#الـفـصـل الثـالث#
💕أحبني_مراهق??
#أنثى_تعشق_الإختلاف#
للكاتبة #رباب نجمة# 🌟
الجزء 120:
سالاو الفطور وكل واحد اتاجه للمهام ديالو.. فهد خرج هو وشمس يدورو شوية.. لينا و آية مشاو يدورو تاهما ويكتاشفو المدينة..
ضحى بقات غير فبيتها كتفكر فشنو غادير..
أما التحت فالجردة..
فكان حديث جدي بين مدام أمينة وصقر لي جالس بجنبها واضع رجل على رجل بجلسة رجولية أنيقة..
مدام أمينة: الله يهديك أولدي زعما نت مول العقل..
صقر: الحاجة هي لي بغات هادشي وأنا ماعليا غير نلبي الرغبة ديالها..
مدام أمينة: دير عقلك أصقر.. الحالة لي وصلتوليها مابقاتش عاجباني.. خصك تجلس مع مراتك وتلقاو شي حل..
حك لحيتو ونطق بجدية...
صقر: الحاجة القضية ماشي ساهلة عليا ولكن ضحى مابقاتش الإنسانة لي عرفت النهار الأول.. تبدلات بزاف على قبل.. تصرفاتها ولاو غرابين..كتقلب غير على السبة باش نتخاصمو.. عييت صابر ولكن هادا جهدي عليها..
مدام أمينة: الله يهديكم مابقيت عارفة أش ندير معاكم نتوما بجوج..
باس على يديها ونطق..
صقر: ماتشغليش بالك الحاجة.. ديها غير فصحيحتك...
(ودخلي سوق راسك ههه)..
داز النهار في رمشة عين وجا المساء الجميل..
خرجات آية من الحمام مدوشة وشعرها فازك لابسة بيجامتها البنفسجية على شكل فستان قصير...
جبدات فوطة كتنشف بيها شعرها وقطرات من الما كيقطرو على حوايجها مخليين بقعة...
بانت حلوة ومثيرة..
ولينا أمامها كتشوف الصور لي خدات هاد النهار... وعيونها لامعة كيخرجوا القلوبة..
لينا: واو شوفي هادي جاتك واعرة..
تقدمات منها مهدودة وجلسات بجنبها مربعة رجليها حتى بانو فخاضها البيضين..
شافت فالصورة بتمعن...
آية: عندك الحق هادي جات زوينة شفتي كنقوليك التصوير من التحت كيجي حسن..
لينا: امم عندك الحق نحاول نبدا نصور بهاد الشكل..
تنهدات بعمق متكية على سريرها مغمضة عينيها كتفكر فلي سلب عقلها.. تمنات لو تعتارفلو بمشاعرها.. ولكن كيف غاتكون ردة فعلو.. ابتاسمات بحزن ملي تفكرات خاتم الزواج لي شافت فيديه..
رفعات عينيها الجميلة جهة الباب.. كانت جدتها داخلة وهازة بين يديها بلاطو فيه جوج كيسان دالحليب..
صاوبات جلستها وابتاسمات برقة..
آية: علاش آدبتي (عذبتي) راسك أجدة..
مدام أمينة: بصحتكوم أبنياتي..
لينا: شكرا الهاجة.. (الحاجة)..
ابتاسموا بجوج على طريقة نطقها..
لينا: مالكم ههه..
مدام أمينة: اوا قولولي فين مشيتو وشنو درتو هاد النهار.. فوجتو شوية ؟
نقزات لينا حاطة الكاس دالحليب فوق الطبلة وبدات تعاود بالفرنسية وكتبتاسم..
لينا: عرفتي ماخلينا فين مشينا...الدنيا هنا غزالة بزاف.. عجبنا الحال ياك أ آية..
وضعات يديها على سريرها وحركات راسها..
آية: زوين هنا بزاف..
مدام أمينة: دويتو مع شي حد أو هضر معاكم شي حد..
آية: اه.. الناس هنايا مزيانين وظريفين..
شافت فيهم مدام أمينة وابتاسمات..
مدام أمينة: اوا بالصحة أبنياتي بالصحة... (شافت فآية) نعسي شوية رتاحي راك كتبانيلي عيانة..
حركات ليها راسها...
#يتبع
أنت تقرأ
أحبني مراهق A TEENAGER LOVED ME
Любовные романыبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
