أحبني مراهق A TEENAGER LOVED ME

|122|

#الـفـصـل الثـالث#
💕أحبني_مراهق💕
#أنثى_تعشق_الإختلاف#
للكاتبة #رباب نجمة# 🌟
          
الجزء 122:

فغرفة مظلمة.. ضوء القمر بوحدو لي مشكل مصدر إنارة.. صوت صراخها بوحدو لي كيتسمع..

كتزعزع فيها بعنف كمحاولة تفيقها من الأحلام والأوهام و ترجعها لأرض الواقع..
لكن آية كتشوف فيها بضعف كتبكي بحرقة.. الرؤية عندها مضببة بسباب الدموع لي فعينيها..
آية: طلقي من يدي.. هئ هئ طلقي مني أماما..
شمس(بالغوات): فيقي وبراكة من الأحلام..وكثرة الوهام...
واش يسحابليك الأمور بهاد السهولة.. فين مشا عقلك ؟.. فين؟.... من امتى كتفكري بقلبك... وتخليه يتحكم فيك..دوي!!

نطقات آية بكلمات متقطعة بسباب شهقاتها...
آية: كنبغييه هئ هئ ..فين المشكل أماما واش الحب حرام.. كنبغيه ومكتافية بهاد الشعور بوحدي.. كنبغيه..  ومامنحق حتى واحد يقولي علاش.. حيت كتبقى حياتيي..

ضغطات شمس بأظافرها الطويلة غارساها فمرفق آية وعيونها حمراء كيف الجمر...
شمس: مامتيقاش أش كنسمع مستحيل تكوني بنتي آية.. آية لي كتسبق مصلحة الناس على مصلحتها.. فين مشا عقلك ؟؟ منين جبتي هاد الغباء.. دوي معايا.. خليني نسمع شي حاجة لي تقنعني..

بدات كتدفعها من يديها ونطقات بصوت باكي..
آية: كل واحد عندو أسبابو.. ماشي بيدي أنني بغيتو.. الحب ماشي بالاختيار أماما هئ هئ.. طلقيني راكي وجعتيني هئ هئ...
شمس: مامصدقاش من امتى وليتي حمقة كتفكري بهاد الطريقة.. مافكرتيش فضحى مسكينة.. مافكرتيش فحياتهم الزوجية لي غادي دمر بسببك.. وخا... على الأقل فكري غير فراسك.. واش ترضاي تكوني مع راجل قد باباك.. هممم ترضاي على نفسك تكوني ضرة وتسمعي كلام كيجرح من عند الناس تقدري تصبري على نظراتهم ليك.. واش بغيتي يكون مصيرك بحال مصيري.. مزوجة بواحد كبير عليك... فيقي ووعاي بلي فارق السن بيناتكم كبير.. نقولو أنا وباباك مابيناتناش بزاف.. وهو ماعرفتيش بشحال فايتك أ الحمقة.. صافي باسك فخدك وتبسمليك تعميتي ها ؟ تيقتي راسك !! مامتيقاش مشاعرك السخيفة.... ماتغريش أبنتي مايغركش زينك..حيت فاش غايذبل حتى إعجابو بيك غايمشي ويتبخر..

الغضب عماها وخلاها تنطق بكلام قلسي على الله يوعيها ويفيقها من القلبة ويرجعها لعقلها... أما آية فكتبكي وتهز راسها بالنفي ماباغاش تدخل كلام ماماها لعقلها الصغير حيت بلا شك مغايتحملش وممكن يتوقف.. أو يتجلط..
آية: لا أنا مكيهمنيش هادشي.. مشاعري بريئة.. مابغيت الضر لحتى واحد فينا...بغيت غير نعيش معاه صافييي..

قبل ماتكمل كلامها وتعبر بكلماتها لي خارجة من قلبها... حسات بكف على خدها خلاها شادة حنكها وكتشوف فيها بلاما ترمش مصدومة فيها عمرها هزات يديها عليها ولا عمرها توقعات أنها ديرها...

دخلات لينا مع اللقطة...لي فور مادارت يديها على فمها مصدومة  فشنو شافت عينيها..
أما شمس فتحرك داخلها شعور بالندم.. ولكن كلشي يهون فسبيل مصلحة بنتها الصغيرة...لي كانت كتظنها بعقلها... وخا هكاك عارفاها مزالة صغيرة ونية رغم القساوة والغرور لي كتبينو... مابغاتهاش تعيش حياة معقدة...

#يتبع..