💕أحبني_مراهق💕
للكاتبة #رباب نجمة#
الجزء24:
دوزات شمس نهار زوين مع فهد وخا كتحسو شوية متكبر وحاس براسو ولكن كترتاح معاه بزاف.. اما هو كيشوفها غامضة وكتخلي بيناتهم مسافة.. ولكن عاجبو الحال معاها..
فهد: هانتي وصلتي..
شمس: كان نهار زوين ..شكرا..
فهد: تا انا كان بالنسبة ليا زوين..
شمس: يلاه بسلامة..
"قربات منو وباستو فحنكو بوسة بورشاتو وشنجاتليه الفك ديالو"..
فهد: بسلامة..
"فالدخلة دالڤيلا طلاقات ضحى جايا وغادي طرطق بالفرحة"..
شمس: كوكو اش هاد الفرحة قريبة تنقز من عينيك..
ضحى: حسدتيني الله يستر.. اصلا ماتهضريش معايا..
شمس: وعلاش اختي..
ضحى: درنا نخرجو اليوم ونتي مشيتي وخليتني..
شمس: ديزولي حبيبة ديالي مي كان عندي غرض مهم..
ضحى: صافي غانسمحليك غير حيت فرحانة..
شمس: وشنو السر اختي..
ضحى: نبدل حوايجي ونجي نعاودليك..
شمس: وخا هه..
"شمس(في نفسها: هادي باينة طلاقات مع رشاد وشلقمها مافيهاش الشك)"..
أمينة: مابقيناش كنشوفكم..
ضحى: ها حنا غير حداك اخالتي هه..
شمس: اصلا ماعندنا فين..
ضحى: انا غانمشي نبدل..
شمس: حتا انا..
أمينة: وهبطو ديرو الكوطي ألبنات..
شمس: وخا امامي..
"دخلات شمس لبيتها وتلاحت على الناموسية وهي فرحانة بزاف"..
شمس: كان نهار زوين.. احح كيحمق هاد الولد..
عقلها: خسارة صغير عليك..
قلبها: وشنو فيها المشاعر مكتعرف لا صغير ولا كبير..
عقلها: واش تسطيتي بغيتي الناس يضحكو عليها..
قلبها: زدتي فيه بيناتهم غير عاماين..
عقلها: راه ثلاثة هادوك ...واصلا واخا يكون تا عام امبوسيبل..
قلبها: اصلا نت كيهمك غير كلام الناس..
عقلها: اما نت نسيتي راسك عزيز عليك الدل لي جا كيديرها بيك..
شمس: سكتو نتوما بجوج صدعتوني..
#يتبع..
أنت تقرأ
أحبني مراهق A TEENAGER LOVED ME
Romansaبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
