أحبني مراهق A TEENAGER LOVED ME

|10|

💕أحبني_مراهق💕
للكاتبة #رباب نجمة#
الجزء 10:

♥أصبحنا وأصبح الملك لله♥
بعد ما تسللات الشمس من نافذة الغرفة، بدات كدغدغ بلطف عينيه وشفايفو، فاق وتوجه للحمام وعينيه شبه مسدودة، شاف فالمراية الجمال لي تعود يفيق عليه كل نهار، ديك الشفايف لي مرسومة على وجهو بدقة، وعينيه الزرقاويتين المأخودة من البحر، وشعرو رطب حرير بحال الا كيظل يعتني بيه، هكذا كان فهد كيشوف راسو ديما فالمراية ومع ذلك ماكانش كيهمو الجمال ديالو رغم أنه ساحر.. كان كيهموه الأخلاق والعقل..
وجد راسو ونزل للكوزينة ياخد ليه قهوة كحلة.. صايبها ومشا لجردة كان الجو بارد ولكن هو تعود على هاد الجو في أمريكا وكيعجبو بزاف.. أمريكا لي مشا ليها باش يحقق ذاتو ويتعلم لفن الرسم لي ولا ماهر فيه..
بدا كيرشف من قهوتو السخونة وكيذكر أحداث البارح مع شمس.. ديك البنت لي عجباتو من أول ماشافها..بتاسم بخبث فاش تفكر الصديق ديالها..
فهد (بالهمس) : نت باغيها وأنا باغيها امم يعني ماغنتفاهموش ..
كمل قهوتو وتوجه لخدمتو..
**بينما لالة شمس راها خامرة كتحلم بسي فهد..
ضحى: شااامس وانوضي البعرة هادشي غير لي تافقنا نخرجو هادو ماشي عمايل (جرات عليها الغطا)..
شمس: ولا ولا أصحبتي مزال فيا النعاس..
ضحى (بقات كتشوف فيها وكلسات حداها) : شمس نتي أشنو بدلك..
شمس: امم كيفاش..
ضحى: من نهار جيت تصرفاتك تبدلات كنتي هادئة وكلامك قليل وزيد نشيطة وكتفيقي بكري.. لا وحتى من الصحاب درتي بزاف ياك كنت غير أنا وفخر الدين لي صحابك..
شمس تسعقات من كلامها وبقات حالة عينيها كتفكر..
شمس: هه نتي باينة حماقيتي خرجي خليني نبدل ونلحق عليك..
ضحى: علاش كتهربي مني واش هادشي بسباب.....
قاطعاتها شمس ماخلاتهاش تكمل..
شمس: عفاك أضحى خرجي هئ هئ خرجي خليني بوحدي هئ هئ عفاك..
ضحى: ششش تهدني انا ماكنتش قاصدة عارفة صعيب عليك هادشي ولكن نتي دبا بأمان صافي نساي..
شمس: كيفاش ننسا ها كيفاش ننسا بلي خوك حاول يتعدى عليا..
ضحى: من حقك ولكن هو كان سكران ونادم بزاف..
شمس: خرجي مابغيتش نسمع هاد الهضرة..
ضحى: وخا براحتك..
خرجات ضحى ورجعاتليها تبسيمتها ..
شمس: مسكينة نتي أضحى ماعارفة والو كيما دخلت خوك للحبس غادي تجي نوبة.. (حبسات كتفكر) امم نوبة شكون..
#يتبع..
قريب يتوضح كلشي بغيتكم تعطيوني رأيكم في القصة بيزو حبيباتي♥