أحبني مراهق A TEENAGER LOVED ME

|121|

#الـفـصـل الثـالث#
💕أحبني_مراهق💕
#أنثى_تعشق_الإختلاف#
للكاتبة #رباب نجمة# 🌟
          
الجزء 121:

بقاو البنات كيتنقاشوا فأمور الخدمة.. حتى عياو وكل وحدة تكات فبلاصتها باش تنعس.. إلا هي رغم التعب مزالة فاتحة عينيها ساهية كتفكر.. دازت مدة طويلة وهي ساكتة.. عاد ناضت من مكانها باغية تشرب.. كتمشى حافية القدمين.. شعرها الرمادي مطلوق بحرية وخصلاتو كيحجبو عليها النظر كل مرة ترجعو ورا ودنيها.. قربات من باب الغرفة وفتحاتو خارجة بلاما دير الحس.. هبطات فالدروج بحذر خايفة تفيق شي واحد والحال متأخر.. خطاويها محسوبين...يلاه بغات تدخل للكوزينة حتى حسات براسها مرفوعة فالهوا ويد خشنة على فمها كاتمة أصواتها... كتركل برجليها العريانين كتحاول تفهم شنو واقع.. أما هو فكان محاصرها بنظراتو.. وعينيه كانو على تفاصيلها..شعرها القصير الرمادي... نزل عينيه لثدييها الصغار لي كيبانو بطريقة مستفزة من داك الفستان.. صدرها اهتز بوتيرة متصاعدة من
نظراتو لي مارحموهاش..
أخيرا رجع عينيه لعينيها ونطق...
"""""": غير تهدني غادي نطلق من فمك..
هزات راسها بالإيجاب.. حيد يديه من فمها.. لكن عوض مايبعد ويطلقها زاد قربها من صدرو أكثر ..

فتحات عينيها بذعر وتكلمات بهمس مرتجف..
آية: صكر.. (صقر)..

انفاسو حرقات وجها الناعم.. ويديه كانت بحال الأفعى ملتوية على خصرها النحيف..ذاب فنعومتها.. وماحس براسو حتى حنى لوجها أكثر وأنفو قاس أنفها.. بعض من خصلات شعرها التصق بلحيتو في تشابك غريب..
وضعات يديها على صدرو كمحاولة أنها توسع المسافة بيناتهم.. نطقات بارتجاف واضح..
آية: صكر بعد عفاك..

لولا همسها لي فيقو علم الله شكان وقع أكثر.. يا يتوقف قلبها من لمساتو وقربو.. يا يجن عقلو ويفقد سيطرتو.. ويسالي بيهم الحال فقبلة دافية..
بعد منها وحك لحيتو بتوتر كيبلل شفايفو ومركز نظراتو عليها..
وضعات يديها على قلبها بعفوية لي لدابا مزال كيضرب..كتنهج وتفرك أصابعها بتوتر كاتمة أنفاسها وعينيها كيدورو فالظلام..

كمية المشاعر لي حس بيها وهو قريب منها غريبة وغير واضحة ولكن لي متأكد منو هو هاد البنت تربعات على عرش قلبو من أول ماشافها.. معجب بيها لأقصى الحدود وشكون لي مكيعجبوش الجمال أنثى مختلفة وجميلة.. ورقيقة وناعمة....متفجرة الأنوثة....

شافتو ساهي فيها كيفكر وهي تبتاسم ناقذة الموقف.. كترمش بتوتر وصدرها العاري مزال كيطلع ويهبط ببطئ..
آية: حتى نت ماجاكش النعاس..
نطق كيشوف فعينيها..
صقر: ماجانيش بحالك..
آية: مهم تصبه على خير..
صقر: تسناي..
شافت فيه بنظرات استفهام..
هو لي قرب منها واضع قبلة على خدها ونطق..
صقر: تصبحي على خير..

مشات كتجري مصدومة من شنو دار..
أما هو حك نيفو بعدم رضى من نفسو.. كيفاش قدر يديرها.. فين مشاا الإحترام.. وثاني حاجة مامصدقش بلي ولى يبغي بنت فعمر بنتو..

جلس على الكرسي الخشبي كيعض فكو ويهز رجليه عاقد حجبانو بعدم رضى...

طلعات لغرفتها كتنهج او وجها حمر بالخجل... قبل ماتحس بشي حد جارها.....

#يتبع..