#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 68:
عمرو عينيها دموع.. حاسة براسها تخنقات..
مريم: انا كنبغيك علاش مابغيتيش تفهم..
مصعب: أش غانفهم ها(هز صبعو بتحذير) خرجي وهادي اخر مرة ديري معايا هاد التصرف..
شافت فيه بتحدي.. ماسحة دموعها بيديها..
مريم: لا ماغانخرجش.. (قربات منو حاطا يديها على صدرو) أنا كنبغيك من صغري ومستاعدة نوهبك راسي غير تكون ليا..
مصعب(بعدها شوية): واش مرضتي فمخك ولا شنو واش عارفة راسك شكاتقولي.. (سكت شوية ونطق بحدة) خرجي من بيتي أمريم..
حدرات راسها بخيبة وتقدمات خطوة أمامو عازمة على شنو غادير.. كان متبعها بعينيه مستغرب..قربات واضعة شفايفها على شفايفو.. كانت قبلة سطحية مخلطة بدموعها.. ورجعات خرجات بالزربة مكسورة القلب مخلياه مصدوم من فعلتها.. 💔
*****
أما ضحى جهزات راسها ومشات متاجهة لڤيلا صقر.. وصلات بعد مدة قصيرة..
وتمشات بخطوات موزونة كتقرقب بطالونها حتا لعند غيثة فين كانت كتسناها..
غيثة: اهلا أجي جلسي..
ضحى: هانا فاش بغيتيني..
غيثة: شنو تشربي بعدا..
ضحى: مابغيت والو..
غيثة: وخا ..فالصراحة ماشي انا لي بغيتك..
(شافت فيها ضحى باستغراب)..
ضحى: وشكون..
غيثة: خويا.. فالصراحة بغاك تمثلي الوجه الإعلاني للمشروع الجديد ديال شركتو أنا فكرت وقلت هادي فكرة زوينة غاتخليك تنساي المشاكل وتحيدي التوتر..
ضحى(وقفات وغوتات بعصبية): واش كنباليك مريضة كفاش نسا المشاكل.. ولكن بلاتي أنا لي غنتفاهم معاه مابغاش يبعد من طريقي(طلعات كتجري فالدروج باتجاه المكتب ديالو وهي معصبة وغيثة من وراها كتهدن وتحبس فيها..دخلات وسدات الباب بالساروت وخلات غيثة وراها كدق)..
ضحى: نت أشنو كيحسابليك راسك..
صقر(بابتسامة): اهلا اهلا زارتنا البركة..
ضحى: مكنضحكش..
صقر: اووه الزين معصب.. هانا كنسمع كاين مانقضيو..
ضحى(قربات منو وعينيها حومر بالاعصاب): نت شنو باغي مني بالضبط علاش ماباغيش تنساني عليك..
صقر: حيت درتك هنا(شار لراسو) فذماغي..
ضحى: كفاش نت شنو كتقصد..
صقر: باغيك تحت عيني وتحت جناحي.. بغيتك ديالي..
وسعات ابتسامتها كتضحك بالفقصة.. كاتغزز سنانها من كلامو..
ضحى: شكون سلطك عليا..
صقر تبسم ابتسامة واسعة وتمتم بصوتو الخشن: المكتوب أضحتي.. نتي غاتولي ديالي..
ضحى غززات سنانها بقوة عينيها قربو يدمعو: مستحيل نخليك تقرب مني ولا تدخل لحياتي..
حطات يديها على صدرو ودفعاتو بقوة متراجعة اللور.. تكلمات ضاغطة على كل حرف من كلامها: نتاا وااحد حيوااان..
مع شنو قالت مع عطاها بظهر يدو بقوة حتى تناثر شعرها الأشقر على وجها.. وحنكها حمر من حر التصرفيقة.. بقات لثواني شادا على حنكها.. شافت فيه بنظرات كلها صدمة 😳..
صقر: نتي تجاوزتي حدودك معاي..
ضحى: حقييييير..مكتسواش واااياااك تتجرأ مرة خرا تقيسني واااايااااك..
تجاهلها هاد المرة ومشا جلس فوق كورسيه شاد فراسو لي كيزدح وعينيه جغمة ديال الدم.. استغربات وتمشات باتجاهو..
ضحى: مالك..
صقر(لا رد)..
ضحى: صقر!!
صقر:برااكة..(دار بشوية لعندها شاف فيها بقنت عينو) أنا عييت أ ضحى عييت من هاد الحب لي كيحرق قلبي..
قربات عندو ببطئ واضعة يديها على يديه لي شاد بيها راسو..
ضحى(بتساءل): واش نت بخير؟..
شاف فيها بنظرة كدوب الحجر وأنفاسو خارجة سخونة.. تمتم بنبرة حنينة خافتة.. باغيها ترحم ضعفو المخبي وتخلي قلبو يرتاح..
صقر: علاش كتعذبيني هكا ..ونتي بعيدة كنتعذب ونتي قدام عيني كنتعذب أشنو ندير أنا.. ريحي قلبي راني غانموت بقوة ماقلبي مضغوط..
لمحات دمعة نازلة من عينو ليسريا مسحاتها بالزربة قبل ماتهبط.. وشافت فيه وهي كذكر..
ضحى: نت!!
*******
"خرجات من المكتب مكسورة شافت فيها غيثة بنظرة متسائلة..
غيثة: أشنو وقع فاش دويتو..
خلاتها وهبطات مع الدروج حتى وصلات لطوموبيلتها..أما غيثة دخلات للمكتب تما فين لقات خوها حالتو حالة..
غيثة: خويا أشنو واقع.. جاوبني
صقر(شاف فيها ماقادرش يهضر): هي..
غيثة(سكتات كتشوف فعينيه لي كيبينو الضعف)واش.. هي ضحى..
لا مايمكنش..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
