أحبني مراهق A TEENAGER LOVED ME

|119|

#الـفـصـل الثـالث#
💕أحبني_مراهق💕
#أنثى_تعشق_الإختلاف#
للكاتبة #رباب نجمة# 🌟
          
الجزء 119:

شافت فيها ضحى باستغراب ونطقات..
ضحى: ماحشمتيش كاتصنتي علينا..

بدات تدور شامة فعينيها.. جات تكحلها وتكسب محبتها صدقات عماتها..

شامة: حاشة ألالة ماشي ديكشي لي فهمتي..
ضحى: حيد منك هاد الفعايل إلا بغيتي تبقاي فهاد الڤيلا..
شامة: وخا ألالة مانعاودشي..
ضحى: وشنو قصدتي ب إلا عرفت كيف نديرلو يديرني فعينيه... زعما أنا مابقيتش عاجباه.. مابقيتش عاطية العين..
شامة: لاءه ماقصدتشي هايدا..
ولكن راه الرجال فشكل ألالة كثار فاش كيتزوجو عينيهم كيوليو يدورو.. فينما كانت شي عايلة صغيرة وزوينة تلقايهم تابعينها..عقلتي كيف كان فالأول.. دايرلك كيف الما القليل وشحال كان يشريلك ويجيبلك غير البياسات الغاليين.. قولي دبا كايتفكرك تا بمشوش ديال الورد ؟..

دورات هضرتنا فراسها ولقات عندها الصح مابقاش كيتهلا فيها كيف كان.. كيما هي مابقاتش كتهلا فراسها..

ضحى: وكيف غاندير ؟..
شامة: شتي الرجال مافيهم ثقة تابعين غير الزين والطرف..
(سكتات شوية ورجعات تكلمات)  تهلاي فراسك وطلقي جمالك.. المخيرة فالبنات ماتوصلشي لنص فزينك.. فالليل لبسي ليه وتزوقي ليه ومن بعد تفرجي وشوفي على عينيك اذا مارجعشي كيف الخاتم بين صبعانك اجي عكريلي..

رجعات باللور وشهقات بخفوت ملي شافتو داخل للغرفة..خافت يكون سمعهم.. كيشوف فيهم بنظرات ريب وشك..

تكلمات شامة وغمزاتها..
شامة: الفطور واجد ألالة كلشي كيتسناك لتاحيت..

خرجات وخلات نوع من الهدوء سائد فالغرفة..
دخل هو بدل حوايجو وخرج مخليها غير كتفكر فشنو قالتليها شامة(الخادمة)...

تجمعوا على مائدة الإفطار وكلشي شرع فالأكل أما آية فكانت جالسة برقي وأدب كيف موالفة كتسرق الشوفة فصقر لي كان بدورو كيشوف فيها بلاما يخلي شي حد ينتابه...كان قلبها كيضرب فاش كتجي عينيها فعينيه عند بالها حصلها ماعارفاش بلي تاهو باغي يسقي عينيه من عيونها الواسعة..
غافلين على العيون الغيورة لي كانت مراقباهم ماكرهاتش تنوض تهرس عليهم الطباسل والكيسان يلاه تبرد شوية..
أما لينا كتشوف فيهم وتبتاسم وكتفكر فعصام لي توحشاتو بزاف..

#يتبع..