أحبني مراهق A TEENAGER LOVED ME

|2|

💕أحبني_مراهق💕
للكاتبة #رباب نجمة#

             الجزء 2:
كلشي كان واجد ناقص غير القدوم ديال سي المختار.. بعد إنتظار طويل وقفات طموبيل أنيقة وغالية قدام الڤيلا .. نزلات منها ضحى والأب ديالها.. ستقبلاتهم مدام أمينة بإبتسامة عريضة وإهتمام كبير..
أمينة: مرحبا بك سي المختار نورتي ڤيلا العمراني..
المختار: مدام أمينة ماتبدلتيش مزال زوينة كي خليتك هه..
أمينة: حتى نت ماتبدليتيش مزال ضحوكي كيما تعودت عليك هه..
ضحى: خالتي أمينة لاباس عليك توحشتك بزااف (دورات عينيها فالأرجاء) فيناهي شموسة توحشتها..
أمينة: هاهي غادي تنزل أبنتي أجيو معايا تفضلوا..
المختار: هادشي كيشهي ماتخيليش شحال توحشت أكل بلادي..
أمينة: مرحبا بك..
ضحى كاتسنى صاحبتها وختها تنزل توحشاتها بزااف فاش كانو صغار مكانوش كيتفارقوا لدرجة كانوا كيقولوا عليهم تويميات.. حتى لمحاتها نازلة بكل لباقة وأنوثة.. بطلتنا شمس فعلا جمالها أخاد و مكاينش بحالو 😊.. ابتسامتها الساحرة ونظراتها لي بالرغم من أنها بريئة إلا والغموض طاغي عليها..
ضحى: أي تبدلتي الصحيبة والله زيانيتي بزاف..
شمس: عارفة راسي أحبيبة يمكن نتي ماشفتيش المراية لي عندي فالبيت كل صباح كنشوف راسي قداش أنا زوينة..
ضحى: أخ كتقتليني بهاد التواضع هه
شمس: ههه نتي لباس عليك أش خبارك (قربات لوذنيها وهضرات بصوت خافت) وأش خبار حبيب القلب..
ضحى: ههه بخير حشمتيني يعطيك الويل أجي نكلسوا..
مختار: بنتي شمس توحشتك بزاف كيغادا مع الدراسة كلشي مزيان..
شمس: الحمد لله أعمي كلشي مزيان..
مختار : الله يعاونك ويرضي عليك أبنتي..
شمس:أمين..
بعد العشا لي داز فجو عائلي مرح..
مشاو لجليسة لي كاينة فالجردة.. جابتليهم الخدامة القهوة..
الخدامة (أمل) : تفضلوا بالصحة والراحة..
أمينة: شكرا أبنتي.. كيبقات ماماك واش حالتها كتحسن شوية..
الخدامة: الحمد لله أمدام ولات بخير بفضل الله وبفضلك الله يكثر خيرك..
أمينة: سلمي عليها أبنتي وإلا حتاجيتي أي مساعدة قوليهالي..
الخدامة: شكرا بزاف ألالة..
فهاد الأثناء صونا تليفون ديال شمس ومن الرنة لي دايرا عرفات شكون المتصل..
شمس: سمحولي غادي نطلع ننعس بصحتكم تصبحوا على خير..
ضحى: تصبحي على خير حبوبتي..
أمينة والمختار: تصبحي على خير أبنتي..
طلعات شمس لبيتها وابتاسمات فاش فتحات الخط وسمعات صوتو.. كان المتصل صديق طفولتها ومراهقتها لي من ديما كان فجنبها وعمروا خلاها ..
فخر الدين: علاش ماجاوبتينيش دغيا أش كنتي كديري..
شمس: كنت في موعد غرامي هه..
فخر الدين (بعصبية) : شناهوا واش كتهضري من نيتك قوليلي فين غانجي دبا..
شمس: هه هبيل والله حتى هبيل راه غير ضحكت معاك..
فخر الدين: وخا لحسك..
فخر الدين شاب فالعشرين من عمرو من عائلة مرموقة ومعروفة بشركات الانسجة لي كتحتل المرتبة الاولى في المغرب عصبي وغامض ماعندوش مع الاختلاط عندو صديق واحد بعد شمس..شمس لي كيعتابرها حبو الاول والاخير..الحب لي مزال ماعارفش طريقو.. حيت مزال ماقادر يصارحها وخا باين من تصرفاتو معاها الا وشمس كتعتابرو حب أخوي معارفاش هاد الصداقة عاد كتزيد تحرق قلبو وتقوي حبو ليها.. كيبغيها من لما كانو صغار بغاها رغم الظروف وقف معاها وخا مكتشوفش داك الحب الكبيرإلا وكان ليها الصديق والأخ والحبيب .. ابتسامتو من ابتسامتها وسعادتو من سعادتها وحزنو من حزنها.. مستعد يدير أي حاجة على ودها حيت هي الروح والعمر..
#يتبع..