💕أحبني_مراهق💕
للكاتبة #رباب نجمة#
الجزء 46:
ضحى: هئ هئ لا لا مايمكنش مايمكنش هادشي لي كيوقعليا.. (شافت فالصورة ديال فخر الدين وقطعاتها وبدات تبكي) أنا كنكرهك هئ علاش مشيتي وخليتيني علاش ماعطيتينيش فرصة حتا باش نعتارفليك بحبي هئ هئ علاش مشيتي علاش..
دق دق دق..
(ضحى مسحات دموعها وخبات تصاور)..
ضحى: دخل..
مهدي: ياكما صدعتك..
ضحى: لا لا أصلا ماجانيش النعاس..
مهدي(قرب منها): واش كنتي كتبكي..
ضحى: هه لا لا غير حيت مشا الحال ومزال مانعست..
مهدي: امم اوك المهم نخليك ترتاحي تصبحي على خير..
أمينة: نتوما هنا أجي أجي نت بغيتك.. تصبحي على خير أبنتي..
ضحى: تصبحو على خير..
مهدي(غمزها)..
ضحى: پپف يا ربي تصبرني نموت ولا هاد الحالة.. أستغفر الله العظيم..غادي نعس نرتاح وغدا يحن الله..
******
أصبحنا و أصبح الملك لله..
حلات عويناتها غير شافتو وهي تذكر شنو طرا بيناتهم بتاسمات بخجل ورجعات شافت فيه كتلعب بخصلات شعرو كتساين يفتح عينيه..
*******
مـاجـدة: هي إنجي باغا تلعب علينا أنا وختي هه بصح ذكية ولكن أنا ذكى منها..
*******
مروى: ألو صباح الخير صديقي..
فيصل: صباح النور مروى كيصبحتي..
مروى: بخير خصني غي نشوفك هه ممكن نفطرو بجوج..
فيصل: الصراحة ماعرفتش..
مروى: عفاك راني توحشتك..
فيصل(بتوتر): احم صافي وخا..
مروى: غادي نسيفطليك العنوان..
*******
"كانت إنجي في المكتب ديالها خدامة على المشروع الجديد مهتمة بزاف بيه خاصة أن منافستها صدقات خت عدوتها..حتا تفتح الباب بالجهد تصدمات ومافهمات والو"..
السكرتيرة: سمحيلي مادموزيل إنجي مي دخلات بزز..
إنجي: صافي يمكن ليك تمشي..
"قربات مـاجـدة دايرة ابتسامة خفيفة جلسات فالكرسي دايرة رجل على رجل"..
مـاجـدة: نهار زوين هذا لي شفتك فيه..
إنجي: شكون نتي..
مـاجـدة: خايبة تا للمعاودة واش نتي مكتعرفيش معامن كتلعبي..
إنجي: مافهمتش شكاتخربقي نتي..
مـاجـدة: هادشي كيدل على الغباء ديالك..
إنجي(وقفات معصبة): احتارمي نفسك شكون يحسابليك راسك جاية هاجمة عليا وكتستافزيني من الفوق..
مـاجـدة: ههه (وقفات مقابلة معاها) سمعيني مزيان يا غتبعدي على الأراضي وتخلي المشروع ديالي يدوز بسلام ولا والله مغاتشوفي مني خير وهاد..(كانت غادية ورجعات) اه نسيت بعدي من طريق ختي ولا غاندمك أ إنجي مـاجـدة مكترحم حد ولعبها خايب.. فهمتي..
(خرجات وخلاتها غاتنفاجر)..
إنجي: اعع مكتسواوش..
*******
شمس: النعاس ديالي فقتي..
فهد: بعد الليلة دالبارح تهديت هه..
شمس: كون تحشم..
فهد: كيصبحات شموستي..
شمس: الحمد لله أحبيبي ونت..
فهد: بخير أحياتي.. مابقاتش كيضرك للتحت..
شمس: لا لا مابقاش الحريق..
فهد: الحمد لله..
شمس: مهم غادي نوض ندوش..
فهد: أش باليك ندوشو بجوج..
شمس(هربات للحمام): في أحلامك..
فهد: حرام عليك..
****
أمنية: صباح الخير..
مراد: حياتي كيصبحتي..
أمنية: الحمد لله بخير ونت..
مراد: الحمد لله..باغي ندوي معاك فموضوع مهم..
أمنية: اه قول..
مراد: أمنية أنا كنبغيك وبغيتك تولي ديالي فالحلال تقبلي تزوجي بيا..
أمنية: واش هكا كيقولوها الناس قليل الرومانسية..
مراد: وكيفاش بالسلامة..
أمنية: واش أنا لي غانعلمك المهم عندك محاولة وحداخرا..
مراد: وخا احم أمنية حياتي لي تحققات.. كنبغيك وكنموت عليك واش تقبلي تكملي حياتك معايا.. تبغيني وتكوني حدايا واش تقبلي بيا يا ضو عينيا.. تزوجي بيا أ أمنية..
أمنية: هه محاولة جيدة هه عجباتني القافية وديك أمنية حياتي..
مراد: أنا فين وهي فين..
أمنية: ههه معلوم قابلة أنا كنبغيك وكنموت فيك..
مراد: وأنا كثر المهم أزين قريب نجي لداركم..
أمنية: وخا أنا غانعلمهوم..
#يتبع..تفاعلوا شوية البنات..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
