💕أحبني_مراهق💕
للكاتبة #رباب نجمة#
الجزء 41:
تسريع الأحداث..
الحفلة بدات والكل مجتمع حتا من عائلة فهد و إنجي حاضيا غير فهد وشمس أما مروى ماعلابالهاش الزغبية..
إنجي: شوفيها كيدايرة ماعرفت شنو عجبو فيها..
مروى: مالها أختي غزالة كتحمق..
إنجي: منين جاها..
مروى: تقدر يكون داكشي وراثي ماشتيش مها..
أمنية: دبا واش نتي معانا ولا مع غانا..
مروى: أنا غي قلت مهم غانمشي للطواليط..
إنجي: سيري..
أمنية: ماعرفت فين مشا داك
"مشات مروى للطواليط مزروبة مكتشوفش قدامها حتا دخلات فالسرباي"..
السرباي: سمحيلي أمدام كاع ماشفتك كاع ماقصدت..
مروى: اا مادموزيل الله يخليك..(انتابهات قداش زوين ماتعطيهش سرباي) احم ماشي مشكل..
السرباي(بغا يمشي وهي تشد فيه) : نعام أمادموزيل فاش نقدر نساعدك..
مروى: احم الطواليط.. بغيت الطواليط..
السرباي: غادي تلقايها فالدخلة دالڤيلا..
مروى: وخا شكرا بزاف..
السرباي: العفو (مشا وخلاها)..
مروى: ناري على بوكوص.. يهديك الله واش ماباليك غي السرباي.. أويلي شكانقول ياك أنا كنبغي فهد.. مشات كتجري للطواليط قبل لا طلقها..
مروى: أوف الله على راحة ..أمنية شنو فاتني..
أمنية: والو شغايفوتك مثلا..
إنجي: فين تعطلتي..
مروى: احم غير كرشي مريضة.. كليت بزاف فالغدا..
إنجي: معلوم ونتي لي لقيتيه مكتفلتيهش..
"وصلات مـاجدة للحفلة وهي ناوية على خزيت باغا اليوم تصفي الحساب"..
شمس: ختي مرحبا بيك..
مـاجدة: شكرا أحبيبة جيتي غزالة..
شمس: تا نتي هذا مهدي خويا لي دويتليك عليه..
مهدي: متشرفين أنا مهدي..
مـاجدة: وأنا مـاجدة..
"دورات وجها وهي تبانليها ضحى كضحك وماعلابالهاش"..
مـاجدة(ابتاسمات بسخرية) :غادي ندمك..
مشات كتمختر حدا السرباي لي دخلات فيه مروى..
مـاجدة: احم ممكن تعاوني..
السرباي: مرحبا..
مـاجدة: وصل هاد الورقة لداك السيد(شيرات بيديها لرشاد) ومن بعد نص ساعة عطي هاد الورقة لديك البنت (شيرات لضحى)..
السرباي: وخا كوني هانيا..
مـاجدة: شكرا (وجبدات ضورات معاه)..
السرباي: الله يخلف عليك أمدام..
*****طلعات لبيت شمس دخلات وبدلات حوايجها ولبسات كسوة زوينة ومثيرة رشات ريحتها وقادات الماكياج وكلسات مقابلة مع السرجم..
السرباي: هادي ديالك أسيدي..
رشاد: شنو فيها (فتحها) وقراها..
"حبيبتك كتسناك فبيت شمس"..
رشاد: (شاف فضحى وهو يبتاسم) هاني جاي احبيبتي..
طلع للبيت وهو يتصدم فاش لقا مـاجـدة..
مـاجـدة: مالك تصدمتي هه هادي غي مـاجـدة حبيبتك لي كتبغيك..
رشاد: نتي كفاش جيتي هنا..
مـاجـدة(قربات منو حتا استنشق ريحتها لي سكراتو خاصة فاش انتابه قداش زيانت وتبدلات..جراتو وجلساتو على الناموسية): اوا ماتوحشتينيش..
رشاد: مـاجـدة أنا..
مـاجـدة: شش أنا نسيت كلشي وتوحشتك بزاف ونت..
رشاد: بزاف ..سمحيلي أمـاجـدة أنا ندمان بزاف ولكن ماشي بيدي كلشي كان فوق طاقتي..
مـاجـدة: امم تيقتك أحبيبي..
(يلاه قربات منو وهو يتحل الباب بجهد هنا بعدات وتبسمات)..
ضحى: رشاد ..شنو كدير.. لا لا مستحيل..
رشاد: ضحى..
ضحى: هئ هئ حيوان مكتسواش..
"رشادقرب منها ولكن هي دفعاتو"..حبس ماتقربش مني واياك واياك تقيسني بيديك الموسخة..
رشاد: ضحى فهمتي كلشي غلاط أنا غي..
ضحى(الماكياج كلو ساح بفعل البكا): نت شنو ها (غوتات) شنووو ؟(ورجعات هضرات بصوت خافت) نت والو......
رشاد: خليني غي نشرحليك..
ضحى: شغاتشرحليا ها بغيتي تقولي بلي أنا غي تزيرت وقلت أجي نخونها كاع مغتعرف..الحيوان عيفة الرجال الشماتة.. (شافت فمـاجـدة لي عاطاها بالظهر خرجات وزدحات الباب)..
رشاد: لا لا ماتمشيش أ ضحى أنا كنبغيك مستحيل نخونك..
مـاجـدة: ههه بقيتي فيا والله حالتك كتقطع فالقلب صافي خلاتك حبيبتك الزوينة لي ضحكتي عليا باش تمشي عندها امم حشومة عليها ماقدراتش هادشي ههه..
رشاد: نتي مكتسوايش (ناض باغي يضربها ولكن شداتلو يدو ولواتها)..
مـاجدة: واياك أشماتة تحاول تقرب ليا الرجولة ديالك سير بينها على شي وحدة مكتعرفكش أما أنا عارفة بلي بينك وبين الرجولة مسافات أبب (دفعاتو هزات صاكها وخرجات)..
"أما ضحى مشات كتجري لبيتها كتبكي وتقول مابكيت"..
ضحى: إلا الخيانة هئ هئ كنكره الخيانة (بدات تسترجع ذكرياتها ديال الطفولة)..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
