#الـفـصـل الثـالث#
💕أحبني_مراهق💕
#أنثى_تعشق_الإختلاف#
للكاتبة #رباب نجمة# 🌟
الجزء 132:
نزلات مدام أمينة للمطبخ بقفطان كيلمع بالأحجار عصري وثمين..
مدام أمينة: شامة، شوفي غلي لآية شي عشوب..
شامة: علاش شني عندها؟
مدام أمينة: البنت فيها الدوخة والتقية غاتجيها حق الشهر واقيلة..
رفعات شامة حاجبها الأيسر وتمتمات بشك..
شامة: عنداك تكون العايلة حاملة..
مدام أمينة: نعلي الشيطان وسيري ديري داكشي لي قلتليك..
خادمة أخرى: ان شاء الله بعد العرس نسمعو خبار حملها..
ابتاسمات أمينة..
أمينة: إن شاء الله كلشي بالمكتاب..
شامة لوات فمها ونطقات..
شامة: إوا سمعنا والله أعلم بلي سي صقر مكيولدشي.. غير باش ماتسبقوشي الفرح بليلة..
خنزرات فيها أمينة ونطقات بقسوة..
أمينة: جمعي راسك وحيدي منك كثرة الكلام.. ماتخلينيش نتقلق منك.. يلاه طلقي يديك وديري لي قلتليك ولا عرفتي بالناقص من شغلك...
رجعات خرجات من المطبخ مخلية شامة كتنفخ وتسوط ماعاجبها حال..زعما راه ضرباتها النفس على ضحى...
تقدمات آية من غرفة ضحى..كتلعب بأصابع يديها.. وكتشوف فضحى لي ناعسة وحيدة وكتبكي فصمت..قربات منها وجلسات بجنبها واضعة يديها على فخاضها.. يلاه غاتمد يديها لوجها وهي دور ضحى عاطياها بالظهر متجاهلة وجودها.. حتى نطقات آية بحزن بالرغم من الغرور لي مانعها تعتاذر مخلية ضحى تزير على راسها..
آية: أنا حاسة بيك.. وعارفة قداش كتألمي.. أنا ظلمتك معايا بلاما نحس حتى جا هاد النهار عاد وعيت بغلطي زعما الا عتاذرت منك ممكن تقبلي اعتذاري..
اكتفات ضحى بالصمت.. ورجعات تكلمات آية بكلام خلا ضحى تغمض عينيها وتبكي..
آية: سمعت بلي ربي مارزقكش الأولاد وتحرمتي حتى من ماماك.. (شدات فيديها) عتابريني بنتك وأنا غانعتابرك ماما وختي..ماشي ضروري نكونو ضريرات.. غانعوضك على كلشي ونكون ليك نعم الأخت والإبنة أش قلتي عفاكي سمحيلي أ ضحى راه ماشي بيدي كلشي خارج سيطرتي..
بدات كتبكي حداها حتى حسات بضحى قربات منها حتى مابقاش كايفصل بيناتهم والو.. وتكلمات هامسة وهي قريبة من أذنها....
ضحى: غاتكوني كاتحلمي إلا كان يسحابليك بهاد السهولة غادي نسمحليك.... الألم لي كاتحسي بيه غايبقا كايضاعف حتى لأخر لحظة من هاد الليلة غادي نخليك ذوقي من كأس الألم والعذاب لي عيشتيني فيه........
وسعات آية عينيها بصدمة.....
أما لتحت فكان حوار من نوع خاص بين لينا وعصام.. مقربها منو ويدو على خصرها الرشيق..
عصام: توحشتك وتوحشت ضحكتك وريحتك لي كتحمقني..
لينا(بتوتر): بعد لهيه غادي يشوفنا شي حد ويفهمنا غلاط..
عصام(قربها أكثر): أنا وحبيبتي مع بعضنا فيها شي حاجة..
لينا(وسعات عينيها): أش كتقول نت واش حماقيتي..
عصام: ونتي لي محمقاني واش مزال مابغيتي تعتارفي خلاص..
لينا: باش غانعتارف؟
عصام: بلي كتبغيني وكتغيري عليا همم..
لينا: لا نت بصح حماقيتي..
عصام: بالمناسبة حتى أنا كنبغيك وكنتسطا عليك..
توردو خدودها وحنات راسها بخجل ماقادراش تشوف فيه..
عصام: حشمتي يلاه أحبيبة خليني نسمعها..
لينا(بهمس): كنبغيك..
تبسم برضى عاجبو الحال وقرب منها طابع قبلة حنينة على شفايفها..
تكتب كتابهم ورجعات زوجته وحلاله ولات حياتها مرتابطة مع حياتو للأبد.. شعور زوين سرى معها وذغدغ كيانها..
دقات الطبول وزغاريت العيالات نتاشرات فجميع أركان الڤيلا..
نازلة فالدروج جارة وراها قفطانها والرداء مغطي ملامح وجها الجميل منزلينها بالزغاريت والصلاة على النبي.. ماسكة فيد ماماها وكتسمع فبكائها ودعواتها معها.... دمعوا عينيها وحابسة الدموع فعينيها غير بالزز حاسة بالألم غادي وكايتزاد.. أما ضحى فكانت بعيدة كتشوف فيها بعينين حمرين راسمة على شفايفها ابتسامة شاحبة ناطقة بهمس......
ضحى: غانموتوا أنا وياك أ آية بنفس الطريقة ماغانخليكش تودعي هاد الحياة بوحدك.....
خارجين من باب الڤيلا باتجاه سيارة صقر لي مزينة بالورود مع كل خطوة كتخطيها قلبها كيزيد يضرب ماشي من توتر ليلة عمرها ولكن من الموت لي قريب ليها..
شمس: الله يحفظك أبنتي وينقي طريقك من الشوك الله يكمل عليك بالخير هئ هئ..
هبطات دمعة مخلطة بالكحل من عينيها الواسعة وهي كتسمع فدعوات ماماها وبكاء جدتها كذلك.. حسات بيد ماماها فلتات منها وبيد خشنة دافية تشابكات مع يديها.. قلبها ضرب ودق بوتيرة متصاعدة وخدودها حاسة بيهم طايبين..
علات عينيها شافت في ضحى وبلعات ريقها ونطقات بهمس.......
آية: كانتمنى تسامحيني أ ضحى لي درت كامل كان خارج سيطرتي وإلا كان مكتابلي عمر جديد كانتمنى نقدر نسمع تقبلك لإعتذاري......
فور ما فقدات وعيها الجميع تجمع عليها مصدومين كما هو الحال لضحى لي غير شافتها شامة جرات عندها........
الحياة ظالمة وأحيانا ظلمها عادل......ماشي لي بغيناها نقدروا نوصلوليها والنهايات ماشي دائما سعيدة......
سالات قصتي وتمت بحمد الله.
شكر خاص لقارئاتي الوفيات لي تبعوا معايا من الأول وشجعوني..كانت معكم #رباب نجمة في قصة#أحبني مراهق..
#النهاية.
أنت تقرأ
أحبني مراهق A TEENAGER LOVED ME
Storie d'amoreبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
