#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 70:
🌹أصبحنا وأصبح الملك لله🌹
#عند___مريم 💛
كان وجها ممكيج وكحل العيون ردها بنت مختلفة تماما على ديك مريم المراهقة..
كان ماكياجها ثقيل.. وشفايفها فاللون الأحمر الداكن...
ماكانتش مبتاسمة كيف عادتها... بالعكس كانت ذابلة والماكياج ماقدرش يرجع الروح لملامحها الكئيبة.. لابسة كسوة سوداء طويلة..كأنها كتعبر على روح غراب أسود.. وشقة صدرها باينة من ديك الكسوة.. وعلى غفلة منها تذكرات ليلة البارح وكفاش رفضها..حاولات تحبس دموعها باش مايخسرش ليها الماكياج.. وقلبها عالم بيه غير الله..
هبطات لتحت..
كانوا كيفطرو..
غير شافها وهو يقلب وجهو مهرب عينيه.. استأذن باغي يهرب لشي بلاصة ماتكونش فيها هي..
ابتاسمات باستهزاء وخرجات تابعاه.. مامفاكاش معاه..
مريم: مووصعب..
وقف على إثر ذكرها لإسمو بديك الطريقة كأنها كتقولو وقف ماتمشيش أنا محتاجاك فجنبي.. واش لهاد الدرجة مابقيتش فيك.. خليك معايا.. أنا مجروحة بسبابك وبغيتك تداوي جروحي..
دار عندها ببطئ راسم ابتسامة ساخرة على وجهو خلاتها تكره راسها كأنها شي عاهرة كتلصق عليه..
مصعب(عقد حجبانو): ياك لاباس شنو بغيتي..
قربات عندو باحباط كثر من خجل ..هي بطبعها خجولة ولكن الحب خلاها تولي جريئة شيئا ما.. تفكرات تشجيع مها فاش عاوداتليها.. هزات فيه راسها مقربة منو بثقة مصرة على كلامها..
مريم(ببرائة مصطنعة): توصلني معاك..
مصعب(داب فعينيها ولكن مابينش): وخا يلاه..
#عند___أمـل
فاقت معطلة حيت اليوم عندها عطلة.. خارجة كتكسل وشعرها طالع فالسما وعينيها معمشين.. تا كتصدم باسماعيل داخل عليها للدار.. "هذا شنو جابو عندنا".."ياكما جاي يخطب"..وسعات ابتسامتها وريوكها سايلين.. "أوه بهاد السرعة!! "..
تا كتشوفو شاد فيد مها لي كانت عيانة..
إسماعيل: زيدي الحاجة غي بشوية عليك..
السعدية: ماقديتش أوليدي.. (شافت فأمل لي مزال مصدومة)..أجي يا العديمة عاونيني الله يلقيهاليك..لقيت الخير فالبراني مالقيتو فولادي.. بسبابكم.. غادا نجيبلكم ماتجغددو تا جبتها فراسي.. وجه المحاين أنا...
أمل: مالك أمي ياك أودي لاباس..شافت فيه بخجل..
تكلم إسماعيل بأدب..
إسماعيل: كنت دايز من المارشي الفوق تا لقيتها طايحة كتغوت والناس دايرين بيها.. تعايلي تفدعاتليها الرجل ليمنيا..
أمل: أويلي.. وكيف وقعلك أالسعدية.. (بخجل) زعما ماما..
السعدية: ماعرفت كيف وقع.. نوضي غسلي كمارتك او وجدي لولدي اسماعيل شي براد داتاي..
اسماعيل: لا بلاما تعدبي راسك الحاجة..
السعدية: لواه أوليدي مكاين حتا عذاب..
#يتبع..
أنت تقرأ
أحبني مراهق A TEENAGER LOVED ME
Romantizmبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
