أحبني مراهق A TEENAGER LOVED ME

|92|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
           الأجزاء الأخيرة من الفصل الثاني
الجزء 92:

في الصالة كانت مجموعة العائلة والأقارب..ها لي جاي يواسي وها لي جاي يبارك وكاين لي جاي يتشفى ويدي مايعاود..

العيالات في طبلة والبنات في طبلة اخرى..

تكلمات بنت من العائلة ضاحكة مع ضحى..
~اوا يالالة كيف دازت دخلتك هه تقصحتي ولا جاك عادي..

نطقات بنت اخرى..
~شوفي البنت كيف حشمات باينة عجبها داكشي..

تكلمات بنت ثالثة مشاركاهم الحديث..
~واش البنات لي ينعس بين أحضان داك الزين والرجولة مايعجبوش الحال..

ضحى خدودها موردين و بعيونها كتشوف هنا ولهيه..كتذكر أحداث ليلة الدخلة وكتزيد تغرق فحوايجها..

أما واحد الجوج كانوا فالقنت.. أمنية نافخة ريشها..و مروى غير كتشوف فيها وترجع تصنت لحديث البنات على ليلة الدخلة و كيف كدوز..

تكلمات وحدة فالبنات موجهة كلامها لأمنية..
~كيف بقيتي أختي أمنية من جيهت بنت خوك؟

ردات عليها أمنية بهدوء ورجعات دورات وجها ومتكية على يديها فوق المخدة..
~الحمد لله.. كيف ماكان الحال غادي ترجع لعائلتها..

رجعات تكلمات نفس البنت باغا تجبد منها الهضرة..
~ماعرفت كيف يكون حال مها مسكينة..

تكلمات بنت اخرى وعلامات الشفقة على ملامحها..
~مسكينة من نهار مشات عليها بنتها وهي سادة عليها فالبيت مكتاكل مكتشرب غير كتبكي غادي تحماق عليها..

~اوا ياختي راه الكبدة صعيبة.. راه ماشي ساهلة.. واش سحابلكم غير أجي وكوني أم..

~عندك الصح أختي..

تكلمات أمنية باندفاع
~أنا بقات فيا غير بنت ختي مسكينة.. كون مْها ردات ليها البال وبقات فجنبها كون راها معانا دبا ولكن مكتاب الله كيتصرف..

(شافت البنت الاولى فأمنية ودوات)..
~واش هي كرهات .. "مانواتها ماجات لبال"..

تكلمات من جديد البنت الثانية..
~أمنية من المفروض تكوني مع صاحبتك دبا.. ماشي جالسة معانا.. ولا ناوية تخليها حتا هاد المرة..

أمنية تكلمات قبل ماتنوض طافجة..
~ونتي مالك جابك لهاد السوق!! بنادم عزيز عليه يدخل فالشبوقات البعاد عليه..

~شفتيها يا ختي غير لي يدوي معاها..
~صافي غير خليها عليك..

(تبعاتها مروى وهاد المرة جراتها بالجهد حتا شافت فيها)..
~علاش تقلقتي ها.. أشنو ضرك من كلامهم.. بعتي العشرة على قبل غيرتك.. منين جبتي هاد الحقد كامل.. أشنو واقعليك أ أماني ؟؟
راه صاحبتك هاديك ولي دوزتو بجوج ماشي قليل.. راها محتاجاليك كثر من أي وقت!!

شافت فيها أمنية بعيون دامعة كأنها رجعليها عقلها وحسات بشنو كدير.. "حسات بتأنيب الضمير"..
#يتبع..