أحبني مراهق A TEENAGER LOVED ME

|109|

#الـفـصـل الثـالث#
💕أحبني_مراهق💕
#أنثى_تعشق_الإختلاف#
للكاتبة #رباب نجمة# 🌟
           الجزء 109:

آية: ومال خدودك توردات.. كتبغيه ياك !!
لينا: لا نتي آش كتقولي هو مجرد شخص كنعرفو، مكاينش شي سبب لي يخليني نبغيه..
آية(وسعات ابتسامتها): الحب مكيتطلبش سبب،  المهم هي النية..
لينا(بحدة): لا مكنبغيهش..
آية:عينيك كيقولو حاجة اخرى..
لينا: ياك مكتعنابرينيش صديقتك اذن علاش كتهضري معايا فهاد الأمور..
شافت فيها آية لبرهة تصعقات من كلامها ورجعات دورات عينيها لجهة اخرى..
لينا: لكن حيت أنا كنعتابرك أكثر من صديقة.. (مدات يديها لأناملها الرقيقة) غادي نحكيلك باش كنحس..
شافت فيها آية وابتاسمات بحب..
لينا(سرحات بخيالها): من أول ماحطيت رجلي فديك المقهى وسمعت أغنيتو سرات فيا رعشة أشبه باللعنة (احم احم ههه)، كلماتو الرنانة خلات قلبي يرقص على أنغام العشق، أعجبت بيه وتمنيتو فديك اللحظة (غمضات عينيها) حسيت باحساس غريب تملكني ودقات قلبي تسارعو بشكل هستيري (حلات عينيها شافت فيها بملامح حزينة) ولكن هو مكيبغينيش..
آية(تمحات ابتسامتها وتكلمات بهدوء): باش عرفتي ؟
لينا: آية الله يخليك، بلاما تهضري معايا ببرود كأنك مكتعرفيهش.. واحد بحال عصام كيظل يلعب بقلوب الفتيات، همو الوحيد يرضي غريزتو، مغاديش نخليه يلعب بيا حتى أنا.. ماشي على هواه..
آية: وعلاش ماتقوليش بلي ناوي يتوب على يدك، باغي أنثى بحالك تنسيه فجميع البنات.. عصام دبا داخل ف 28 واش فنظرك مزال ماوعى بلي خصو يدير عقلو ويبني حياة بعيدة على التفاهات..
لينا: مابغيتش نتلقى شي صدمة حيت كوني أكيدة غانقتلو..
آية: صافي خلينا منو..
تغيرات ملامحها وذبلات عويناتها..
لينا: غادي نتوحشو بزاف..
ضحكات آية بالثقالة وهي كتشوف فهاد الحمقة لي قبالتها..
لينا: ونتي علاش لحد الآن ماعندك لا حبيب لا صديق..
آية: حيت ببساطة حياتي عاجباني هكا..
لينا: عاجباك حياتك وحيدة غير أنا لي مصدعاك..
ابتاسمات آية وهضرات بلطافة..
آية: ضفتي لحياتي طعم خاص..
لينا: اوه مامتيقاش البنت المغرورة جاملاتني ههه..

~في المغرب•

تمشات لالة أمينة وبجنبها ضحى ومن وراهم الخدم جارين الشانطات..
تكلمات أمينة..
أمينة: سيري أبنتي لغرفتك ورتاحي شوية.. (شافت الدموع فعينيها، تنهدات مكملة كلامها) إن شاء الله كلشي غايتصلح بيناتكم بلاما تبكي راك قطعتيلي قلبي..
ضحى(رمشات حابسة الدموع لي فطرف عينيها): مكنظنش الحاجة..الاحترام علاش كانت علاقتنا مبنية أنا بيدي كسرتو..(غطات وجها بيديها كتبكي بانكسار) الأمور بيناتنا ضاعت..
أمينة(طبطبات على ظهرها وهي كترمقها بعيون متحسرة): لواه أبنتي، الزواج هو هذا إلا ماصبرتوش راه مكاين والو.. ديري عقلك وفكري مزيان.. اما باش تبقاي هاجرة راجلك راه ماعندها تا معنى بحال الا كتقولو الطلاق حسن..(قبلاتها فجبينها) وا الله يرضي عليك أبنتي سيري رتاحي وماتهزيش فقلبك..

#يتبع..