#الـفـصـل الثـالث#
💕أحبني_مراهق??
#أنثى_تعشق_الإختلاف#
للكاتبة #رباب نجمة# 🌟
الجزء 105:
شافت فيها آية لبرهة بنظرات استفهام وتعجب..نظرات قدرات تخلي شمس تفاتحها فالموضوع..
هاد الأخيرة تقدمات منها كتحيد القفازات من يديها وحطاتهم فوق الطبلة الموجودة بالقرب منها.. وجلسات مقابلة معاها.. مدات يديها كتلمس اصابعها بحنان..
شمس: واش مابغيتيش تزوري بلادك ؟
نطقات آية بعفوية وهي فاتحة عينيها بشكل مثير..
آية: معلوم بغيت..
شمس: اوا علاش تا لدبا مزال مابغيتي تمشي..(سكتات شوية كتسنى جوابها لكن مكانش منها رد) واش عرفتي علاش باباك طول فترة سفرو هاد المرة؟
شافت فيها آية بفضول ونطقات..
آية: لا.. علاش؟
شمس: حيت ماغاديش يرجع لهنا..
وقفات آية عاقدة حواجبها وزامة شفايفها بعبوس كتحاول تفهم أش كتقول.. كفاش باباها ماغايرجعش واش سمح فيهم وتخلى على حياتو معاهم!!
آية: وعلاش..مافهمت والو من هضرتك..(رجعات جلسات كيف الأول وحاجبها مرفوع ونطقات بدون تفكير) واش حتى نتي أماما غاتمشي وتخليني؟
ضحكات شمس مطولة..
شمس: الله يابنتي منين كتجيبي هاد الأفكار!!
ابتاسمات آية مشاركاها الضحك..
آية: اوا نتي لي مافسرتيليش، جيتي ولحتيلي كلمات غراب..مافهمت منهم والو..
ضحكات شمس بصوت مسموع..
شمس: ذكائك خانك هاد المرة أبنتي.. (مدات يديها لخدودها ونطقات بغزل) شكون هاد الحمق لي غايسمح فهاد الزين كامل..
ولكن أبنتي لي قصدت من كلامي هو أنا ونتي غانمشيو للمغرب ونلحقو على باباك..
عقدات آية حجبانها بتفكير ورجعات نطقات..
آية: ولكن أنا مامستاعداش.
شمس: وعلاش أبنتي شنو عندك ..
آية: ماعرفتش أماما.. أنا بغيت نمشي ولكن شي حاجة مامخليانيش نبعد على هنا.. التفكير فأنني نمشي لبلدي الأصلي وأنا مكنعرف فيه حتا بلاصة حتى معلوماتي عليه بساط وزيد ماعنديش اللغة العربية مسرحة ولا حتى الدريجة هادشي كيخليني نهرب من فكرة نمشي لتما..
رمقاتها شمس بنظرات متحسرة كيف ماكان الحال هي السبب.. عمرها فكرات ترجع للمغرب ولا تاخذ معاها بنتها.. فهد بوحدو لي كان كيمشي مرة مرة.. ولالة أمينة ومـاجـدة كانوا هما لي كيزوروها..
رجعات غيرات من ملامحها ونطقات بسرور..
شمس: ماعندك مناش تخافي غادي يعجبك الحال بمجرد ماتوصلي وتحطي رجليك فوق أرضو وترابو غادي تحسي باحساس زوين وغادي تنساي هاد الافكار..
رمشات آية وابتاسمات بفضول..
آية: زعما ممكن ؟
شمس(بابتسامة): وعلاش لا، يلاه سيري لبيتك بدلي حوايجك وأجي راه خليتلك من العشا..
آية: وخا..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
