أحبني مراهق A TEENAGER LOVED ME

|72|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 72:

صباااااح جدييد بأحدااااث جديييدة..
جالسة مقابلة مع المرايا كتمشط شعرعا بعد مانشفاتو..سارحة كتفكر فلي طرا البارح..كفاش تقربات منو وعبرات ليه على مشاعرها.. قسوتو عليها دمراتها وشعلات نار قوية فقلبها.. نزلات دمعة على خدها وهي تسرع باش تمسحها هزات تيلي لي كان كيصوني وردات بهدوء..
ياسمين: غادي نتسناك..

لبسات حوايجها واتاجهات لواحد المطعم في مدينة مراكش وصلات.. لمحاتها كتسناها.. قربات جيهتها..جرات الكرسي.. وجلسات بغرور..
إنجي: غادي تكوني قررتي همم..
ياسمين: موافقة..
غير سمعاتها وهي توسع ابتسامتها.. ومدات يديها باش تصافحها..
إنجي: مرحبا بشريكتي ههه..
خلاتها بلاكة وزاحت عينيها لبعيد..
إنجي(سرطات القمعة) : إذن مستاعدة تسمعي للخطة..
ياسمين(ناضت كتلبس نظاراتها): فاش غادي نقرر نسمع الخطة ديالك.. غانتاصل بيك..
(مشات وخلاتها)..
إنجي(صعرات): اااع متكبرة ولكن بلاتي غي نسالي منك ونوريك..قالوها "لحس الكلب من فمو حتا تقضي حاجتك منو"..(قلبات عينيها لجيهة الشارع ونطقات بابتسامة شرانية) غادي تندمي أشمس غادي نربيك غي بلاتي..
*******
ركبات ياسمين طموبيل مقادراش تحكم فراسها الأعصاب والدموع كلشي تخلط عليها.. باغا تبردهم فشي حاجة ولا غاطرطق .. حركات الطموبيل باتجاه الڤيلا.. كتسوق بسرعة وعينيها مغطيين بالدموع.. وصلات وطلعات كتخبط.. دخلات للبيت وبدات كتهرس فالديكورات معصبة بزاف..
ياسمين: هئ هئ علاش مايقبلش علاش أشنو ناقصني.. شمس شمس شااامس.. شنو فيها مخلي الرجال باغينها (شيرات جيهة الباب وغوتات) علاااااش...
(شهقات فاش شافتو دخل ماحملاتش راسها يشوفها فهاد الحالةماتستحملش يشوف ضعفها بسبابو)..
ياسمين: خراااج خرج عليا مابغيتش نشوفك..
(تصدم من حالتها وقرب)..
ياسمين:حدك تما ماتقربش مني.. ياك رفضتي نقرب منك..علاش باغي تقرب هاا..
(تخلع فاش شاف يديها كتنزف وماصبرش حتا شدها مزيرها مع الحيط وهمس حاط جبهتو على جبهتها)..
فخر الدين: ياسمين.. تهدني..كتآدي راسك..
ياسمين: فاش كنهمك أصلا..
فخر:كتهميني بزاف..
(كان بمثابة مهدئ ليها كأنه كيحاول يمتص غضبها.. غمضات عينيها كتنفس ريحتو الرجولية..حلات عينيها فعينيه لي كيدوبوها ماحساتش براسها حتى حطات شفايفها على ديالو رغم رفضو ليها لبارح إلا ورجولتو كتجذبها بشكل غريب خارج عن سيطرتها.. مشاعرها مخربقة ولكن متافقة على حاجة وحدة هي حبها ليه.. قلبها دقاتو مامنتاظمينش ولكن مصممين يضربو غي على قبلو وباسمو.. روحها كتكتامل غي فاش كيكون قريب منها ماعارفاش كيفاش وقع هادشي، فوقت وجيز ولكن متأكدة بلي احساسها صادق ونظيف هي ميقنة بلي تخلقات غي باش تبغيه وشنو غايمنعها،راجل فيه جميع المواصفات الف وحدة تمناه،زيادة على أنه راجلها حلالها شنو غايمنعها،ماتقدرش تمنع راسها ولا تكبح مشاعرها،باغاه لأقصى درجة ومامستاعداش تبعد ولا تتحمل رفضو ليها مرة أخرى.. شمس غي كتفكرها روحها كتزهق وقلبها كيتقبض دايرة بحال السوسة صعيب يزول آثرها ولكن مادام هي هنا مغاداش تخليها تبقى فمخيلتو مزال.. فخر الدين تخلق غير لوحدة ولي هي ياسمين)..
#يتبع..