#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 64:
💛ڤيلا _صقر💛
فتح باب الغرفة بعد ما لقا حتى شي رد ..تمشا بتوتر.. جلس في الكرسي وعينيه كيراقبو تفاصيل الغرفة وكيتساراو بين الديكورات لي هنا ولهيه...
رجع حط عينو على باب الحمام.. حتى تفتح وخرج منها بخار دافئ مخلط بريحة الياسمين..
ومن وراه غيثة ملوية في بينوارها الوردي بجسدها المغري.... كانت حادرة عويناتها باغا دوز لدريسينك تشوف ماتلبس حتى تخطف لونها متفاجأة بوجود معاذ لي كيرمقها بنظرات مصدومة كيطلع ويهبط فيها بتدقيق..
غيثة(زيرات على أطراف البينوار) م معاااذ !!
معاذ(وقف بتثاقل ورجع شاف فالأرض وعاود شاف مباشرة فعينيها متفادي يشوف فأنحاء جسمها)..
غيثة(ضحكت بتوتر): هه أش جابك لهنا أكيد غلطتي في الغرفة!؟
معااذ(بشرود): ماعرفتش..كنت عادي تالقيت راسي هنا..
غيثة: نت مرييييض فمخك ولا مالك!! جاي لبيتي وداخل بلا إذن باش تقولي هاد الهضرة..
(تحركت حافرة الأرض برجليها.. حتى وصلت للباب..فحين هو مصدوم من شنو قال وزاد تصدم من شنو قالت)..
غيثة: تفضل براا وأخر مرة دخل لبيتي بلا ماتاخذ إذني.. وإلا غانقولها لصقر هو لي غ..
(تقدم ناحيتها وقاطعها واضع يدو على فمها ..جبد الباب وسدو)..
(فالحين تسمع صوت الدقان وصقر كيعيط)..
صقر(كيغوت): غيثة.. غيثة علاش سديتي الباب بهاد الطريقة ياك لاباس حلي عليا..
(غيثة تنفضات منو وهضرات بثقة مطلعة حاجبها فيه)..
غيثة: هاهو جا يلاه تفاهم معاه..
معاذ: واش تسطيتي إلا دخل وشافنا فهاد الحالة غاينويها فشكل ومانضمنش ليك شنو غايوقع.. (دوراتها فذماغها ولقات عندو الحق)..
غيثة(شافت فالباب): احم والو أخويا غير كنبدل حوايجي..
صقر(بشك): غي تكملي أجي هبطي عندي..
معاذ(زفر بضيق)
غيثة(رجعات نظرها ليه): كنتي غاتخرج علينا ياك لاباس شنو خصك..
معاذ: بغيت ندوي معاك..
غيثة: كنسمعك قول أش عندك..
معاذ: بخصوص ضحى..
غيثة(مستغربة): مالها !!
معاذ: بصراحة بغيتك تعاونيني وا إلا خوك مغاديش يتهنا حتا يجيبها عندو..
غيثة:كفاش مافهمت والو.. (جراتو من يديه جيهت السرير وجلسات حداه).. يلاه عاودلي من الأول
معاذ(بلع ريقو كيشوف ففخيضاتها العريانين): احم ممكن تلبسي حوايجك بعدا..
غيثة:هاا
#يتبع..
أنت تقرأ
أحبني مراهق A TEENAGER LOVED ME
Любовные романыبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
