💕أحبني_مراهق💕
للكاتبة #رباب نجمة#
الجزء 36:
فهد: صباح الخير عليكم..
أمنية(حطات الفورشيط وتقادات باش تهضر) :اوه شوفو شكون جا يشوفنا..
مليكة(خنزرات فأمنية) :صباح النور أولدي أجي تفطر لقيتينا عاد حطينا..
منير: اوا لاباس عليك شكاتعاود مع الزواج..
فهد: الحمد لله كلشي بخير..
"تمات نازلة مروى وإنجي"..
إنجي: ولد عمتي لاباس..
فهد: الحمد لله امتا جيتو..
إنجي: كون عرفناك غاتزوج كون جينا قبل مي خسارة عاد جينا البارح..
" شاف فهد فمروى لي تبدلات بزاف وزيانت.. نوصفليكم مروى بنت ف 18 من عمرها ولكن كتبان فايتة السن ديالها بنت خجولة وظريفة حنينة بزاف عينيها عسليين وشعرها بني غامق طويل طاي نحيفة لكن كلشي فبلاصتو متوسطة الطول..على عكس ختها إنجي لي كبر منها بعاماين قاصحة وماكتشبهش لختها نهائيا.. مروى من صغرها معجبة بفهد لي كان ملاحظ هادشي وفاش كبرات مات الأب ديالهم وماماهم تزوجات فتركيا فاظطرات تمشي هي وختها تعيش معهم وفهاد البعد كانت ديما متبعة أخبارو خاصة على مواقع التواصل بحيث مشهور والكل كيدوي عليه.. عمرها تجرأت تدوي معاه ولا تبوح بمشاعرها.. حتا لواحد لمرة فاش قلتالو إنجي ولكن هو قال بلي مروى مجرد أخت لا غير..هنا تراجعات مروى وحاولات تنساه لكن الحب صعيب يتنسى.. مروى عمرها كلو وهي محافظة على شرفها مكتخرجش مع الدراري أصلا قلبها بغا غير واحد.. مكتعطلش برا الدار.. كتلبس لباس محتاشم شوية بالمقارنة مع البنات لوخرين.. مربية وكتصلي من الفوق.. دائما كتفيق بالليل كتصلي وتدعي لفهد بالخير وكتنتاظر فهد يبادلها الحب وعلى أمل غدا يكون حسن..
أما إنجي من بعد قصة حبها الفاشلة اعتازلات الحب وكتحاول ختها ماتعانيش بحالها ويكون عندها الزهر في الحب عكسها هي.."
مروى: صباح الخير سمحولينا مافقناش بكري..
منير: الله ياودي بالعكس خودو راحتكم أصلا كنتو عيانين من الطريق..
مليكة: كيصبحتو بعدا لاباس..
إنجي(شافت فهد كتحاول تبينلو بلي هما بألف خير) :الحمد لله أعمتي..
أمنية: اليوم كاين العرس ديال ندى ضروري نمشيو منها نبدلو الجو..
إنجي: وي ضروري خصنا نوجدو راسنا ونشوفو شنو نلبسو..
مليكة: وي نتغداو ونوضو نشوفو ..مي نسخنليك الما توضاي..
حليمة: وخا عفا بنيتي..
فهد: بصحتكوم..
منير: تسناني أنا جاي معاك..
"قربات حليمة من مروى"..
حليمة: مال حفيدتي الغزالة مقلقة..
مروى(بابتسامة):والو ألميمة بالعكس كاع مامقلقة..
حليمة: أصلا مكاين علاش تقلقي نتي بنتي الغزالة ومكتجي معاك غي التبسيمة..
مروى: يحفظك ليا ألميمة..
أمنية: ها أنا وإنجي نبداو نغيرو..
حليمة: نتي غير سكتي يا العديمة..
أمنية(شافت فإنجي):ها لي قلنا مكتحملنيش من عند الله..
آنجي: ههه عبرات عليك..
مليكة(كتعيط): وامي واتي نوضي راه الما سخن..
حليمة:هاني جايا يعطيك الخلا نتي وبنتك..
أمنية: واعقلي أجدة..
#يتبع..
أنت تقرأ
أحبني مراهق A TEENAGER LOVED ME
Romansبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
