أحبني مراهق A TEENAGER LOVED ME

|88|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
           الأجزاء الأخيرة من الفصل الثاني
الجزء 88:

فيـ____ــڤيلا أمنية..

جالسة فالجردة كتقرا كتاب حتا لمحات مروى ومعاها إنجي.. تفاجآت لتواجد إنجي لي غبرات هادي مدة طويلة..

أمنية: أووهوو زارتنا البركة..أخيرا شفناك..
إنجي: الله يسلمك..

(جلسو جماعين..)

أمنية: فين كنتي غابرة لا برية لا تيليفون.. ههه

إنجي: بغيت نبعد شوية ونراجع نفسي..

أمنية: علاش غاتراجعي نفسك مافهمتش..

إنجي: أنا ندمت على وقتي لي ضاع تابعة فيه خوك.. وعلى الذنوب لي جمعت وأنا كنحاول نخرب حياتهم.. أنا غانبدا حياة جديدة مع إنسان كنبغيه وكيبغيني.. إنسان عطا طعم جديد لحياتي..

(شافت أمنية فمروى باستغراب قبل ماتجاوبهاا بسخرية) ..

أمنية: شي خطة جديدة هادي..

إنجي: على أشمن خطة كتهضري..

أمنية: نتي أكثر وحدة مستحيل تنازل الا ماوصلاتش لداكشي ليبغات.. كفاش ممكن نتيق بلي إنجي الخبيثة تبدلات.. بحال الا كتقوليلي ابليس ثاب..

إنجي: على الأقل أنا كنجي لواحد فاص ماشي كنطعنو فظهرو..

أمنية: نتي شنو كتقصدي بكلامك..

إنجي: لي كنقصد راكي فهمتيه..

مروى: ماقصدات والو أ أمنية من غير أنك خصك تراجعي نفسك وتصلحي علاقتك بشمس.. صاحبتك لي تخليتي عليها فالوقت لي كانت محتاجة ليك..

أمنية(تكلمات بإندفاع): ونتوما مالكم أش دخلكم فعلاقتي معها.. وزايدون نتي مغاضحكيش عليا إنجي مستحيل تكون تبدلات وندمات على لي فات.. حيت إلا كان كلامك صحيح غاتكوني أكبر غبية.. (مشات.. بغات تلحق عليها مروى..وهي تشدها إنجي)..

إنجي: غير خليها..دبا تفهم غلطها.. هادشي إلا حاولات..

دخلات أمنية لبيتها معصبة.. مشات نيشان لألبوم الصور.. صور عديدة ليها مع شمس..
بقات كتشوف فيهم مدة من أول صورة لأخر صورة.. قبل ماتبدا تقطع فيهم بالجهالة...
أمنية: شمس.. شاامس.. شااامس كلشي كيهتهت غي بسميتك طلعتيلي فراسي... اااعع ديما نتي هي محط الأنظار وأمنية (ضحكات باستهزاء)  شكون كيعرفها أصلا.. مستحيل علاقتنا ترجع كيف كانت.. مستحييييل..

#عند_شمس..
شمس: هاهي بنتي الغزالة دوشات او ولات كتحمق شوفو على حنيكات عند هاد الغزالة غادي ناكلهم أنا هه..
ذرعاتها مبتاسمة كضحك معاها حتا دخل فهد فرحان..

فهد: حبيباتي عندي ليكم خبر زوين..
شمس: الله يسمعنا خبار الخير..
فهد: مشروع النسيج تقبل.. والخدمة غادي تمشي مزيان.. مابقا والو وغانستقرو في فرنسا..
شمس: واش بصح فرحتيني..
(عنقها كيبوس فيهم)..
فهد: مكنتخيلش حياتي بلا بيكم..
شمس: حتا أنا..
         
         "هناك آمال تحطمت وآخرى بدأت .. هذه هي الحياة لا نعلم ما يخبئ لنا القدر .. ننتظر أحلام لعلها تتحقق .. في واقع يرفض الحلم .. لا ندري اين سينتهي بنا القدر .. كل ما في الأمر بأننا استسلمنا لواقع مؤلم"..

#يتبع..