💕أحبني_مراهق💕
للكاتبة #رباب نجمة#
الجزء 16:
خدا الكلمة سي المختار وهو فرحان بهاد المناسبة ياما تمنى يشوف بنتو مع الراجل لي فنظرو مناسب لعائلة العمراني مكيهمش واش هي كتبغيه او لا هو كيبغيها.. المهم عندو هو بنتو خص تاخد واحد من الطبقة ديالها ..
سي المختار: أهلا وسهلا بكم شرفتونا بغيت نرحب بجميع الحضور ونتمنى ليكم أمسية طيبة كيما كتعرفو أنا جمعتكوم اليوم باش نحتافلو بهاد المناسبة الجميلة ولي هي خطوبة بنتي ضحى او ولدي رشاد.. أخيرا الحبيبة دباباها غادي تخطب وتزوج ياما حلمت بهاد النهار..(شاف فضحى ورشاد) مبروك عليكم أوليداتي..
كلشي بدا كيسفق..
أما ناصر دار مالقاش مـاجـٍدة ..
ناصر: فين مشات هادي!!..
مـاجـٍدة كانت فالحمام مقابلة مع المراية وكتبكي..
مـاجـٍدة: هئ هئ علاش علاااش ياربي واش لي نبغيه يسمح فيا ويغدرني علاش أرشاد درتي فيا هكا باش أديتك ياك أنا بغيتك ودرتك فوق راسي بغيتك كثر من راسي ولكن نت خنتيني وغدرتيني كان كيحسابلي نت راجل ولكن هه الشماتة لي حطك ماعلمكش تكون راجل (ضربات المراية حتا تشتتات) غادي ندمك ونوريك ضحك على مـاجـٍدة..أنا حتا واحد مكيلعب معايا ولي لعب معايا حسابو معايا صعيب ماعليهش غادي نخلي هاد النهار يدوز على خير ولكن من بعد مانضمنليكش..
دق دق..
ناصر: مـاجـٍدة نتي هنا وأنا كنقلب عليك.. مالك فيديك أحبيبتي..
مـاجـٍدة: ماشي شي حاجة غي جرحة بسيطة خلينا نمشيو للدار عفاك..
ناصر: وخا أحبيبتي..
***في الحفلة***
أمنية: ماعرفتش علاش جاتني البنت ماباغاش هاد الخطبة..
مراد: ونتي مالك ديها غي فراسك..
أمنية: تفو على بنادم..
مراد: داك الفم خص لي يهرسوليك..
أمنية(قربات عندو): إلا قديتي هرسو نشوف..
مراد (بقا كيشوف فعينيها شحال وهو يقلب وجهو) :طيحتي نيڤو أبنتي..
أمنية(بتوتر): أنا غانمشي عند شمس..
أما لالة شمس عيات تقلب على فهد ولكن مالقاتوش باينة ماجاش..
سالات الحفلة وكلها مشا لدارو..
أما مـاجـٍدة قررات تحكي لختها كلشي وخا غاتجيها صعيبة ولكن اللهم تعرفها منها..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
