#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 58:
كانت خارجة أمنية كيف ديما مع حب قلبها مراد كيتمعشقو.. أجيو ندويو شوية على علاقتهم.. أمنية بعصبيتها الزايدة ديما خالقة المشاكل من والو..شي مرات مراد كيفسرها بغيرة ومرات خرين كيفسرها بتقلب مزاجها ودائما مكيسيطر على أعصابو "صدق من قال إلا شفتي جوج متفاهمين عرف الدرك على واحد" صونا ليها التيلفون.. أمنية: أووووه شوف شكون تفكرنا.. الزين كدايرة.. مروى: هئ هئ ماشي بخير محتاجة المساعدة ديالك.. أمنية: أويلي مالك فاش غانعاونك.. مروى: إنجي كتهددني إلا مابعدتش على فيصل غادي ترجعني للمصحة أنا مانقدرش على ديك البلاصة أ أمنية مكيعاملونيش مزيان أنا هئ هئ أنا ماشي حمقة هئ هئ إنجي هي لي كان خصها تدخل لمصحة الأمراض العقلية ماشي أنا.. أمنية: صافي صافي تهدني نتي فينك نجي عندك.. مروى: في تركيا.. أمنية: كفاش شنو جابك لتما.. مروى: هاد الحمقة هي لي جابتنا لهنا وكتوجد خطة غادمر فهد وشمس.. أمنية: كفاش !! خصكي ضروري تهبطي للمغرب وفأقرب وقت.. مروى: غادي نحاول.. (قطعات مروى المكالمة ولقات فوق راسها ختها).. مروى: اا إنن جيي.. إنجي: مالك كتفتفي نوضي لبسي غانخرجو.. مروى: فين.. إنجي: هانتي غاتعرفي.. ******* وصلوا لواحد المصحة كبيرة باينة عليها غير ديال شكون وشكون ولكن وخا هكاك كتبقا مصحة ديال الحماق.. "حمق" كلمة ساهل نقولوها حنا لي بعقلنا وكاع مغايحس بيها لي فاقد عقلو ولكن أهلو وحبابو الا سمعو هاد الكلمة كيضرهم خاطرهم وكتضيق بيهم الدنيا.. أكيد واحد منا عندو فعائلتو شي واحد "حمق" أو ممكن هو بنفسو جرب يكون حمق..شكون يرضا على راسو هاد الكلمة.. أو يمكن شي واحد فينا شاف شي واحد حمق فالزنقة وقال عليه "حمق" بدون مايحتارم لا شخصيتو ولا مشاعرو.. على داكشي خصنا نبدلوا مصطلحاتنا ونظرتنا لبحال هاد الناس حيت ماشي هو لي ختار يكون "مختل أو فاقد للعقل".. مروى(بخوف): نن تتتي حنا شنو كنديرو هنا.. إنجي(بإبتسامة): علاش خفتي هكا واش ماتوحشتيش صحابك أوه عرفتي شحال غايفرحوا إلا شافوك.. مروى: نتي وحدة مريضة.. إنجي(بجدية): نزلي.. مروى: شنو.. إنجي: قلتليك نزلي.. مروى(بخوف): ختي الله يخليك ماديريش معايا هكا.. إنجي: امم أشنو كندير أحبيبة بغيت غي نشوف هاد البلاصة شوفي شحال زوينة.. مروى: علاش كديري هكا هئ هئ صافي غاندير لي بغيتي غير رجعينا للدار.. إنجي(ضارت عندها وشافت فيها بغضب): علاش صونيتي لأمنية شنو كتحاولي ديري.. مروى: أنا غي بغيت ندوي معاها شوية هادشي لي كاين عفاك خلينا نرجعوا للدار.. إنجي: غادي نسمحليك هاد المرة ولكن المرة جاية غاتعاودي تزوري هاد البلاصة أختي الصغيرة.. (ديمارات الطموبيل متاجهة للدار) ******* غيثة: نتي بغيت غي نعرف منين كتفكري.. ضحى: مالكي ياك لاباس أش واقع.. غيثة: نتي باغا تسطيني واقيلا براكة من دوك التصرفات واش بغيتي خويا ينحرك.. ضحى: حربش يقربلي ويشوف.. غيثة: هاها امم زيدي نمشيو للبيتي.. #وصل وقت العشا تعشاو فصمت صقر تاجه للمكتب ديالو وغيثة و ضحى ومعاد بقاو كالسين فالصالة.. حتى قشعات ضحى الخدامة مطلعة القهوة وبدون تردد استأذنات ولحقات على الخدامة.. ضحى: نتي.. الخدامة: نعام ألالة.. ضحى: لمن هاد القهوة.. الخدامة: لسي صقر.. ضحى: صافي سيري شوفي شغلك أنا لي غانطلعهاليه.. الخدامة: ولكن.. ضحى(حمرات فيها): واصافي راه دوينا.. الخدامة: وخا.. طلعات ضحى للمكتب ودقات ولكن مكانش جواب وهي تدخل..كان جالس فوق الكرسي متكي عليه وداير للحيط.. ضحى: احم.. صقر(تكلم بلاما يدور): علاش دخلتي بلا إذن؟.. ضحى: دقيت وماجاوبتينيش.. صقر: شنو كديري هنا؟.. ضحى: أنا جبتليك القهوة.. صقر: حطيها وسيري.. ضحى: كفاش حطيها وسيري هادي هي شكرا.. (دار عندها صقر ودوا ببرود): واش طلبت منك تجيبيهالي وزايدون مكنحملش المتطفلين بحالك.. ضحى(مارضاتش وتغرغرو الدموع فعينيها): أنا ماقصدتش سمحلي.. صقر: اعتذارك مقبول تقدري تفضلي..(ورجع دار للحيط).. بلاما تحس رمات القهوة فالأرض ودموعها شلال.. نزلات كتحاول تجمعها ولكن جرحات يديها.. قرب منها صقر.. صقر: منين جيتي ونتي كديري المشاكل واش ماعييتيش.. (زاد حطمها بهضرتو وهي ماقدرات لاتدوي ولا تدافع على راسها غير كتبكي قرب منها كثر وجرها كلسها فالفوطوي شاف يديها ودوا).. صقر: واش كتحرقك.. ضحى: لا رد.. صقر: أنا قلبي كيحرقني كثر.. (هزات عينيها فيه بدون فهم).. اتاجه صقر للمجر وجاب علبة الاسعافات وضمضليها الجرحة وهي مازالها ساكتة.. صقر: صافي تقدري تمشي..
#يتبع..
رأيكم حبيباتي وشكرا للبنات لي كيتفاعلوا مع القصة وخا عددهم قليل..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
