💕أحبني_مراهق💕
للكاتبة #رباب نجمة#
الجزء 22:
طرن طرن طرن..
شمس(مقلوبة بالنعاس) :الو..
فهد: صباح الخير..
"غير سمعات صوتو وهي تقاد فالكلسة"..
شمس: لاباس عليك..
فهد: الحمد لله ونتي..
شمس: بخير..
فهد: نقدر نشوفك اليوم..
شمس: اه اوكي..
فهد: غانسيفطلك العنوان فميساج..
شمس: اوك بسلامة..
"وجدات شمس راسها (الصورة) وانطالقات للكافي فين دار معاها فهد.. مع الخرجة دالڤيلا مع الدخلة ديال فخر الدين"..
فخر الدين: اوه شهاد النشاط فايقة بكري..
شمس(بابتسامة): صباح الخير بعدا..
فخر الدين: صباح الورد والياسمين.. فين غادا بعدا..
شمس: عندي شي غرض..
فخر الدين: تبغيني نوصلك..
"يلاه بغات تجاوب حتى سمعات التعياط ديال ضحى"..
ضحى: صباح الخير عليكم..
شمس: صباح النور..
فخر الدين: صباح الخير..
ضحى: علاش ماتسنيتينيش ياك درنا نمشيو نتقداو..
شمس: والله أحبيبة ديالي مامساليا هاهو فخر الدين سيري معاه منها يعاونك..
فخر الدين: ولكن...
شمس: يلاه بسلامة عليكم..
"مشات وخلاتهم كيشوفو فبعضياتهم"..
ضحى(باحراج): احم واش غادي نبقاو هكا..
فخر الدين: اه يلاه نمشيو..
"ركبات ضحى مع فخر الدين وهي غادي طرطق غي بوحدها"..
فخر الدين: اوا مبروك مادرتي هه دغيا كبرتي وغادي تزوجي سبقتينا نتي كاع..
ضحى: اه الله يبارك فيك..
فخر الدين: اوا مرتاحة مع رشاد ياك كيعاملك مزيان..
ضحى: اه ظريف او ولد الناس..
فخر الدين: داكشي لي بغينا.. صافي وصلنا..
"نخليو هاد الزوج يتقداو ونمشيو عند أمنية لي جابدة عليها فاقت وبدات تفكر شنو طرا البارح وهي تحل عينيها على وسعهوم"..
أمنية: لا مايمكنش دبا فين ندير وجهي فين تفو دبا غادي يولي يحسب فراسو شي حاجة..
امم خصني نصلح هاد الغلط ضروري..
ناضت غسلات وجها وقضات حاجتها.. نزلات شدات طاكسي ومشات لڤيلا ديالها..
مليكة: تبارك الله على البنت غبرنا عليك سيمانة درتي مابغيتي اش هاد اللباس واش هاد الحالة وزايداها مابايتاش فالدار دوي..
أمنية: واماما الله يهديك راه كنت غي فالحفلة دعيد ميلاد صاحبتي منين سالات مشيت مع شمس للڤيلا ديالهم..
مليكة: والله يعميهاليك ابنت الحرام من اليوم مكاينش المباتة برا الدار.. الصحابات ماعندنا مانديرو بيهم.. تفوتي 8 برا الدار خبارك يجيبوها اللخرين.. تفاهمنا.. ماسمعتكش..
أمنية: امم وخا..
مليكة: ولا غانخلي فهد هو لي يبالي بيك نتي راك زغتي والمراهقة بداتك..
أمنية: الا ساليتي ممكن نمشي..
مليكة: نوضي من قدامي تمشي لجهنم ان شاء الله نتهنا من خليقتك تفو طالعة لباك..
منير: سمعتك جبدتي سيرتي..
مليكة: شكون داها فيك لي خليتيهلي نت كملاتولي بنتك.. شي نهار نهز جلابيتي ونمشي عند مي.. ديك الساع ماتعرفوني فين مشيت.. 😜😅
منير: ياه على هبيلة امراتي الغزالة مكاتجيش معاك التقليقة..
مليكة: وشكون من غيركم لي كيقلقني..
منير: اري داك الراس نبوسو.. وانوضي الله يرضي عليك وجديلينا الغدا..
مليكة: هاهي نايضة..
نمشيو عند شمس لي كيوصلات لقاتو كيتسناها..
شمس: صباح الخير..
فهد: صباح النور شمس كيصبحتي..
شمس: الحمد لله ونت..
فهد: امم صاڤا..
شمس: اوا علاش طلبتي تشوفني..
فهد: ياك ولينا صحاب يعني عادي الا بغيت نشوفك..
شمس: اه هه معلوم..
#يتبع..
أنت تقرأ
أحبني مراهق A TEENAGER LOVED ME
Любовные романыبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
