرور سنتين.. كانت غادا جايا في البيت كتقلب على شنو تلبس.. دخلات عليها شمس ولقاتها مرونة وتا حاجة ماكاينة في بلاصتها.. شمس: اش هاد الحالة دايرة في البيت.. ضحى: واش نلبس هادي ولا هادي لالا شوفي هادي حسن ياكي.. شمس: امم دبا فهمت هادشي كامل على ود حبيب القلب هههه.. ضحى: سيري قابلي بنتك حسن ليك وبعدي عليا أنا..ماتنفعي ماضري.. شمس: صافي صافي لبسي هادي غاتجيك زوينة يلاه هاني هابطة لتحت.. **** كانت العائلة كلها مجموعة في الجردة في انتظار الضيف لي هو فخر الدين لي بعد سنتين أخيرا دخل للمغرب شمس وفهد وبنوتهم الصغيرة نسخة على ماماها سماتها آية.. أمينة ومـاجـدة..مليكة وحليمة.. أمنيةومراد.. استقبلاتو الخدامة والظاهر جاي وجايب معاه ضيف أخور.. الابتسامة لي كانت على وجه ضحى اختفات قلبها بدا يضرب خايفة من الافكار لي جاو فبالها.. شمس: مرحبا بيك توحشناك بزاف بلاصتك بقات كبيرة.. فخر الدين(بابتسامة صفرة): شمس كيدايرة مبروك عليك (باس آية وطول الشوفة فيها كأنه كيقول علاش ماشي بنتي أنا علاش ماشي أنا لي نكون باباها وراجلك نتي علاش) غزالة تبارك الله كتشبه ليك بزاف..(ضرو خاطرو بزاف وماقدرش يتحكم فراسو كثر وهو يجبدها وعنقها كيستنشق عبيرها لي توحشو بزااف بعد واستجمع قواه) احم فهد صاڤا أخر مرة طلاقينا مكانتش زوينة هه.. فهد: ههه مزال عاقل.. فخر الدين: معلوم.. خالتي أمينة توحشتك.. أمينة: تا أنا أولدي غبرتي بلاما تعلمنا.. فخر الدين: غير الخدمة أخالتي.. (شاف ضحى وابتاسمليها).. شمس: وشكون هاد الزوينة لي معاك.. فخر الدين: ياسمين.. مراتي.. ( طلعات ضحى كتجري لبيتها وانهارت بالبكا).. #نـهـايـة_الفصل الأول# #يتبع.. البنات عندي أفكار كثيرة غادي نوظفها وندير أجزاء زوينين إن شاء الله ماتنساوش تفاعلوا وتخليو رأيكم في الفصل الأول بسلامة غزالاتي 😍❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
