#الـفـصـل الثـانـي#
💕أحبني_مراهق??
#أصـابـنـي_عـشـق#
للكاتبة #رباب نجمة# 🌟
الأجزاء الأخيرة من الفصل الثاني
الجزء 84:
~أمنية(كطل من الشرفة مراقبة النجوم.. تكلمات بنبرة غاضبة وهي كتدكر كلماتو القاسية):حقييير.. كفاش قدر يدير فيا هكا كفاش..نسا العشرة.. دغيا تبدل اااع.. أنا لي بغيتو بحال الحمقة.. أنا لي مني ديفو ولكن والله لابقات فيه..
في نفس اللحظة وبنفس الوضعية وبنفس الأفكار.. كان واضع قدامو كاس دالقهوة كيفكر فأمنية وشنو داز بيناتهم..
~مراد: تستاهلي أ حبيبتي.. بحرا ترباي شوية.. (تفكر ديك الحورية لي شاف بعيون سود وشعر بني وضحكتها الرقيقة وخدودها الحمرين بالحشمة) تمنيتك تكوني بحالها أ أمنية لا لا حسن منها..عارفك فايتاها بشحال من حاجة ولكن الحشمة ماتكسابيهاش.. مانرتاح تا نخليك حسن منها.. ونهرس ليك ديك القباحة وقصوحية الراس..
~أمنية: كيحسابلو هكا غادي نزيد نبغيه ونجي مذلولة نرغبو يرجع معايا..ولكن هايهات.. لا أمنية ماشي هكا.. غادي نخليه يجي يترجاني ولكن غادي يكون فات الحال..
مراد: غير بلاتي الهمجية ديالي..أنا لي غانقادك أ حبيبة..
💜#منتصف_الليل ..كلشي ناعس إلا إنجي لي سهرانة فواحد البواط.. كتشرب بدون توقف.. الخطة لي رسماتها فشلات كيف الخطط القدام دائما كتكون الشريرة الخاسرة..ملات من هاد الحياة لي كتعيشها كتحس براسها خسرات بزاف.. ماشي هادي هي الحياة لي تمنات.. منهار ماتت ماماها والعقد النفسية في تراكم.. حياتها تدمرات مع موت مها.. باغا ترتاح وتنسى لي وقع..
وقفات غادا باتجاه المنصة فين كلشي كيشطح هازة كاس دالشراب فيديها كتمايل بجسمها خطوة للأمام وجوج للوراء.. وصلات كتدفع فالناس باغا تشطح بوحدها وشعرها ملاصق مع وجها بسباب العرق بشكل مثير..
بان ليها شخص جالس بوحدو كيشوف فيها مشات باتجاهو كضحك بطفولية..
إنجي: مالك كتشوف فيا.. ماتقوليش عجبتك.. واش عجباتك هاد الحالة لي أنا فيها ههه... نوض أجي تشطح معايا (شدات فيه كتجرو) خلينا نشطحو أنا وياك كتبالي وحيد بحالي.. أجي معايا..
عيسى: بايلي أول مرة كتشربي.. نتي لي غاتجي معايا..
إنجي(ضحكات بدلال وغمزاتو مع انتهاء كلامها): هي شي ليلة عندك هه..
عيسى: أجي بلا كثرة الكلام..
(مشات معاه وركبات معاه كتلاصق معاه وهو دايرليها خاطرها)..
عيسى: فين كتسكني..
إنجي(قبحات وجها): وااالا أصاحبي ماتقوليش غادي تنعس معايا فدارنا وختي وعمتي يتفرجو فينا..
عيسى: عطيني العنوان نوصلك لداركم.. مامساليش لهاد التبرهيش..
إنجي(خرجات عينيها كتشوف فيه وتكلمات بخيبة): لا ماتقولهاش.. حتا نت غاتخليني.. ببف ماعندي زهر..
دور وجهو عليها قبل مايشوفها نعسات..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
