💕أحبني_مراهق💕
للكاتبة #رباب نجمة#
الجزء 48:
دخلات مروى للبيت لقات أمنية غادا جايا كتصوط وماعاجبها حال..
مروى: اي مالكي معصبة..
أمنية: ماشي غي معصبة حاسا براسي غادي نفاجر..
مروى(جلسات حداها) : وعلاش بالسلامة اش مشاليك..
أمنية: باز لقلبك أختي من المفروض نتي لي تكوني معصبة ماشي أنا..
مروى: الله يحفظني اش بغيتي عندي الا كنتي كتهضري على شمس وفهد غير هني بالك أنا حيدتهوم من بالي وماعندي تا مشكيل معاهم.. ماكاينش غير هو..
أمنية: مايمكنش نتيقك..
مروى: أنا لي مافهمتش هو علاش وليتي هكا مع شمس هي مادارتليك والو..
أمنية: لا بالعكس سوليني شنو لي مادارتش من ديما هي لي كتربح حب الناس وأنا لا ديما كتديلي صحابي ولي كيكون باغيني غي كيشوفها كيمشي ويخليني پپف كرهتها حتا من خويا مازكلاتوش..
مروى: الله يهديك أصاحبتي كيف ماكان الحال كتبقا صاحبتك وباينة كتبغيك.. ماخصش الغيرة تغلب عليك.. راجعي تصرفاتك معها البنت باينة بنت الناس خصكي تحمدي الله حيت لاقاك بصديقة مزيانة.. حيت فهاد الوقت ولا باش تلقاي صديقة وفية صعب من أنك تلقاي رجل وفي.. وزايدون فهد كان مكتابليها مغاديش نغيرو قضاء الله.. مهم باي نخليك عندي مايدار.. (خرجات وخلات أمنية حايرة فأمرها بعد تفكير طويل قررات تتصل بشمس وعرضات عليها لكافي يهضرو شوية)..
دخلات شمس للمقهى فين لقات أمنية كتسناها..
شمس: سلام..
أمنية: نتي شنو باغا بالظبط..
شمس: هه مافهمتش..
أمنية: أنا عارفة مزيان بلي نتي غير كتفلاي على خويا باش ماترجعيش لسيف الدين عايقة بيك أنا أكثر وحدة فاهماك أشمس ولكن نتي غادي تبعدي على خويا وعلى عائلتي وإلا....
شمس(وقفات و قاطعاتها): وإلا شنو..
أمنية(كدور فعينيها الناس كلهم دارو كيشوفو فيهم) :كلسي بلا شوهة..
شمس(رجعات كلسات): نتي مزال مكتعرفينيش أ أمنية حسن ليك تقاي شري.. أنا بصح كنبغي خوك وتا هو كيبغيني إذن نتي مالك علاش مصرة باش تخربي علاقتنا..
أمنية: لي عندي قلتو بعدي على خويا حيت لعبي خايب ونتي كتعرفيني..
شمس: جهدك ديريه أبب ونشوفو شكون لي غايربح أنا ولا نتي..
********
مـاجـِدة: مكتسواش سنين عشرتكوم كلها ضرباتها فالزيرو..
شمس: غير خليها كتبرد على روحها..
مـاجـدة: مهم نتي صاڤا حبيب القلب بخير..
شمس: بخير وحسن كاع هه.. مهم أنا غايخصني نمشي دبا عندي رونديڤو مع الطبيب..
مـاجـدة: كفاش ياك لاباس..
شمس: أنا شاكا بلي حاملة..
مـاجـدة: واش كتدوي بصح لا مامتيقاش غانولي خالة هه..
شمس: البارح درت الطيست وطلع إيجابي مهم فهد كيصوني خصني نمشي دبا..
مـاجـدة: أوكي حبيبة ديالي تهلاي فراسك وعلميني بالجديد ومبروك عليك أختي..
شمس: الله يبارك فيك يلاه بيزو..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
