أحبني مراهق A TEENAGER LOVED ME

|82|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
           الأجزاء الأخيرة من الفصل الثاني
الجزء 82:

في مقبرة عتيقة.. كانت بجنب قبر مكتوب عليه
" المختار العمراني
1969-2019"

دايرة زيف كحل لي مامغطيش شعرها كامل.. ودايرة نظارات سوداء.. مخبية دموعها..

تكلمات بصوت شبه مسموع كأنها كتحدث صاحب القبر..

أمينة: الله يرحمك المختار..  الله يرحمك.. تستحق نترحم عليك وخا كاع لي درتي فراجلي وبنتي ولكن على الأقل حاولتي تخليني مرتاحة مع راجلي.. عارفاك درتي هادشي كامل على قبلي.. حيت كنتي كتبغيني ولكن للأسف بغيتي الشخص الخطأ...
(تنهدات) الله يرحمك..
********

#الحبــس..

كان فغرفة الزيارة كينتاظر..

شكون لي غايجي يزورو بعد ما تكشف أمرو وطمعو!!..

دخلات كتقرقب بطالونها وشعرها الأسود كيلعب على ظهرها مع كل خطوة..
تصدم فاش شافها وماتوقعش زيارتها ليه..

ماجِدة(جلسات قدامو وتكلمات بسخرية): مرحبا بيا عندك.. أشنو ولفتي شوية!!..
(وسعات ابتسامتها)
كون تشوف شحال فرحت فاش دخلتي الحبس.. للمكان لي كتنتامي ليه ألمجرم الحقير..
رشاد(نزل عينيه للأرض وتكلم بضعف واستسلام): علاش جيتي..
ماجِدة: مابغيتش نفلت فرصة  نتشفا فيك ونشوفك مذلول..
عرفتي شنو وخا هكاك كتبقا فيا شي خطرات حيت غبي.. مكتلعبهاش مزيان.. ومن بين الأخطاء لي درتي وسهلتي عليا المأمورية هي أنك دافعتي عليا... ههه غلطتي فاش دافعتي على عدوتك .. عدوتك أرشاد..

رشاد: دافعت على حبيبتي..اه حبيبتي وخا غلطت معاك بزاف ولكن كان ضروري ندير هادشي كامل.. مغانقوليكش نادم ولكن كان خصني ندير هادشي كامل باش نضمن حياة الوالدة ونخليها عايشة.. نتي كيباليك سمحت فيك حيت أنا واحد طماع ومكنسواش ولكن لا ماشي كلشي لي كيباليك صحيح ودبا سمحيلي تهلاي فراسك..
(وقف غادي حتى وقفاتو بكلامها)..
ماجـدة: مغاديش ضحك عليا مرة خرا.. كلامك حتافظ بيه لنهار المحكمة.. أسي رشاد
#يتبع..