#الـفـصـل الثـانـي#
💕أحبني_مراهق??
#أصـابـنـي_عـشـق#
للكاتبة #رباب نجمة# 🌟
الأجزاء الأخيرة من الفصل الثاني
الجزء 83:
#في_الصالة..
دخلات غيثة فاش سمعات المكالمة لي جرات بين معاذ وشخص آخر..
غيثة: أنا سمعتك بالصدفة.. ماقصدتش نتطفل عليك..
معاذ: صافي ماشي مشكل ماوقع والو..
غيثة: خليني نعاونك.. عارفاك ماعندكش هاد الفلوس كاملة..
معاذ: لا مايمكنش مستحيل نقبل منك شي مساعدة..
غيثة: علاش شنو فيها علاش حنا ماشي صحاب همم (قربات منو وجها قريب من وجهو) ماماك بحال ماما لي ماعنديش.. خليني نحس براسي عندي ام لي نعاونها.. وزايدون نت كتهمني بزاف مانقدرش نشوفك محتاج ومانعاونكش..فكر فماماك.. هي محتاجة لهاد العملية.. أشنو قلتي اا..
معاذ: وخا ولكن غادي نردهومليك..
غيثة: صافي وخا ولكن بالفوائد ههه... (شاف فيها بعيون عاشق كيف ماهي بادلاتو نفس النظرة)
# دخلات ضحى لمكتب صقر فين كان كيتسناها..
ضحى: سلام..
شاف فيها بهدوء متوقع مجيئها..
صقر: مرحبا بيك.. شنو تشربي..
ضحى(جلسات): كافي كريم امم ولا عصير.. لي كان..
صقر: وخا.. اوا شنو سبب هاد الزيارة..
ضحى: نكملو هضرتنا لي بدينا داك النهار..
صقر(بصوت خشن): شنو نسيتي ماقلتيش..
ضحى: أنا جيت اليوم باش نحطو النقط على الحروف ونوضحو الأمور بيناتنا..
صقر: أهاه ..(شاف فيها كيتسناها تدوي)..
ضحى: مزيان..احم
(شافت فعينيه مباشرة)
شنو أنا بالنسبة ليك..
صقر(بتاسم بسخرية): الحد الساعة مزال ماعرفتي! 🙄
ضحى(شافت فيه بتعجب): كتبغيني.. ولا غي كتقول (وقفات عاطياه بالظهر وكتمسح على جبهتها قبل مادور وتشوف فيه بتحدي) عرفتي الا كنتي كضحك عليا غادي نوريك شكانسواا حيت صافي مابقيتش قادرة على شي صدمة خرا.. فلوسي كاملين حطيتهم عند الأطباء النفسيين بلا ماندويو على الطاقة لي ضيعتها وأنا كنعاودليهم نفس القصة ونفس التجارب.. واش ماشي من حقي ندوز من شي تجربة زوينة.. قصة حب حقيقية نكون راضية عليها نعاودها لولادي وأنا شادا فيد الراجل لي كنبغي امم..!! (شدات فيديه وشافت فيه كأنها كترجاه بعينيها) بغيتك تكون الشخص المناسب..البطل ديال هاد القصة.. بغيتك تكون داك النور لي غايضوي حياتي الكحلة وينسيني فكاع دوك التجارب القبيحة لي دزت منها.. واش تقدر.. واش تقدر تكون هاد الشخص!!
صقر(قرب منها واضع راسها بين كفوف يديه): مغاديش تندمي إلا فتحتيلي قلبك وخليتيني نداوي الجروح القديمة.. غادي نخليك إنسانة خرا.. أيام العذاب النفسي و العقد النفسية غادي تمحا عمرها غاتعاود.. غادي نخليك ضحى خرا.. ضحى ديال صقر..
ضحى: قداش كتبغيني أصقر؟؟
صقر: كنبغيك بزااف ماتحتاجيش تسوليني كنظن باينة من عينيا.. كنبغيك بزاف لدرجة مايمكنش تقاس..
(قربات منو كثر هامسة)..
ضحى: ضحى معجبة بيك..معجبة بزااف بهاد الشخصية الجليدية لي كتخلي قلبي يلين ليها نهار بعد نهار..
(قربات ملامسة شفايفها دياولو راسمين قبلة دافية لي خلات قلوبهم تنبض بكل قوة)..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
