💕أحبني_مراهق💕
للكاتبة #رباب نجمة#
الجزء18:
أمينة: تزوجتي وماقلتي لينا والو..
ناصر: سمحيلي أخالتي ولكن كلشي جا بالزربة..
أمينة:ولكن ضروري ماكان خصك تعلمنا غير نفرحو ليك.. ماعليهش مبروك مادرتي ومرحبا بيك بيناتنا أبنتي..
مـاجدة: شكرا أمدام..
أمينة(بابتسامة): الا عيطتي ليا بخالتي غايكون حسن..
مـاجدة: وخا أخالتي..
شمس: اوا الا ساليتيو أجيو تفطرو معانا..
ناصر: وخا..احم سي المختار..
"وقف سي المختار وبنظرات جامدة رمق بيهم ناصر ومـاجدة شي لي خلاها تبغي تلاح عليه تخنقو أخيرا واقفة قدامو بعد سنين طويييلة ولكن بلاما يعرفها بلي هي السوسة لي غادخل لهاد الدار ماعارفش بلي هي البنت صغيرة لي حرمها من عائلتها وهي مزالة ماعارفة فالدنيا والو.. نفسها البنت لي خلا ماماها مقعدة بلاما يأنبو ضميرو"..
سي المختار: بصحتكوم..
شمس: أجي حدايا كول يلاه راه بايلي مـاجدة مامهلياش فيك..
ناصر: هه بحال داكشي..
مـاجدة: ياك تقلبتي عليا هه..
ضحى: سمحولي غانطلع لبيتي..
فخر الدين: حتا أنا غانمشي بصحتكوم..
"سلاو الفطور ومـاجدة قررات تهضر مع شمس"..
مـاجدة: واش ممكن ندويو..
شمس: معلوم تفضلي..
مـاجدة: على انفراد..
شمس: وخا اجي معايا لبيتي..
"دخلو البيت وشمس مستغربة"..
شمس: كنسمعك..
مـاجدة: فالحقيقة أنا جيت للمغرب وأنا عندي هدف واحد..
شمس: اهاه وشنو هو هاد الهدف..
مـاجدة: نلقى ختي..
شمس: كيفاش واش نتي عندك ختك ومكاتعرفيهاش..
مـاجدة: لا أنا كنعرفها ولكن هي لي مكتعرفنيش..
شمس: اوا علاش ماتقوليهالهاش..
مـاجدة: حيت خايفة ماتقبلنيش..
شمس: لا لا غير حاولي متأكدة غادي تقبلك..شكون هي واش كنعرفها أنا..
مـاجدة:شمس..
شمس: كفاش..
مـاجدة: نتي هي ختي لي كنقلب عليها ولي حرموني منها وأنا صغيرة..
شمس: نتي شكتخربقي بايلي حماقيتي..
مـاجدة (شدات فيديها والدموع نازلين) :ماكنخربقش هادشي لي كاين المختار او ولدو هو لي فرقني عليك وحرمني من أبسط حقوقي..
شمس: واش نتي حمقة ولا مالك اصلا شكيت فيها من اول مرة شفتك من الاحسن تسدي هاد الموضوع التافه وماتزيديش كلمة وحدة على عمي ولا على عائلتي.. فهمتي( دفعاتها وتمات غادة)..
مـاجدة (بالغوات) : واش كدافعي على عمك لي حرمني من الشوف وأنا صغيرة وخلا ماما مقعدة ماكتقدرش تمشى حتا الحمام ماتقدرش تمشي ليه الا بالمساعدة د الممرضات ولا كدافعي على ولد عمك لي فاش طلبتو يعاوني حاول يغتاصبني ولا على رشاد لي خلاني نفقد ثقتي فالرجال ..بغيتو بحال شي حمارة ولكن هو ضحك عليا و خلاني نتنازليه على الورث ديالي كان متافق مع داك الحيوان.. ولا ماماك لي عذبات ماما وقهراتها فحياتها دوي هئ هئ..
شمس: لا سكتي نتي كذابة.. مستحيل يكون هادشي بصح..
عمي بصح صعيب وقاصح ولكن ماشي خايب لهاد الدرجة .. لالا مايمكنش هئ هئ..
"قربات ليها مـاجدة وعنقاتها والغريب أن حتى شمس بادلاتها العناق ماعرفاتش علاش تيقاتها حسات بلي صادقة ومكتكذبش"..
مـاجدة: تهدني عفاك..
شمس: كفاش قدرو يديرو هكا دبا طول عمري وأنا عايشة وسط هاد العائلة الحقيرة هئ هئ علاش ياربي علاش..
مـاجدة: اهم حاجة اننا طلاقينا أختي..
#العودة إلى الواقع#..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
