#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 65:
عند___مريم💛
لبسات أحسن ماعندها وهبطات فرحانة باغا تشوفو لثاني مرة بعد غبرة طويييلة..
لقاتو مجمع مع هيثم وإيمان..
شافت فيها إيمان بنظرة كره أما هيثم طلعها وهبطها وكمر فيها..
هيثم: أش هاد اللباس ألالة..
إيمان: ولفنا أولدي على هاد الحالة..
هيثم: طلعي لبيتك بدلي عليك وأخر مرة نشوفك بهاد اللباس..
إيمان: شنو نتوقعو من بنت النصرانية..
(ماقدراتش تدوي.. طلعات مكسورة تحت أنظار مصعب لي مارضاش يغوت عليها هيثم)..
مصعب: سمحولي غادي نمشي للحمام..
إيمان:خوذ راحتك أولدي..
حط الكاس وطلع مع الدروج نيشان لبيتها.. لقاها كطل من البالكو..
مصعب: مريم ..
مريم: مصعب !! (مسحات دموعها) شكادير هنا..
مصعب(باحراج): كنت باغي نسولك واش نتي بخير..
مريم(بابتسامة هزات كتافها): ماعرفتش.. مهم تقدر تخرج بغيت نبقى بوحدي..
حرك راسو بآه والاحراج راكبو ندم علاش طلع عندها.. تمشى ناحية الباب وقبل مايسد الباب نطقات بسميتو..
مريم:مصعب
مصعب(غمض عينيه مستمتع بمخارج حروف سميتو بصوتها): نعام..
مريم: شكرا..
مصعب: علاش..
مريم (قربات منو): حيت نت هو المنقذ ديالي..
كتافى بابتسامة يالاه جا يكمل طريقو بلا شعور جراتو مخشية فصدرو كتنخصص وتبكي ... هادي أول مرة كتبكي عليه من بعد وقت طويل.. تفهمها وخلاها على راحتها ..قلبو ضرب بشكل هستيري ملي قربت نيفها لعنقو بورشاتو.. غمض عينيه وبقاو هكاك مدة قصيرة كانت هي متشبتة بصدرو ويديها محاوطين ظهرو..
حلت عينيها وبعدات كتنهج..
مصعب(قرب شاد وجها بين يديه) : واش رتاحيتي..
مريم(بابتسامة): مرتاحة وأنا بين يديك..
مصعب(بعد منها بتوتر): أنا غايخصني نمشي..نخليك ترتاحي.. (فحين هي حركات راسها بآه)
مزال الحشمة مخلية مسافة بيناتهم ماقادرينش ياخدو راحتهم ويدويو..
رجع نزل وجلس فبلاصتو لقا إيمان وهيثم كيدويو..
إيمان: تغيرتي ومزاجك تقلب..
مصعب: كفاش..
إيمان: عاد كنتي مخنزر ودبا مبتاسم..
مصعب: لا لا هه غير كيباليك أخالتي..
هيثم: خليه عليك أ الواليدة..ديما كتحرجيه..
*****
#فبيت___غيثة💛
غيثة👀: يعني هذا هو الموضوع فالصراحة جاتني فكرة زوينة نيت ضحى غادي تبدل الجو وتبعد من التوتر..
معاذ: يعني نعول عليك..
غيثة(غمضات عينيها ورجعات حلاتهم ): كون هاني أنا غاندوي معها متأكدة غادي توافق..
معاذ: وخا شكرا نخليك دبا..
غيثة: بسلامة..
#يتبع..
Rabab Rabab
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
