#الـفـصـل الثـالث#
💕أحبني_مراهق??
#أنثى_تعشق_الإختلاف#
للكاتبة #رباب نجمة# 🌟
الجزء 131:
دخلات مدام أمينة للغرفة بصحبة مدام ليلى لي جات على قبل عرس آية..
غير شافتها آية فتحات عينيها بفرحة وتقدمات عندها بسرعة كتعثر في أطراف قفطانها.. هاتفة بصوت مرتفع..
آية: مدام ليلى.. جيتي وأخيرا..
ابتاسمات ليلى بحب مستقبلاها بحضن دافئ كتمرر يديها على ظهرها...
ليلى: مشاء الله عليك أبنتي جيتي كتفتني بالزين الله يحجبك من عينين الحساد..
بعدات من حضنها شوية ماسكة في يدين ليلى.. ابتاسمات ابتسامة عذبة رقيقة..عينيها كيلمعوا بالفرحة..
آية: توحشتك بزااف وتوحشت جلستنا مع بعض في المقهى وتوحشت نسمع لصوت عصام هه ناري توحشت أيامنا كلها.. كنت خايفة ماتجيش..
ليلى: الله يابنتي وعلى أنا نقدر مانحضرش لعرس أجمل وردة وأطيب إنسانة شفتها فحياتي نتي راك بحال بنتي لي فقدتها هادي سنوات.. (تناسات الموضوع ونطقات بحب) كنت دائما كنقول شكون هاد سعيد الحظ لي غايحظى بهاد الزين والحلاوة ويخطفك منا ههه...
ابتاسمات آية بخجل ونسات توترها وألمها كأن ليلى طبيبة وداواتها بحضنها الدافئ..
آية: غير نتي جيتي واختفى الألم.. مجيتك فال خير عليا أ مدام ليلى..
ضحك الكل على كفاش تباهات مدام ليلى..
نطقات شمس..
شمس: يعني داك الحريق غير من التوتر.. رخفي على راسك أبنتي..
حركات راسها بالإبجاب وتكلمات مدام ليلى..
ليلى: اوا شنو القصة مور هاد الزواج.. وشكون هو سعيد الحظ لي غايخطفك أ الوردة..
مدام أمينة: سميتو صقر.. رجل معقول والله يعمرها دار..كنعرفوه من سنوات طويلة.. متأكدة بلي غايتهلا فيها ويديرها فعينيه..
رجعات ليلى نظرها لآية لي التزمات الصمت مبتاسمة بحياء ماقادراش تنطق أو تقول شي كلمة..
نطقات ليلى بمشاكسة..
ليلى: هاي هاي العروسة كتحشم ههه..
مريم: هكا دايرين حنا النسا مكنحشموش فمواضيع الحب والغرام حتى كنوليو مادين يدينا الحنا عاد السؤال فهادشي كيولي يحشمنا بدون وعي منا... ههه..
نطقات آية وأخيرا بابتسامة لذيذة..
آية: أنا بديت نبغيه من يلاه كانت عندي عشر سنين..
ميلات ليلى راسها باهتمام وفضول قوي..
ليلى: عشر سنين وكيف وقع هادشي ؟
كملات آية كلامها بخجل مبالغ فيه..
آية: أنا بنفسي ماعرفتش.. الحب مكياخدش الإذن باش يطرق باب قلوبنا..
نطقات مريم بفضول..
مريم: كنتو كتعرفو بعضياتكم من قبل ماتجي لهنا؟
آية: لا هو ماكانش كيعرفني..أنا لي كنت كنعرفو.. مهم هاد الموضوع كيزيد يوترني..
مريم: ايييه فاش فكرتيني أ آية غير فحكايتي مع مصعب ههه الله يكمل عليكم بالخير أحبيبة ديالي..
ابتسمات آية بلطافة..
آية: أمين ربي يخليك..
قربات ليلى من آية ومسحات على راسها بحنية..
ليلى: الله يحجبك ويجعل كلشي مبارك اومسعود أبنتي دبا غانهبط لتحت ونخليك تاخذي راحتك..
آية: عنداك ماترجعيش عندي..
ليلى: غانرجع كوني هانية..
خرجات مدام ليلى وتبعاتها مدام أمينة مخلية آية مع البنات..
#يتبع...
أنت تقرأ
أحبني مراهق A TEENAGER LOVED ME
Любовные романыبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
